من حقى ابنى كام دور ؟؟

**mhoreya** · 07-05-2014 03:41 AM

الموضوع باختصار عمارةناصية على شارعين كل شارع 10 متر و الترخيص البناء كان سنة 2003 ارضى + 4 ادوار

تم البناء ارضى + 3 ادوار فقط و فى حالى اكمال الدور الرابع هتكون العمارة 60 سم زيادة عن الطول الى فى الترخيص ... لى جارى رجل ظالم ربنا يهديه واقفلى و مش عايزنى اكمل الدور الرابع بسبب خلاف عند البناء بسبب انو كان عاوز يشترى منى شوية امتار لزيادة مساحة الارض عندو لكنى رفضت .. و الجار ده مستشار و واصل فانا مش عاوز ابنى غير لما يبقى ورقى كلو سليم

من فترة زملائى قالولى ان فى قانون بناء جديد و انى من حقى اقدم طلب تعلية فى الحى و ان هيجيلى رخصة بدور اضافى ( ابقى ارضى + 5 ادوار ) بحكم انى ناصية و ساعتها ممكن ابنى الرابع بدون اى مشاكل و الخامس هو الى هيبقى بردو اعلى 60 سم من الرخصة و قالولى بردو ان فى نسبة سماح فى طول العمارة بمعنى ان لو العمارة زيادة فى الطول حاجة بسيطة الحى بيتغاضا عنها و بيعتبرها خطا فى التصميم طالما انى مش بانى دور زيادة

و بردو قالولى طالما جارك بانى خمسة انت من حقك بردو تبنى زيه ( جارى المقابل لى بردو ناصية شارعين و بانى 5 ادوار )

انا عاوز كل حاجة تكون قانونى عشان مش هقدر اعمل اى حاجة غير قانونى بسبب جارى ياريت تساعدونى و تقولولى كلام زملائى صح و لا غلط

**احمد المصرى** · 07-05-2014 10:23 AM

احساسى انك مدى لجارك دا حجم اكبر من قيمته بصراحه فى ناس كدا مش بتحب الخير للناس

انا ماجر شقه فى الهرم كل يومين الجيران يشتكوا ان الغسيل بتاع الناس بينقط ان مش عارف الناس بتتكلم بصوت عالى وعايزينهم يمشوا واسباب كلها واهيه

فى نوعيات كدا مش بتحب الخير للناس الحل انك تشوف حد فى الحى يخلصلك الموضوع بس لو ناوى تبنى ابنى فى وقت قياسى ويا سلام لو الراجل دا يكون مسافر كام يوم كمان

**Hazeeeeem** · 07-05-2014 11:08 AM

عالم زباله والله يا اخي .. الله يهديهم
يا عم انت روح الحي وشوف الاجرأت السليمه .. وهتلاقي الموضوع في الحي سهل لو ظبطت حد هناك (رغم اني ضد المبدأ ده .. بس هي دي بلدنا) .. ولا تقولي مستشار ولا حتي وزير .. الحي مع بعضيهم وفاهمين بعض كويس وطالما راضيين عنك لو مين مش هيعرف يعمل معاك حاجه ..
وربنا يوفقك ان شاء الله

**الفجر** · 07-05-2014 01:00 PM

بص هتروح هترفع قضية اولا بزيادة دور بناء اسوة بالناس اللى فى المنطقة معاك ودى قضية بسيطة مش اكتر من 4 شهور هتكسبها

هتروح للحى وهتدفع رشوة !!!!!! ومش هتمشى الا بالرشوة ( ملحوظة جارى جابلى قرار بازالة الدور بتاعى اللى انا ساكن فية بعد تقديم رشوة عشان يهددنى انى اجبلة شقة تمليك بدل الشقة الايجار اللى هو ساكن فيها شوفت ظلم اكتر من كدة فى حياتك !!) ودة لانك فى مصر فكل شئ بالرشوة

هيديك تصريح تقوم سيادتك تجرى بسرعة تبنى وتحط دورك باسرع وقت ممكن قبل ما الراجل يشتكيك للحى ويوقف البناء ويستخدم اساليبة وتكون انت قفلت الشقة تمام التمام وبعد ما تسكن محدش هيقدر يهوب بيتك الا بعد عشر سنين على الاقل فى المحاكم لازالة دورك

