اول مره اتخنق من الجين 2

**Bayomy** · 09-10-2008 10:12 PM

انا مش بقارن بس انا اللي دايقني ان حد السرعه كان 170

**معاذ الشرباصى** · 09-10-2008 10:19 PM

المشاركة الأصلية كتبت بواسطة gashe3

انا مش بقارن بس انا اللي دايقني ان حد السرعه كان 170

العربية بتاعة صاحبى اتوماتيك جبت بيها 180 و هديت علشان كنت قربت اوصل

اخرها مش 170 طبعا

**Rsarabia** · 09-10-2008 10:30 PM

حتى لو العربية اخرها 220 ايه الهدف ؟ ال 120 عيبها ايه يا جماعة متستهروش بالسرعات دى انت هتجرى تجرى و ربنا بيستر طب افرض واحد غلط و كسر عليك افرض الكاوتش انفجر افرض حاجات كتير اوى لا هتفرق بقا ساعتها جين 2 من سيفيك من لانسر كله ماشى بستر ربنا

**mino** · 09-10-2008 10:32 PM

ال Top Speed للجين2 المانيوال 190 و الاوتومتك 180 العربية ممكن تجيب اكتر من كده طبعا بس ده حد الامان المكتوب في الكتالوج بتاعها

**khpopo** · 09-10-2008 10:35 PM

ياستاذى افتكر ان اول عربية طلعت منها كانت اوكتاقيا وكنت لسة مكملتش الجين 2 5000 على مافتكر 4000 وفعلا اداء العربية بيتغير انا من رايى حسيتة من 4000 كمان مش 5000 وكنت ساعتها محمل فى العربية هو كمان وكان فى طريق غبى برج العرب بالاسكندرية وجريت معاة واول 10ك تقريبا حسيت مش هاعرف اعدى منة حتى الملفات الى قلت انى ممكن اطلع منة فيها لقيتة دايس فيها لغاية185 مش عارف اطلع منة طبعا ماشين مع بعض مش وراه لكن طلعت منة على 195 فى الطريق المتعب دة وكان باليل متاخر حوالى الساعة 2 بعديها هدى لان كنا متجنين على بعض فى طريق وحش جدا بالسرعة دة وانا هديت ....لما طلعت منة طبعا الجرى دة كان سرعات عالية مش من الاول بعد كدة عادى اى سكودا بتجرى بجرى واجيبها.. اوكتافيا طبعا
انا طلعت من جيتا مش هانطلع من اوكتافيا
انا فى رايى الاوتماتيك لايصلح للجرى من الاول وخصوصا مع عربية مانيوال الا بتعود وتجارب لكن سرعات عالية عادى كمان كدة عربيتك عاوز ظبط مش عارف اية ؟ بس دة مش طبيعى
وربنا يوفق

**tutankhamoun** · 09-10-2008 11:22 PM

يا باشا أهدى

بالنسبة للسباق اللي حصل مع اخوك
أولا ما ينفعش أوتوماتيك تسبق مانوال خصوصا لما تكون الفروق في قوة الموتور بسيطة

ثانيا .... ادام اخر موتورك 170 ....... يبقى انت عندك حاجة مش مظبوطة لان اخر عربيتك 185 كم / س
بس خلي بالك الاوتوماتيك مش بيوصل للسرعة القصوى بسهولة زي المانوال
لان السرعات الخاصة بكل غيار مختلفة عن المانوال

لو عايز تسبق الاوكتافيا ....... لازم تكون عربية فوق 5000 كم و فيها بنزين كويس و لازم تكون مانوال

و متحاولش تشد مع عربية مانوال تاني في نفس قوتك
لانه طبيعي انه هايكسب

ملحوظة
أنا شديت مع اوكتافيا قبل كدا و طلعت منه بصعوبة ........... بس طلعت في الاخر

أكتر عربية عافرت معايا و برضه طلعت هي الهيونداي فيرنا

و الموضوع ملوش دعوة بماركة العربية انما بقوة الموتور ووزن السيارة و شطارة السائق

في النهاية موضوع الشد ده خطر جدا و خصوصا على السرعات العالية قوي دي
حرام و الله يا جماعة ممكن بجد الناس تتعور و بسهولة ممكن تحصل حادثة عند السرعة دي

الجين 2 أخرها 210 مش 170
و دي صورة للتوضيح فقط لا غير ..... علشان محدش يحاول يجيب السرعة دي ......... و انا مش بشجع على كدا ......... انا بس بوضح امكانيات العربية مش اكتر و امكانيات الموتور
علشان بجد السرعة أصلا وحشة جدا بالاضافة إلى ان طرق مصر تعبانة و 100 كم / س حلوة قوي عليها

لو عايز تسبق أخوك ........ لازم عربية مانوال متلينة صح

**fahd_628** · 10-10-2008 03:38 AM

ممكن سؤال بس انت اكيد عاملة و انا متأكد لأنك انت الى سقط الغيار للتالت !

