انا هشتري عربية جديدة انا اتعلمت اسوق بس لسه معرفش انزل لوحدي محتاجة حد يحطني علي الطريق صح مش عارفة اروح المرور ولا اخلي حد يعلمني علي عربيتي ياريت تنصحوني
عرض للطباعة
انا هشتري عربية جديدة انا اتعلمت اسوق بس لسه معرفش انزل لوحدي محتاجة حد يحطني علي الطريق صح مش عارفة اروح المرور ولا اخلي حد يعلمني علي عربيتي ياريت تنصحوني
حد يعلمك علي عربيتك احسن علشان تاخدي عليها بسرعة و علي الطريق
اتعلمي علي عربيتك انا اتعلمت علي عربيتي
بس اهم حاجة الجراءة في الاول لازم تكوني جريئة ومتخافيش وانتي ماشية وحطي دايما ان الي بيسوق قدامك او حواليكي مش بيعرف يسوق وتوقعي غلطه في اي وقت
طبعا تتعلمي على عربيتك أحسن بكتير يكفي انك هتاخدي عليها بسرعة علشان لو تعلمتي على عربية تانية هتحسي بفرق و هتاخدي وقت على ما تتأقلمي مع عربيتك
طبعا علي عربيتك يا سارة
و يستحسن انو مادام اتعلمتي قبل كده و عرفتي الاساسيات يبقي تخلي حد من عندك ينزل معاكي علي عربيتك
لانهم بيقولول ان مدرسة المرور مالهاش اي لازمة
و خليكي جريئه و مش تخافي من كل حاجة تقابلك
الخوف هو اللي هيخليكي تغلطي
بس طبعا لازم يكون فيه نسبة حرص
و ربنا يوفقك يا حبيبتي
بوســــي
اى حد يكون بيعرف يسوق كويس
يركب جمبك فى عربيتك وتروحى مشوارين كده اطلعى على الدائرى او اى مكان مش زحمه اوى فى الاول وهتلاقى نفسك اتعودتى وخلاص مرتين تبقى استاذه
متشكرة ليكو كلكو
تصحيح..
مدرسة المرور كويسة جداااااااااااا
انا روحتها قبل كده و قصيت فيها فترة كويسة.. بس انا كان حظي وحش عشان الرجالة كانوا بيعلمكوهم علي عربيات نص نقل.. انا نصيبي جه في عربية خردة.. و اتخانقت معاهم و سيبتهم مكملتش معاهم الفترة كلها.. (عشان كنت لقيت واسطة اطلع بيها الرخصة..)
انا كنت رايح عشان هما يطلعولي الرخصة.. و كنت باسوق قبلها ب 3 سنين علي الاقل..
لكن مع البنات و الستات كانت عربات برايد او لادا سمارا.. و دي عربيات تنفع للبنات جدا.. حجمها كويس.. و ناعمة الي حد كبير.. و ظريفة قوي.. (الكلام ده كان من سنة 2002) و اكيد دلوقتي الموضوع افضل..
التعليم كويس.. بتتعلمي اساسيات سواقة في اماكن فاضية.. و بعدين تركني كويس.. و تنزلي ف الزححمة في وسط العربيات..
كانت كويسة جدا..
عادي يا سارة مش مهم عربيتك او غيرها المهم انك تكون متعلكة على مانيوال مش اتوماتيك لانك هتحسي بفرق كبير لو ابتديتي اتوماتيك وبعدين مانيوال وكمان لازم تكوني جريئة في السواقة صح هتحسي بشوية رهبة في الاول وده عادي كلنا بنحسها في الاول
وكمان اهم حاجة تتعلمي مع السواقة صيانة العربية السريعة زي تغيير المية والحاجت ده وتغيير العجل مع اني انا متاكد انك مش هتقدري تغيري العجل سلاموووووز