اول مره اتخنق من الجين 2

**tutankhamoun** · 11-10-2008 06:57 AM

المشاركة الأصلية كتبت بواسطة formoza

طب انا عندى سؤال لو انا ركبت بوجيهات 5 شمعه و سلوك splitfire و فلتر هواء K&N دول هيرفعولى كفائت العربيه احوالى 130 HP السؤال بقى هل الحجات دى تستهلك كم وقود زياده و لو ايوه ,تقريبا هيكون كام فى السواقه الهادئه؟؟

مين قال يا استاذ فيرموزا إن لو ركبت الحاجات دي هاترفعلك كفائة العربية 20 حصان زيادة ؟؟؟؟؟؟؟؟؟؟؟؟؟
بالكتير هاتخد 5 أو 6 حصان مش أكتر من كدا
و طبعا الاستهلاك هايزيد لما تركب الحاجات دي في الحالة دي :

انك تشد و تجري و تحرق على الغيارات
انما لو تركبها و تسوق طبيعي جدا
هاتستهلك بنزين زيادة قليلا فقط و ليس بكمية ملحوظة

الكمية الملحوظة في الاستهلاك هاتبان في وقت الشد و الحرق على الغيارات

انما عمر العربية ما هاتوصل ل 130 حصان

كان كل ماركة عملت كدا
دي بروتون نفسها مع لوتس عملوا ابحاث جامدة و غيروا حاجات في الموتور علشان يعلوا الحصان ل 125 حصان اللي هو موتور CPS

و تويوتا و هوندا و غيرهم بيغيروا تصميمات المواتير علشان يأخدوا أحصنة زيادة مع ااضفافة تكنولوجيات مكلفة ليهم علشان موضوع الحصان

لو الموضوع فلتر هوا و بوجيهات بس ........ مكنش حد غلب

و انا رايي الشخصي المتواضع
انتظر نزول ال IAFM مع الموديل الجديد و نعمل طلبية كبيرة من وكلينا المحترم ( عز العرب ) بعدد ملاك الجين 2 الراغبين في تركيبه و هاحسن اداء العربية ان شاء الله ما بين 2500 إلى 3000 لفة / دقيقة

**ahmad--ezzat** · 11-10-2008 04:15 PM

(طب انا عندى سؤال لو انا ركبت بوجيهات 5 شمعه و سلوك splitfire و فلتر هواء K&N دول هيرفعولى كفائت العربيه احوالى 130 HP السؤال بقى هل الحجات دى تستهلك كم وقود زياده و لو ايوه ,تقريبا هيكون كام فى السواقه الهادئه؟؟)

يا جماعة انا اعتقد ان الحجات دى بتقلل عمر الموتور الافتراضى لية بوجيهات خمسة شمع؟ة ولية فلتر مش عارف اية؟كل دة عشان اوكتافية طلعت يا اخى دة نظام موتوروبتاع الجين نظام تانى ودة ماليزى ودة المانى متسيب العربية ستوك كدة ومع الصيانات الدورية هتكون كويسة جدا جدا
وبلاش تشد مع حد عشان عربيتك

**م. تيمور** · 11-10-2008 04:23 PM

اقترح عليك الحل ده
http://nilemotors.net/Nile/showthrea...t=%CA%D1%C8%E6
وان شاء الله حتسبق الاوكتافيا ,, بس ماتقولش لاخوك على السر :)

**mohamed ibiza** · 11-10-2008 05:39 PM

يا بوب لين عربيتك كويس لحد ال5000 كيلو بتوعها و اديها بنزين 95 و العربية هتعدي ال 170 طبعا و هتوصل لل190 كمان و لو مانوال هتعدي صعب اوي ان عربيتك تطلع من المانوال خصوصا ان الاوكتافيا عربية قوية مش ضعيفة بس لو جبت جين 2 مانوال هتطلع من الاوكتافيا الاوكتافيا تقيلة و تصميمها في اختراق الهوا و الايروديناميك مش زي الجين2 و عموما الاوكتافيا عربية عائلية اكتر من كونها عربية بتاعت شد و حركات انما لو طلبته منها هتقول جامد:)

**MohabSaeed** · 12-10-2008 12:07 AM

المشاركة الأصلية كتبت بواسطة fahd_628

ممكن سؤال بس انت اكيد عاملة و انا متأكد لأنك انت الى سقط الغيار للتالت !

