دا موضوع اخلاقى بحت
عرض للطباعة
دا موضوع اخلاقى بحت
بالنسبه للاخلاقي انا من كتر سفري و المعاناه مع سواقين النقل التقيل و الميكروباصات
اضطريت اركب زينون في العالي والواطي و الشبوره ولو ضربت العالي تبقى باشا و تعدي و يعمل حسابك من كيلو ورا غير كده قابل باه رمي و كسر عليك و برووود عشان يعديك
اما انا شايف الحل للضوء الامامي المبهر هوا رول فاميه يفتح و يقفل بالعرض و بردوا مش حل
الحل في النظارات ال polarized
بس للاسف اغلبها بتكون نظارات شمس
و مفيش منها نظر كتير
ركب فامية حراراى خفيف للزجاج الامامى
انا بسافر بليل متأخر وبعاااااااااااني من ولاد التيت بتوع النقل التقيل تلاقيه مركب يجي 6 فوانيس شبوره والمشكله ان الشبوره عنده بتبقى راشقه في وش اللي سايق عربيه ملاكي عشان فرق الارتفاع ومن حنيه قلبهم تلاقيهم قافلين النور العالي ومكتفيين بالفوجات هههههههه
كنت باتصفح على النت من كام يوم ولقيت الاختراع ده قولت أشارك بيه عشان هو ده الحل لموضوع الانعكاسات
ده عباره عن نظاره بوجهين .. واحد للنهار زي النظاره الشمس .. وواحد بالليل عشان اضواء السيارات المقابله
اسيبكم مع الصور :
http://www9.0zz0.com/2014/06/02/06/109085620.jpg
http://www9.0zz0.com/2014/06/02/06/542813717.jpg
والمنتج ده أنا شوفته على موقع بيع اون لاين وموجود في مصر تقريبا .. اللي عايزه ممكن يعمل عنه بحث في جوجل .
بالتوفيق
تفييم الزجاج الاماي حل كويس فعلا ..
يا أما تضرب إنت كمان النور العالي بتاعك في عين القدام ..
يا أما تحاول متركزش في النور العالي اللي قدامك قدر الامكان
بما انى كنت وما زلت بعانى من الموضوع دا بالاخص بعد ما عملت عملية ليزك و قلعت النظارة.
الحل فى نظارة سيفتى بتبقى بيضة او صفرا تكون ماركة كويسة و عدسة نقية و بتشتت الضوء المباشر
لو بتلبس نظارة البس نظارة عدسات فوتو بروان او فوتو جراي اغمق درجة مع انى اعتقد انها بتبقى درجة واحدة هي بالليل بتبقى بيضه و فيها درجة لون خفيفه جدا.