انت حاطت دواسات صح ؟

شيل الدواسات من تحت دواسة البنزين خالص يعنى علشان لما تدوس للأخر يبقى الدواسة فعلا للأخر على الأرض مش على الدواسات لأنى مجرب الموضوع دة عندى و فعلا بيفرق كتيير

بس نصيحة هوة فعلا ممكن يطلع منك لأن فرق المانيوال دة فرق لا يستهان بية !

على فكرة انا مرة كنت بالميجان و واحد صاحبى بأوكتافيا ( اوتوماتيك ) و كان قاعد يسخن فية و كان عاوز يشد ( كان فاكر بقى ان الميجان سحبتها ضعيفة و الكلام دة ) قمت واقف و قولتلة يلا و والله العظيم عديت منة بكل سهولة + ان كان معايا 2 اصحابى ( وزن ) و هوة كان لوحدة !

و اعتقد ان سحب الجين 2 مساوى او اكتر من سحب الميجان ! معتقدش انة اقل !

الى عاوز اقولهولك انك لازم لما تشد تشد مع عربية ناقل الحركة فيها زى عربيتك علشان لو انت اوتوماتيك و هوة مانيوال 80 - 90 % حيطلع منك !

انا رأى شوف موضوع الدواسات دة و كمان مرة تانية استنى لغاية ما العربية تفضى البنزين خالص ( اللمبة تنور بعدها بشوية يعنى بس مش كتيير ) و بعدين فول 95 و جرب تانى و ممكن برضة يعدى منك تانى بس معتقدش انك حتلاقى اخر السرعة 170 لأن دة استحالة دية عربيات 1300 سى سى اوتوماتيك بتجيب سرعات اكبر من كدة

**محمد أنور** · 10-10-2008 04:02 AM

لأ في حاجة غلط .. أنا مرة كنت بشد مع واحد صاحبي معاه جين2 على الصحراوي كنا جايبين سوا 190 .. و عربيتي انا مانيوال و عربيته اوتوماتيك ..
على فكرة انا بحس الاوتوماتيك فالجين2 جامد .. مش اللي هو يخلي الواحد ميعرفش يشد مع عربية مانيوال ..
انا برأيي تغير زيت و فلاتر و تشيك على فلتر البنزين و تفول العربية و تطلع تجرب تاني مع اخوك .. لازم هتحس بفرق فالسحب والتوب سبيد ان شاء الله

**formoza** · 10-10-2008 06:51 AM

المشاركة الأصلية كتبت بواسطة tutankhamoun

يا باشا أهدى

بالنسبة للسباق اللي حصل مع اخوك
أولا ما ينفعش أوتوماتيك تسبق مانوال خصوصا لما تكون الفروق في قوة الموتور بسيطة

ثانيا .... ادام اخر موتورك 170 ....... يبقى انت عندك حاجة مش مظبوطة لان اخر عربيتك 185 كم / س
بس خلي بالك الاوتوماتيك مش بيوصل للسرعة القصوى بسهولة زي المانوال
لان السرعات الخاصة بكل غيار مختلفة عن المانوال

لو عايز تسبق الاوكتافيا ....... لازم تكون عربية فوق 5000 كم و فيها بنزين كويس و لازم تكون مانوال

و متحاولش تشد مع عربية مانوال تاني في نفس قوتك
لانه طبيعي انه هايكسب

ملحوظة
أنا شديت مع اوكتافيا قبل كدا و طلعت منه بصعوبة ........... بس طلعت في الاخر

أكتر عربية عافرت معايا و برضه طلعت هي الهيونداي فيرنا

و الموضوع ملوش دعوة بماركة العربية انما بقوة الموتور ووزن السيارة و شطارة السائق

في النهاية موضوع الشد ده خطر جدا و خصوصا على السرعات العالية قوي دي
حرام و الله يا جماعة ممكن بجد الناس تتعور و بسهولة ممكن تحصل حادثة عند السرعة دي

الجين 2 أخرها 210 مش 170
و دي صورة للتوضيح فقط لا غير ..... علشان محدش يحاول يجيب السرعة دي ......... و انا مش بشجع على كدا ......... انا بس بوضح امكانيات العربية مش اكتر و امكانيات الموتور
علشان بجد السرعة أصلا وحشة جدا بالاضافة إلى ان طرق مصر تعبانة و 100 كم / س حلوة قوي عليها

لو عايز تسبق أخوك ........ لازم عربية مانوال متلينة صح

يا استاذ توت انا عامل بعربيتى2400 مانيوال و طلعت من Mazda 3 & lancer 1.6 بكل سهوله و انهرضه انا راجع البيت زعلان من عفريته بتعتى عشان كنت بعمل drag معى Vernna و طلع منى و فرق كمان بس انا قلت اكييييد ده عشان انا متمتش الحد القانونى اللى احنا متفقيين عليه (5000كم) بس هل بعد كده اطلع من ال Vernna؟؟ و يريت لو الاجابه ايوه تقولى عشان اجيب الواد ده تانى و اعفرتو بالجن اللى معايا و سؤال تانى كان فى كلام فى المنتدى ان التوكيل بعد ال5000 بيعمل حاجه فى الموتور يخليه يسحب اكتر ة استهلاك البنزين يكون اقل, ما مدى صحه هذا الكلام ؟؟؟

