مطلوب راى حبايبى واخوتى فى مشروع

**dedi** · 08-05-2014 12:04 AM

انا بصراحة واقع فى حيرة وقلت ماحدش هايفيدنى غير اخوتى فى المنتدى
لى واحد قريبى بيسافر برة كتير امامة توكيل سخانات شمسية وعاوزنى معة فى هذا المشروع نظرا لعدم تفرغة وطبعا سوف ادفع مبلغ محترم وبصراحة خايف من الفشل بالرغم من انة الشركة مقدمة دعم لة و تسهيلات كبيرة وضمان طويل للعميل واستبدال اى شئ تالف خلال الضمان وهى تعتبر احدث جيل من السخانات الشمسية حرارة المياة تبلغ 90 درجة مئوية وطبعا لا كهرباء او غاز ومشاكلهم والسعر سيكون مميز فكنت عاوز رايكم
1-هل حد عندة خبرة بهذا الموضوع
2-وهل سوق السخانات الشمسية ناجح ام لا
3- هل هو منتشر ام لا وكيفية التسويق لة
ماعلش وجعت دماغكم بس حسيت ماحدش هايفيدنى بالراى و الخبرة والنصيحة الا حبايبى و اخوتى هنا
شكرا لتعبكم

**shiko85** · 08-05-2014 12:35 AM

الفكره ممتازه جدا بس اعتقد ان الظروف الأقتصاديه مش هتسمح لأى حد يفكر انه يغير السخان غير كمان ان السخانات تعتبر من السلع المعمره و مش بتتغيير غير لما تبوظ خالص
اعتقد ان السوق فمصر كمستهلك عادى مش هيرحب بالفكره اوى خصوصا لو السعر غالى
لكن ممكن الفكره تنفع مع الفنادق او المستشفيات خصوصا ان فيه فنادق بدأت فستخدام الطاقه الشمسيه كبديل لمصادر الكهرباء العاديه
الموضوع محتاج تفكيير كويس و محتاج دعايه كبيره جدا

**amr011111** · 08-05-2014 12:40 AM

أهم حاجه فى مشروع زى ده هو الدعايه والتى لا تقل عن عمل إعﻻن فى التليفزيون فلو رأس المال يكفى الموضوع ده يبقى أبدأ المشروع
. انما لو راس المال مش هيكفى الموضوع ده يبقى ممكن تتفاوض مع الشركه المصنعه انها مسئوله عن التسويق وانت يعتبر واخد توكيل فقط
وبالتوفيق

**M R. Z E C O** · 08-05-2014 12:41 AM

شوية دعاية وسعر مناسب وانتو تعوموا وتبلبطو فالفلوس ههه وانا اول واحد هيشتري.هاعتبره قسط فاتورة كهربا

**minicooper20** · 08-05-2014 02:17 AM

تيم تسويق و سلز بروفاشنال قبل متتفق اصلن على التوكيل
لان بدون دول البضاعه هتفضل فى المستودعات

**qkash.com** · 08-05-2014 04:49 AM

فكرة مميزة واعتقد هتلاقي اقبال جيد

بالتوفيق ان شاء الله

**Secret-Man** · 08-05-2014 04:54 AM

حط فى بالك حاجتين مهمين جدا جدا

1 - هل السوق فعلا محتاج منتجك عن دراسه ولالا ثم تاتى مرحله التسويق

2 - منتجات زى ديه لازم ولابد اداره دعم فنى كامل تضمن للناس لو حصل اى مشكله يعرفو يلاقو حد يساعدهم ويكون فى دعايه كافيه لشرح المعلومات الفنيه ويفيد الناس بايه ويخليهم يغيرو سخانتهم القديمه ليه لازم يكون فيه قيمه مضافه