المشاركة الأصلية كتبت بواسطة ibrahimsaad
ياجماعه والله انا مش عارف انتم ليه شادين اعصابكم وانتم بتتناقشوا
وكلامى لملاك الصنى او الساده الضيوف على حد السواء
انا من ملاك الصنى بس مش بزعل من انتقاد اى شخص لها من حقه يقول اللى هو عايزه طالما فى حدود النقاش البناء بس انا ليا رجاء لملاك الصنى ياجماعه روقوا شويه مش كل انتقاد تردوا عليه بحساسيه
انا مقدر طبعا تاثير ذلك عليكم وانا شخصيا جربت ده وعمل لى وسوسه رغم انى لم اصادف اى مشكله بالعربيه
بس بعد فتره لقيت كل ده شئ عادى جدا فعمليا وحسابيا لو حسبنا عدد السيارات الصنى التى فى مصر وحسبنا كام سياره بها مشاكل هتطلع كام يعنى ؟
لو عربيتين ثلاثه بس كان فيهم مشاكل وتم فتح موضوع لهم فى المنتدى هيديلك ايحاء ان كل الصنى كده
برغم انك لو نزلت الشارع هتلاقى السياره منتشره بصوره رهيبه انا يوميا بشوفها بزيد كثير جدا وبتنتشر وانا عارف ان ده مش مؤشر انها ممتازه علشان ماحدش يقول مش مؤشر على ذلك
لكن العربيه مقارنه بغيرها مش وحشه زى مابتوصف بيه
الخلاصه انت مقتنع بعربيتك وبتغنيك عن غيرها وبتخدمك خلاص كبر دماغك وسيب اللى يقول يقول الكلام مش بفلوس واحنا مش هنخسر بعض علشان عربيه فى الاخر
وربنا يسترها معانا جميعا ده اهم شئ