انت حاطت دواسات صح ؟

شيل الدواسات من تحت دواسة البنزين خالص يعنى علشان لما تدوس للأخر يبقى الدواسة فعلا للأخر على الأرض مش على الدواسات لأنى مجرب الموضوع دة عندى و فعلا بيفرق كتيير

بس نصيحة هوة فعلا ممكن يطلع منك لأن فرق المانيوال دة فرق لا يستهان بية !

على فكرة انا مرة كنت بالميجان و واحد صاحبى بأوكتافيا ( اوتوماتيك ) و كان قاعد يسخن فية و كان عاوز يشد ( كان فاكر بقى ان الميجان سحبتها ضعيفة و الكلام دة ) قمت واقف و قولتلة يلا و والله العظيم عديت منة بكل سهولة + ان كان معايا 2 اصحابى ( وزن ) و هوة كان لوحدة !

و اعتقد ان سحب الجين 2 مساوى او اكتر من سحب الميجان ! معتقدش انة اقل !

الى عاوز اقولهولك انك لازم لما تشد تشد مع عربية ناقل الحركة فيها زى عربيتك علشان لو انت اوتوماتيك و هوة مانيوال 80 - 90 % حيطلع منك !

انا رأى شوف موضوع الدواسات دة و كمان مرة تانية استنى لغاية ما العربية تفضى البنزين خالص ( اللمبة تنور بعدها بشوية يعنى بس مش كتيير ) و بعدين فول 95 و جرب تانى و ممكن برضة يعدى منك تانى بس معتقدش انك حتلاقى اخر السرعة 170 لأن دة استحالة دية عربيات 1300 سى سى اوتوماتيك بتجيب سرعات اكبر من كدة

كلام فهد فى موضوع الدواسات مظبوط 100 % لانه حصل معايا فى الواجا , الدواسه كانت طالعه لفوق اوى و مكونتش واخد بالى .

المهم كنت لما باجى انقل الفتيس بلاقى الفتيس ناشف !!! و مش بيتعشق كويس و مش زى منا متعود فبصيت لقيت ان مشوار الدبراج مكانش بيوصل للاخر بسبب الدواسات .
و لما عدلت الدواسات العيب اختفى طبعا .

**MomoMedo** · 12-10-2008 02:37 AM

جماعة هو حكاية تفتيح الموتور دي تنفع في المواتير الصغيرة ؟؟؟ زي عربيتي كدة 1100 ولا لازم مواتير كبيرة؟

**momenhamdy** · 12-10-2008 07:15 PM

المشاركة الأصلية كتبت بواسطة MomoMedo

جماعة هو حكاية تفتيح الموتور دي تنفع في المواتير الصغيرة ؟؟؟ زي عربيتي كدة 1100 ولا لازم مواتير كبيرة؟

و الله يا باشا مش عارف بس مفتكرش كون الموتور صغير و دا طبعاً وجه نظري بس ممكن الاخوة هنا يفدوك اكتر

**KHALED AYMAN** · 13-10-2008 02:29 PM

انا عايز اسالك سؤال ؟؟؟؟ الجين 2 كانت ثابته على ال170؟؟؟؟؟؟؟؟؟

**tutankhamoun** · 13-10-2008 05:31 PM

المشاركة الأصلية كتبت بواسطة wheals

انا عايز اسالك سؤال ؟؟؟؟ الجين 2 كانت ثابته على ال170؟؟؟؟؟؟؟؟؟

لغاية 170 أكنك ماشي على 130
و بعد ما تعدي 170 و تدخل على 180 بتحس بالسرعة شوية
إنما لغاية 170 و لا الهوا ......... و لا بحس بحاجة

**formoza** · 14-10-2008 10:22 AM

على فكرة انت ممكن تكون ماشى بسرعه جدا و مش حاسس جوه العربيه عشان حصلت معايا كنت نازل اتمشى بالعربيه و ماشى هادى شفت العداد على 140
العربيه جميله جدا و ثابته

الموضوع: اول مره اتخنق من الجين 2

LinkBack

أدوات الموضوع

عرض

-

-

-

-

-

-

المواضيع المتشابهه

لحظة كده , علشان قربت اتخنق ....

واحد اتخنق من زحمة العربيات شوفوا عمل ايه

مشكلة فى السحب تانى و الكهرباء و ابتجيت اتخنق من الغربية

يا احلى اعضاء الجين 2 انا عايز محتار مبين الجين ونيواكسنت 1600

الكلمات الدلالية لهذا الموضوع

المفضلات

المفضلات

ضوابط المشاركة