ياةةةة . وبدات ايام مبارك ترجع (التوقيت الصيفي)

**al_manara** · 07-05-2014 11:28 PM

السلام عليكم

لقيت خبر يضحك . (الوزراء: تطبيق التوقيت الصيفى 15 مايو وإيقافه خلال شهر رمضان)

وافتكرت ايام مبارك بك والحكومة الي مش لاقية حاجة تعملها .

........................ (نص الخبر)
قال السفير حسام القاويش المتحدث باسم رئاسة الوزراء، إنه تقرر تطبيق التوقيت الصيفى من الخميس القادم 15 مايو وإيقافه خلال شهر رمضان ثم عودته بعد انتهاء شهر رمضان.

http://www1.youm7.com/News.asp?NewsI...6#.U2qV4PmSzKM
.........................

واضح اننا هانرجع بالساعة للخلف 5 سنين . ونبدا من جديد في كل حاجة

وكأن ثورة لم تقم . وكأن نظاما لم يسقط .

**snakeye** · 07-05-2014 11:38 PM

بالفعل الثوره المسروقه فشلت للأسف وانتهى عصر حسنى مع جمال وعلاء وجاء عصر عبدالفتاح مع محمود ومصطفى

**hugan** · 07-05-2014 11:38 PM

عمر البلد ماهاينصلح حالها
قمه التخلف
قال ايه هتيرجعو التوقيت الشتوي تاني في رمضان
ناقصين توتر ولغبطه
ناقص قرار كمان وتبقي فل الفل
الغاء سير النقل بجميع انواعه علي الصحراوي
خميس وجمعه وسبت
وتحويله للزراعي الفاضي
علشان يستمتعوا بامان الطريق الي مارينا

**mmtronic** · 08-05-2014 12:12 AM

سؤال ليكم كلكم تحديدا الى رابط عودة التوقيت الصيفى بايام مبارك الله يجحمه مطرح ما راح

سؤالى هوة

هل التوقيت الصيفى دة كان شىء خاص بحكومات مبارك ام انه اجراء عالمى متبع فى كثير من الدول من بيها اوروبا ؟

رجاء الاجابه على هذا السؤال

**K.Ossama** · 08-05-2014 12:24 AM

المشكلة ان الموضوع ده أثبت فشله فى توفير الطاقة على أساس أننا حنأجل فتح النور ساعة زيادة
بس قصاد كدة اللى بيحصل فعلياً إن النهار بيطول وشمس الصيف بتقعد ساعة زيادة يعنى الناس حتشغل التكييفات ساعة زيادة يعنى استهلاك كهرباء ساعة زيادة.....!!
طبعاً مع وجود شهر رمضان فى الصيف يعنى الساعة حتتغيير 4 مرات فى أقل من 5 شهور
طبعاً ده حيسبب فوضى جميلة جداً فى كل المنشآت إللى فيها أجهزة كمبيوتر أو ربط بالinternet إللى طبعاً مش حتقدر تتخيل وتتأقلم على النظام العبقرى ده إللى موجود فى مصر. بالتالي ده حيخللى فى لخبطة فى البنوك والبورصة والموانى وحجوزات الطيران والرحلات البرية والبحرية لأن الدول التانية مش فاضية للعب العيل ده، كل شهر على توقيت
بالإضافة إلى اللخبطة إللى كلنا بنعانى منها فى أجهزة الكمبيوتر والتليفون والتليفزيون وماشابه

**K.Ossama** · 08-05-2014 12:34 AM

المشاركة الأصلية كتبت بواسطة mmtronic

سؤال ليكم كلكم تحديدا الى رابط عودة التوقيت الصيفى بايام مبارك الله يجحمه مطرح ما راح

سؤالى هوة

هل التوقيت الصيفى دة كان شىء خاص بحكومات مبارك ام انه اجراء عالمى متبع فى كثير من الدول من بيها اوروبا ؟

رجاء الاجابه على هذا السؤال

متبع فى كثير من دول العالم
بس ليه.....؟
علشان توفير الطاقة....ازاى؟
لانه بكده حيخللى الناس تفتح النور للاضاءة وأجهزة التدفئة ساعة متأخرة اعتماداً على نور وحرارة الشمس
يبقى إيه المشكلة. .....؟
احنا عندنا الموضوع عكس كده خالص
أوروبا عندها نقص فى الشمس والناس نفسهم فيها وحيموتوا عليها
إنما احنا عندنا الشمس زيادة والناس فى الصيف حتموت منها فحيشغلوا التكييفات زيادة بالإضافة إلى المشاكل الأخرى زى ما شرحت فى مشاركتى السابقة

يبقى تطبيقه منتهى الغباء
والغباء مرتبط بالحكومات السابقة

**mmtronic** · 08-05-2014 12:39 AM

المشاركة الأصلية كتبت بواسطة k.ossama

متبع فى كثير من دول العالم
بس ليه.....؟
علشان توفير الطاقة....ازاى؟
لانه بكده حيخللى الناس تفتح النور للاضاءة وأجهزة التدفئة ساعة متأخرة اعتماداً على نور وحرارة الشمس
يبقى إيه المشكلة. .....؟
احنا عندنا الموضوع عكس كده خالص
أوروبا عندها نقص فى الشمس والناس نفسهم فيها وحيموتوا عليها
إنما احنا عندنا الشمس زيادة والناس فى الصيف حتموت منها فحيشغلوا التكييفات زيادة بالإضافة إلى المشاكل الأخرى زى ما شرحت فى مشاركتى السابقة

يبقى تطبيقه منتهى الغباء
والغباء مرتبط بالحكومات السابقة

يعنى كل الدول الى بتطبقه عندها نقص فى الشمس طيب و الدول الغير اوروبيه عندهم نقص فى الشمس و حيموتو عليها برضو :-)

شكرا على اجابه السؤال