**tutankhamoun** · 10-10-2008 09:12 AM

المشاركة الأصلية كتبت بواسطة formoza

يا استاذ توت انا عامل بعربيتى2400 مانيوال و طلعت من Mazda 3 & lancer 1.6 بكل سهوله و انهرضه انا راجع البيت زعلان من عفريته بتعتى عشان كنت بعمل drag معى Vernna و طلع منى و فرق كمان بس انا قلت اكييييد ده عشان انا متمتش الحد القانونى اللى احنا متفقيين عليه (5000كم) بس هل بعد كده اطلع من ال Vernna؟؟ و يريت لو الاجابه ايوه تقولى عشان اجيب الواد ده تانى و اعفرتو بالجن اللى معايا و سؤال تانى كان فى كلام فى المنتدى ان التوكيل بعد ال5000 بيعمل حاجه فى الموتور يخليه يسحب اكتر ة استهلاك البنزين يكون اقل, ما مدى صحه هذا الكلام ؟؟؟

استاذ فيرموزا اهلا بيك يا باشا
بُص بالنسبة لموضوع الشد و الجري ....... انا بعتبره شئ خطير جدا لانه بيأثر على تركيزك و انت سايق ده غير انه بيقلل قوة تحكمك في العربية

بالنسبة للشد مع العربيات
انا طلعت من اغلب العربيات او بقيت معاهم في نفس المتسوى و محدش عارف يطلع من حد
لانسر و مازدا و ميجان و اوكتافيا

و ده لا يدل على شئ لان الشد و الجري بيعتمد على حاجات كتير
الموتور نفسه و قوته ........ حالة الموتور و الزيت و البنزين ........ وزن السيارة ... مهارة السائق و جرائته
خصوصا ان كل العربيات دي تقريبا قوتها متساوية

بالنسبة لموضوع الفيرنا
الفيرنا فيها موتور قوي و قريب من قوة الجين 2
بس وزن العربية اقل حوالي 170 كجم لصالح الفيرنا
و ده بيفرق جامد
يبقى موتورين جامدين
بس واحد بيجر حمل اتقل من التاني

عايز تسبق فيرنا
يبقى لازم تكونوا انتوا الاثنين فوق سرعة 100 كم / س
موتور الجين 2 قوته بتبان بعد 80 أو 70 و لما بتطلع عن 100 بتشد جامد قوي
و ده اللي حصل معايا
الأول الفيرنا فرق جامد كمان بعد كدا عديت سرعة 100 .......... فرقت عنه ييجي ب كيلومتر بحاله
على فكرة ........... الجيتز طلعت مني و معرفتش أحصلها
شوفت بقى فرق الوزن بيعمل ايه مع ثبات قوة الموتور
هو صحيح انا كنت وراه جامد ....... بس برضه فرق الوزن خلاه يطلع و يكمل و ساعده على الشد و طبعا مع ضياع الثبات و الاتزان بتاع العربية علشان العربية كانت بتنط ادامي مع اي تمويجة و تحس انها هاتطير من على الارض
و ياريت تحط بنزين 95 لو عايز تقطعه !!!

و منظف رشاشات كمان و تشوف الزيت
بس طبعا انا بهزر ........... احترس على حياتك و حياة غيرك و بلاش اللعب بالارواح

التوكيل ما بيعملش حاجة في العربية في صيانة 5000 و موضوع فتح الكمبيوتر و الكلام ده

كل اللي بيحصل ان الموتور كل لما يعمل عدد كيلومترات اكبر بيكون تليينه احسن و بيديك اداء احسن طبعا

و ياريت تحط بنزين تخليقي و بلاش معدني
بيدي نعومة للمحرك احسن

و بالنسبة للبنزين و الاستهلاك
انا شرحت الموضوع ده كتير و اهم حاجة
منظف رشاشات ( خلي بالك منظف رشاشات و ليس منظف دورة الوقود )
و طريقة السواقة ....... ( عدم القرص على الموتور )
و نوعية البنزين

و جرب و ان شاء الله تعالى الاستهلاك يتحسن كتير

مع تحياتي

الموضوع: اول مره اتخنق من الجين 2

LinkBack

أدوات الموضوع

عرض

-

-

-

-

-

المواضيع المتشابهه

لحظة كده , علشان قربت اتخنق ....

واحد اتخنق من زحمة العربيات شوفوا عمل ايه

مشكلة فى السحب تانى و الكهرباء و ابتجيت اتخنق من الغربية

يا احلى اعضاء الجين 2 انا عايز محتار مبين الجين ونيواكسنت 1600

الكلمات الدلالية لهذا الموضوع

المفضلات

المفضلات

ضوابط المشاركة