ولو جابلك ازالة دور بعد ما تسكن هتروح تتظلم وتاخد شقة فى اول مشروع تبع المحافظة اللى انت تابع ليها لانك هتتطرد وتتشرد فى شارع
ودمتم

**mhoreya** · 07-05-2014 03:30 PM

شكرا يا جماعة على الردود بس فى شوية ملحوظات
حكاية انى ابنى بسرعة دى مش هتنفع عشان هو بيجيب الشرطة فى نص ساعة و الشرطو بتيجى و بتلاقى كل حاجة سليمة فبتسبنى اكمل بس بعد عذاب و كلام كتييير و ده فى اول 3 ادوار بنيتهم لكن دلوقتى استحالة الشرطة تسبنى ابنى عشان الدور كده هيطلع زيادة 60 سم .
و انا اصلا عاوز اطلع رخصة بكمان دور خامس و مش عارف دى لازمها تظبيط او قضية ولا ممكن تطلع رسمى بحكم انى ناصية و بحكم قانون البناء الجديد ؟؟؟

**Fo1Fo** · 07-05-2014 03:33 PM

**ayman20100** · 07-05-2014 03:36 PM

تحيا مصر
رشاوي وفساد وما فيش قانون ومافيش اخلاق

بالنسبة لصاحب الموضوع لو عاوز الصح روح اسأل في الحي ومش امورك قانوني بمعنى حاول تعدل الترخيص ب 5 ادوار بدل 4 وللعلم ما دام مش هتاخد حق حد تاني وحقك مش هيجي غير كده يبقى ادفع رشوة بس ابقى قول في سرك (حسبى الله ونعم الوكيل ) ... مسكت الترخيص في ايدك يبقى تمام اعمل الى انت عاوزة وامشي قانوني عشان ما تتعبش وتدخل في سكة ازالة الدور ومخالفات وقرف انت في غنى عنه ...اشتري نفسك ووفلوسك واعصابك حتى لو الموضوع هيطول شوية (( امشي عدل يحتار عدوك فيك ))

**Fo1Fo** · 07-05-2014 03:52 PM

أيضاح للكروكى أعلاه :الأرتفاع المسموح به بالنسبه لشارع عرضه 10م هو مره ونصف عرض الشارع يعنى 15 م وده يديك حق بناء دور أرضى بأرتفاع 3.3 م كما بالكروكى وأربعه أدوار متكرره ( 4 فى 2.9 ) على ان يكون الدور الأول فوق الأرضى بدون بروزات (بلكونات او أبراج )طبعا سيادتك عملت الدور الأرضى بأرتفاع 4 م هو اللى عملك مشكله دى وتلاقيك عملت الدور الأول ببروزات . طبعا صاحبك المستشار لما جه يبنى الأخوه فى الحى مشوه زى الكتاب ماقال ( قانونى ) لأنه ما بيدفعش مستشار بقى . فسياده المستشار بيقولك كله زى بعضه وعايز يمشيك قانونى زيه . أسمع منى بقى : لاتجاوز فى الأرتفاعات . مافيش محاكم ها تديك ما يخالف القانون . طالما فى حد واقفلك وبيشتكيك يبقى ها يتعملك محاضر وقرارات أزاله ( ده اذا عرفت تبنى أصلا )
( ويمكن تتنفذ فيك ) طالما فى عضمه واقفه وراها . الحل تصبر على جارك السو لما يرحل او تجيله مصيبه تشيلوا والترخيص لا يسقط طالما شرعت فى البناء

**الفجر** · 07-05-2014 04:35 PM

ملحوظة هامة ممكن يكون جارك بيقرفك عشان تديلة قرشين و تجيبلة شقة

فممكن تقولة تاخد كام وتسيب الشقة والعمارة تفضالط وتبنى ادوارك من غير ما حد يضايقك

-

الموضوع: من حقى ابنى كام دور ؟؟

LinkBack

أدوات الموضوع

عرض

-

-

-

المواضيع المتشابهه

عايز ابنى مخالف :d

مشكله مع ابنى

عاوز ابنى شقة

للبيع ارض ابنى بيتك

ابنى الحبيب صميدة

الكلمات الدلالية لهذا الموضوع

المفضلات

المفضلات

ضوابط المشاركة