ناقصك إيه؟؟ - متجدد

**fady.bekatcho** · 13-10-2008 02:36 PM

بس يا غالى لو لقيت الزجاج بالبستيك بتاعة الى بيركب بية يبقى احسن

**Akram** · 13-10-2008 10:03 PM

المشاركة الأصلية كتبت بواسطة bee

الجنوط لقيت عند واحد 3 فرد ناقص واحده والكلاكسات بالهبل بس لازم تكون موجود وتسمع الي يعجبك وانت واقف تاخده من عربيات مش محلات
الفوجات بــ 150 جنيه
والآريال الكهرباء بــ 100 جنيه

شكراً يا باشا على المجهود ده ,:k32:
بس ما قولتش سعر الجنوط ايه و بالنسبة للكلاكس فهل هو الكلاكس البوش الخاص بالمرسيدس و لا دي انواع أخرى و تقصد ايه مش من محلات (تقصد جديد ولا استيراد) ,
و الفوجات بتبقى كاملة بالضفيرة و لا لأ .

**Mystique** · 13-10-2008 10:54 PM

المشاركة الأصلية كتبت بواسطة bee

بصي يا ستي أساسا أساسا فيه نص كامل لعربيتك موجود وانا أمنت عليه شخصياً :D
والقطعة الي انتي طالباها الي اسمها BSI UNIT انا قلت زي ما قلتي موجودة وثمنها مفاجأةةةةةةةةةةةةةةةةة ... مش انتي بتقولي بــ 10000 جنيه في التوكيل ؟؟
والي يجبهالك بــ 750 جنيه :k27:
لما تنوي تعالى موجود وممكن تاخدي النص كله بأقل من تمن ال BSI في التوكيل هههههههههههه:D أي خدعه

أولا..أنا مش عارفة أشكرك ازاي على كرمك ومساعدتك لينا كلنا..ربنا يجعله في ميزان حسناتك

.

ثانيا..اسمحلي أعبر عن ذهولي

وأحاول استوعب..يعني مش عايزة أقوللك التوكيل قالولي معندناش ف المخازن وهنبعت نجيب من فرنسا وهتكلفك كااااااااااام ألف..أنا قلت العربية ضاعت..

حسبي الله ونعم الوكيل

يعني بجد انت عملتلي خدمة كبيرة..ربنا يخليك

أنا هشوف حد بقى نازل بورسعيد قريب وابعته يجيبها..وان شاء الله لما تركب والعربية تتظبط..هروح التوكيل واوريهم:k5: الشغل بيبقى ازاي

**islamnabil** · 18-10-2008 02:17 AM

المشاركة الأصلية كتبت بواسطة bee

مفيش حد شغال فيها الا واحد رحتله معندوش حاليا بيقول لسه مفيش شغل وصل من قبل العيد .. قالي على الشهر الجاي جايله شغل .. يا مسهل

يافندم جزاك الله خيرا على تعبك معانا
بس انت كده احبطتني
اصل انا كنت بشتري حاجة من واحد بتاع قطع غيار سوزوكي في المعادي قالي ان العربية منتشرة جدا في بورسعيد و حتلاقي كل اللي انت عايزه هناك

عموما ربنا يسهل الشهر الجاي و ابقى افكرك تاني :D

معلش حتقل عليك وتسلم مرة تانية