السلام عليكم
كنت عايز اجيب مرتبه اسفنج علشان تريح الظهر شويه لانى ال هينام عليها عنده مشاكل فى ظهره وهو بيرتاح مع الاسسفنج وخاصه يانسن كاتركت لانه مجربها بس لما رحنا نشترى لقيت نوع تانى اسمه يانسن كارس وحسب كلام البياع انها افضل علشان الفوم بتاعها اكتر والسوست وكلام كتير هل فعلا كارس افضل من كاتركت ولا اشتغالات وايه نصائحكم
علما بان يانسن كاتركت 120 فى 195 ب 1250 جنيه
ويانسين كارس 120*195 ب 1400 جنيه
اجيب اى نوع يا شباب
ميصتش على المراتب الطبية طالما فى مشاكل فى الضهر؟
هى مريحة جدا جدا بس اول كام يوم بتتعب شوية علشان الضهر مبيكونش متعود
اقتباس:
المشاركة الأصلية كتبت بواسطة medo11_1
انا مجرب يانسن كاتركت ومريحه جدااااااااااااااا ومريحه الظهر جدا بصراحه
متأكد ان كارس يانسن مش انجلندر؟
الكارس بيلوتوب حلوة جدا ومريحة
اقتباس:
المشاركة الأصلية كتبت بواسطة timtim
انا كنت رايح اتفرج واشترى يانسن كاتركت فالراجل قالى فى يانسن كارس اول مره كنت اسمع عنها بصراحه علشان كدا قلت اخد رايكم يعنى هو ال قال انها تابعه ليانسن والله اعلم
اصل يانسن وانجلندر توكيل واحد
اقتباس:
المشاركة الأصلية كتبت بواسطة timtim
معلومه جديده يعنى كارس مش يانسين تقصد كدا
ايوة بالظبط كدا..اقتباس:
المشاركة الأصلية كتبت بواسطة احمد المصرى
لو بتفكر فيها روح هايبر وان بيبقى عنده خصم اكتر من الموزعيين
وعايز اقترح عليك اقتراح عجيب شوية..
في مراتب هوائية في كارفور بارتفاعات مختلفة ومقاسات مختلفة هي المفروض للتخييم والمعسكرات وبتكون متينة .. يعني مفيش مانع انها تكون على سرير
سعر المقاس اللي حضرتك بتقول عليه في رنج 300ج .. ولا سوست ولا تهبط ولا الكلام دا :)
بص عليها كدا..
اقتباس:
المشاركة الأصلية كتبت بواسطة timtim
المراتب الهوائيه دى صعبه شويه بصراحه
بس الف شكر على رايك يا باشا