هشتري عربية

**sarah5** · 09-10-2008 09:11 PM

انا هشتري عربية جديدة انا اتعلمت اسوق بس لسه معرفش انزل لوحدي محتاجة حد يحطني علي الطريق صح مش عارفة اروح المرور ولا اخلي حد يعلمني علي عربيتي ياريت تنصحوني

**moataz** · 09-10-2008 09:54 PM

حد يعلمك علي عربيتك احسن علشان تاخدي عليها بسرعة و علي الطريق

**sasatony** · 09-10-2008 11:38 PM

اتعلمي علي عربيتك انا اتعلمت علي عربيتي
بس اهم حاجة الجراءة في الاول لازم تكوني جريئة ومتخافيش وانتي ماشية وحطي دايما ان الي بيسوق قدامك او حواليكي مش بيعرف يسوق وتوقعي غلطه في اي وقت

**M.Mokhtar** · 10-10-2008 12:05 AM

المشاركة الأصلية كتبت بواسطة sarah5

انا هشتري عربية جديدة انا اتعلمت اسوق بس لسه معرفش انزل لوحدي محتاجة حد يحطني علي الطريق صح مش عارفة اروح المرور ولا اخلي حد يعلمني علي عربيتي ياريت تنصحوني

اتعلمى على عربيتك
بس اعتقد بلاش زيرو من اولها عشان اكيد هتتبهدل
هتيلك عربيه تستحملك فى الاول وبعد كده غيريها بزيرو

**waled369** · 10-10-2008 01:59 AM

طبعا تتعلمي على عربيتك أحسن بكتير يكفي انك هتاخدي عليها بسرعة علشان لو تعلمتي على عربية تانية هتحسي بفرق و هتاخدي وقت على ما تتأقلمي مع عربيتك

**Bossy_Fadl** · 10-10-2008 04:56 AM

طبعا علي عربيتك يا سارة

و يستحسن انو مادام اتعلمتي قبل كده و عرفتي الاساسيات يبقي تخلي حد من عندك ينزل معاكي علي عربيتك

لانهم بيقولول ان مدرسة المرور مالهاش اي لازمة

و خليكي جريئه و مش تخافي من كل حاجة تقابلك

الخوف هو اللي هيخليكي تغلطي

بس طبعا لازم يكون فيه نسبة حرص

و ربنا يوفقك يا حبيبتي

بوســــي

**دموع الثلج** · 10-10-2008 06:18 AM

اى حد يكون بيعرف يسوق كويس

يركب جمبك فى عربيتك وتروحى مشوارين كده اطلعى على الدائرى او اى مكان مش زحمه اوى فى الاول وهتلاقى نفسك اتعودتى وخلاص مرتين تبقى استاذه

**sarah5** · 10-10-2008 01:13 PM

متشكرة ليكو كلكو

**Ahmad Allawy** · 10-10-2008 02:07 PM

المشاركة الأصلية كتبت بواسطة Bossy_Fadl

طبعا علي عربيتك يا سارة

و يستحسن انو مادام اتعلمتي قبل كده و عرفتي الاساسيات يبقي تخلي حد من عندك ينزل معاكي علي عربيتك

لانهم بيقولول ان مدرسة المرور مالهاش اي لازمة

و خليكي جريئه و مش تخافي من كل حاجة تقابلك

الخوف هو اللي هيخليكي تغلطي

بس طبعا لازم يكون فيه نسبة حرص

و ربنا يوفقك يا حبيبتي

بوســــي

تصحيح..
مدرسة المرور كويسة جداااااااااااا
انا روحتها قبل كده و قصيت فيها فترة كويسة.. بس انا كان حظي وحش عشان الرجالة كانوا بيعلمكوهم علي عربيات نص نقل.. انا نصيبي جه في عربية خردة.. و اتخانقت معاهم و سيبتهم مكملتش معاهم الفترة كلها.. (عشان كنت لقيت واسطة اطلع بيها الرخصة..)
انا كنت رايح عشان هما يطلعولي الرخصة.. و كنت باسوق قبلها ب 3 سنين علي الاقل..
لكن مع البنات و الستات كانت عربات برايد او لادا سمارا.. و دي عربيات تنفع للبنات جدا.. حجمها كويس.. و ناعمة الي حد كبير.. و ظريفة قوي.. (الكلام ده كان من سنة 2002) و اكيد دلوقتي الموضوع افضل..
التعليم كويس.. بتتعلمي اساسيات سواقة في اماكن فاضية.. و بعدين تركني كويس.. و تنزلي ف الزححمة في وسط العربيات..
كانت كويسة جدا..

**ZOZ** · 10-10-2008 03:49 PM

عادي يا سارة مش مهم عربيتك او غيرها المهم انك تكون متعلكة على مانيوال مش اتوماتيك لانك هتحسي بفرق كبير لو ابتديتي اتوماتيك وبعدين مانيوال وكمان لازم تكوني جريئة في السواقة صح هتحسي بشوية رهبة في الاول وده عادي كلنا بنحسها في الاول
وكمان اهم حاجة تتعلمي مع السواقة صيانة العربية السريعة زي تغيير المية والحاجت ده وتغيير العجل مع اني انا متاكد انك مش هتقدري تغيري العجل سلاموووووز

الموضوع: هشتري عربية

LinkBack

أدوات الموضوع

عرض

-

-

-

-

-

المواضيع المتشابهه

..اول مره هشتري عربية بي ام وفكرت في ال 318 مو2002

هشتري عربية و محتار بين اللانوس و عربية تانية

هشتري اول عربية

هشتري اول عربية و عايز مساعدة

الكلمات الدلالية لهذا الموضوع

المفضلات

المفضلات

ضوابط المشاركة