فهرس ترتيب السيارات فى المنتدى

**lanos2004** · 08-05-2014 05:37 PM

انا لاحظت انكم رجعتوا الكورى فى مؤخرة فهرس السيارات
احب اقولكم ان الكورى اكثر انتشار فى مصر وهيه الاقسام الاكثر مواضيع وتفاعل
والى حصل دة خطر شديد جدا
ولازم التنين الكورى يا خد وضعه تانى فى مقدمه فهرس المنتتدى
والا فى الحرب على بقيه الاقسام
العربيات الى بتسخن-والى تكيفها بايظ والى توكيلها عيان والى ملهاش قطع غيار
انا بطالب بعودة الكورى فى المقدمه

**Samah AbdAllah** · 08-05-2014 05:44 PM

اذن هى الحرب
وحذارى اشوفك في المعركة :p
لازم ندى باقى الاقسام فرصتهم

**lanos2004** · 08-05-2014 07:08 PM

طب ما فيش طريق سلميه نرفع بيها ترتيب الكورى درجتين حتى ويبقه فوق

**Samah AbdAllah** · 08-05-2014 08:24 PM

كل فترة هنغير الترتيب

**رامي مصطفى** · 19-05-2014 06:01 AM

المشاركة الأصلية كتبت بواسطة lanos2004

انا لاحظت انكم رجعتوا الكورى فى مؤخرة فهرس السيارات
احب اقولكم ان الكورى اكثر انتشار فى مصر وهيه الاقسام الاكثر مواضيع وتفاعل
والى حصل دة خطر شديد جدا
ولازم التنين الكورى يا خد وضعه تانى فى مقدمه فهرس المنتتدى
والا فى الحرب على بقيه الاقسام
العربيات الى بتسخن-والى تكيفها بايظ والى توكيلها عيان والى ملهاش قطع غيار
انا بطالب بعودة الكورى فى المقدمه

مع احترامي لحضرتك اكثر عربيه انتشارا في مصر لرخص سعرها بالنسبه للياباني او الالماني امنا مش معنى ان اللانوس ماليه الدنيا يبأى هيا احسن من اقل توكتوك ياباني ماتقنعنيش ان كوريا ايللي بدأت صناعة السيارات بسرقة التكنولوجيا من اليابان هيطورا احسن من ايللي سرقوا منوا دول كانوا بيطردوا من اليابان عشان مايسرقوش التكنولوجيا
يعني صعب اوي لما فورد فوكاس تطور التحكم في العربيه بدل من الطاره المالتي فانكشن تبأى بالأوامر الصوتيه فوكاس 2014 واللانوس لسه بتنزل عربياتها بعدادات بكر (منفله يعني)
وانتا حبيبي انا مش بهاجم انا مالك للانوس

**tito32** · 19-05-2014 06:44 AM

شوف تكنولوجيا الالمانى واليابانى فى عربيات مبتنزلش مصر وانت تعرف حجم الكورى مع احترامى للكورى

**Ahmed Saad** · 19-05-2014 01:02 PM

ياباشا عيب دي الدايو مدينه بالفضل للاوبل معقوله تعض الايد اللي اتمتدلها تعض ماما اوبل اللي صاحبه الفضل في وجودها ياخي دي العين ماتعلاش على الحاجب ولا الهيونداي تعض الميتسوبيشي برضه العين ماتعلاش على الحاجب ياباشا الكورى بيتقدم ماشي بس اليابان والأوروبيين مش واقفين بيتفرجوا ويقولوا برافووووووووو كوريا دول سابقين يجي 10 سنين قدام وبراءة اختراع مش سرقه

**SYD** · 19-05-2014 02:16 PM

أعتقد ترتيب الأقسام في المنتدي بيكون ليه نظام ماشي بيه
لا شك ان الأقسام الأوائل نصيبها من الزوار أكبر من الأقسام الأواخر
ولكون أقسام الأوروبي عدد زوارها اقل بكتير من الياباني والكوري
فأعتقد ان بناء علي هذا الأساس تم اعادة ترتيب أقسام المنتدي
هذا والله اعلم
دة مجرد أفتراض وملاحظة مني لا اكثر

تحياتي