سؤال عن السكن فى برج العرب بالاسكندرية

**mohamed76** · 08-05-2014 10:03 AM

بفكر انى اسكن فى برج العرب
بس محتاج اعلاف ايه هى المناطق الكويسة هناك
فياريت لو حد من الاعضاء يكون عارف و ينصحنى كده اشزف فين وابعد عن ايه
او اي معلومات مفيدة عن المكان اكون شاكر جدا لانى مش عارف ابدأ من فين

**mmohamed15** · 08-05-2014 02:23 PM

انا رأيي بلاش لو انت من اسكندريه فأكيد عارف انها مدينه مركزبه و علشان تعمل اي حاجه لازم تنزل وسط البلد و دي مواصلاتها مش هتبقي مريحه خالص من برج العرب و لو عندك اولاد صعب تلاقي ليهم مدارس كويسه انا عارف ان المكان هادي و حلو بس المشكله في المركزيه بتاعه اسكندريه و في الاخر القرار بتاعك

**mohamed76** · 09-05-2014 10:33 PM

المشاركة الأصلية كتبت بواسطة mmohamed15

انا رأيي بلاش لو انت من اسكندريه فأكيد عارف انها مدينه مركزبه و علشان تعمل اي حاجه لازم تنزل وسط البلد و دي مواصلاتها مش هتبقي مريحه خالص من برج العرب و لو عندك اولاد صعب تلاقي ليهم مدارس كويسه انا عارف ان المكان هادي و حلو بس المشكله في المركزيه بتاعه اسكندريه و في الاخر القرار بتاعك

شكرا على الرد
واللى خلانى افكر فى كده حاجتين مهمين اول حاجة هى انى عايز اروح حته يكون الهواء فيها جاف عشان ابنى وتعبه من الحساسية
تانى حاجة ارتفاع اسعار السكن فى اسكندرية بشكل كبير جدا
اما موضوع المدارس فاكيد هشوفه بس لما اعرف ايه المناطق الكويسة الاول هناك ابقى اشوف ايه المدارس اللى فيها
انا اصلى مارحتش غير برج العرب الجديدة فى الحتة اللى عند الجهاز ورحت طبعا المناطق الصناعية بس ده االى اعرفه منها

**mmohamed15** · 09-05-2014 11:09 PM

فعلا الاسعار في اسكندريه مرتفعه لكن مش معني كده انك تروح برج العرب
عندك العجمي من اول البيطاش لحد ابو يوسف و الكيلو واحد وعشرين ممكن تلاقي فيهم حاجات بأسعار مناسبه و برضه تبقي مخرجتش قوي بره البلد هو العجمي مش جنه صحيح بس اكيد اقرب من برج العرب

**Merooxx** · 09-05-2014 11:09 PM

متابع

**mmohamed15** · 09-05-2014 11:30 PM

في ناس بتروح برج و العرب و الكينج مريوط فعلا بس دي بتبقي ناس مرتاحه ماديا و بتروح تسكن في كومباومند زي اليكس ويست او العروبه او سيدرا و ده بقي عيشه تانيه خالص يعني صحيح بتبعد عن قلب المدينه بس بتبقي كسبان انك عايش عيشه قريبه من النظام الاوروبي ارتفاعات اخرها 4 ادوار و مساحات خضراء و بيئه نظيفه بس اللي معاه يدقع طبعا و اساسي يبقي لازم عندك عربيه علي الاقل او اثنين علشان تنقلات العيله

**mohamed76** · 10-05-2014 03:59 PM

شكرا للعضو الفاضل mmohamed15 لاهتمامك و مشاركتك
هو العجمى كويسة بالنسبة للسعر بس مش مناسبة عشان الرطوبة برضه زى اسكندرية
موضوع الكومباومند والله مااعرفش عنه حاجة بس انا كنت سمعت اسعار عالية عم اليكس ويست من كذا سنة فوق مقدرتى بكتير فمش لفكر فيها
بس ممكن ادور على مجموعة لشركات اخرى لو الاسعار ااقل
شكرا انك ادتنى فكرة ادور ورها يمكن اقدر اوصل لحاجة