سلام عليكم
هل سن سنتين مناسب لدخول الطفل الحضانة ؟
ده على اعتبار ان الام مش بتشتغل يعني مافيش ضرورة لدخول الحضانة
و لو مناسب فإيه عدد الساعات المناسب يوميا في الاول ؟ و هل يوميا مناسب ولا لأ ؟
و لو مش مناسب فإيه السن المناسب ؟
عرض للطباعة
سلام عليكم
هل سن سنتين مناسب لدخول الطفل الحضانة ؟
ده على اعتبار ان الام مش بتشتغل يعني مافيش ضرورة لدخول الحضانة
و لو مناسب فإيه عدد الساعات المناسب يوميا في الاول ؟ و هل يوميا مناسب ولا لأ ؟
و لو مش مناسب فإيه السن المناسب ؟
اه لو عندها الكلام و التفاعل الاجتماعي نشط
انا بنتي عندها سنتين و نص و بقالها 3ايام في الحضانه
بس نقي حضانه محترمه و نضيفه فيها ناس تراعي ربنا في اطفالنا
بنتى الكبيرة دخلت حضانة من 8 شهور
ابنى الوسطانى من 6 شهور
ابنى الصغير من 3 شهور
متهيألى لو خلفت طفل رابع هنولده فى الحضانة :))
سن الحضانة حسب احتياجك انت ليه والاهم من كل دة مستوى الحضانة وهل هى مجهزة للسن دة ولا ﻷ وايه نوع النشاطات اللى بيعلموها للطفل والاهم من كل دة اهتمامهم بالنظافة والتهوية ﻷن اﻷطفال بتتعدى من بعض فى لمح البصر
يعني في رأيكم مناسب انها تروح كل يوم عادي
و بالنسبة لعدد الساعات
الحضانة يومها 8 ساعات , حاسس انه كتير اوي !
في الاول حتبقى سوااااد و عياط و نيله و هكذا لمده اسبوع و بعديها خلاص
خلي المدام خي اللي تنزلها للباص عشان مش حتقدر على عياطخا او عياطه
فى رأيى الشخصى اللى مالوش أى قيمة اطلاقا ( مدحت شلبى استايل) :
طالما الأم مش بتشتغل ومافيش ضرورة ملحة يبقى الأفضل فى السن ده حضن الأم مش حضن الدادة أو الميس
لو على التفاعل فيه النوادى مع الوالدين
السن ده محتاج أم وأب مش حضانة مهما كانت نضيفة
أما لو اضطريت متهيألى مايبقاش كل يوم ... يعنى يومين فى الأسبوع أول شهر وتزود بالتدريج
وربنا يكرمك فيها
برضه انا شايف ان وجود الطفل في السن الصغيره قوي دي جنب امه هايكون افضل ليه بكتير من تركه لناس غريبه عدد من الساعات كل يوم طالما مفيش ضرورة ملحه لحاجه زي كده ، اعتقد ان نفسية الطفل هتتأثر ببعده عن الأم في مرحلة مبكرة قوي زي كده
بالنسبة للسن المناسب للطفل اعتقد هي السن الطبيعية لل kg يعني مش اقل من 4 سنين
معلش يا استاذ تامر ممكن رايي يكون عكسك..انا من الناس الشايفة ان الحضانة ملهاش اي 50 لازمة على المدرسة علطول طلبعا وبكل صراحه الاستفادة الوحيدة من الحضانة ان الطفل يطلع من البيت غير كده مغيش والام قاعده يبقى مفيش داعي خصوصا ان معظم الناس معندهاش ضمير وده بيبي صغير لهيجي يحكي ولا حاجه