كيف تعرف انك تشاهد فلم مصري ؟؟؟!!!

عندما يكون البطل مريضا وتقدم لة البطلة حبة الدواء مع كوب ماء
وبعد ان يبتلعها وتسأله البطلة فورا ** ها عامل اية دلوقتي ؟
المفاجأة انه يرد عليها الحمد لله بقيت احسن
(كدة بالسهولة دي هو واخد حبة البركة ولا ايه )
------------ --------- -------



عندما يصل البوليس الي موقع الجريمة دون ان يبلغه احد
( تقريبا المخرج هو اللي بلغ علشان يصور اومال هيصور ايه )
------------ --------- --------



عندما يصاحب مشهد التغرير بالبطلة لقطات الامطار الغزيرة والبرق
والرعد والشباك الذي ينفتح بقوة علي مصراعيه
( وتلاقي البطلة في الفيلم مصيفه )
------------ --------- --------



عندما تقول البطله للبطل انها حامل فيرد البطل على طول اللي في بطنك ده لازم ينزل )
( غالبا بيكون يوسف شعبان )
------------ --------- --------



عندما تفاجئ باغنيه مالها أي دخل في نص الفيلم ( مدري وش العلاقه بين الاغنية والفيلم )
------------ --------- --------



عندما يكون من المستحيل ان تجد الهاتف مشغول
------------ --------- --------



العبارة الساذجة الشهيرة التلي تصاحب مشهد القبض علي المجرم
( مفيش جريمة كاملة وانت فاكر انك هتهرب من البوليس بعملتك دي )
------------ --------- --------



عندما يسكر البطل فتجدة يصب كوب ممتلئ علي اخره
( بيسكر بعصير قصب )
------------ --------- --------



عندما يخرج الطبيب من غرفة العمليات يردد جملة من ثلاث جمل
( اضطرينا نضحي بالجنين ) ( شدو حيلكوا يا جماعه ) ( العمليه نجحت بس
مش هتقدروا تشوفوه دلوقتي )
------------ --------- --------



عندما يجلس البطل والبطله في نفس الكازينو حق كل فيلم .. ويطلبوا نفس العصير اللي في كل الافلام

( تانج او ميراندا )

ويخلص المشهد من غير ما حد يشرب حاجة علشان ( هيتصور بالمشاريب دى فيلم تاني )
------------ --------- --------



عندما يصاب البطل بطلق ناري في قلبه وتنزف الدماء من بطنه زي صلصلة
الطماط ويظل يتحدث بطلاقه وتركيز لمدة خمس دقائق

يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
------------ --------- --------



عندما تسمع صرير احتكاك كاوتش ( العربيات ) اللي تطارد بعض
------------ --------- --------



عندما تتناول الابنة الفطار وهيا واقفة وتاخد لقم سريعة فتقولها
الوالدة ( ما تفطري يابنتي كويس )

تقولها ( لا علشان الحأ المحاضرة) وتبوسها وتمشي .. فتنظر الوالدة الي
الوالد ويبدأن في الدعاء
------------ --------- --------



عندما تغير حرب اكتوبر اخلاق كل المنحرفين الموظف المرتشي والجاره
اللعوب والبلطجي والمجرم بطبعه
------------ --------- --------



عندما تجد مقر العصابة ملئ بالقش والبراميل الخشبية التي تستخدم لاحقا في الخناقة
------------ --------- --------



جميع الطلبة يدرسون في جامعة القاهرة ويذهبون للجامعة مرورا بتمثال نهضة مصر
------------ --------- --------

نسيت الأهم (عندما تجد حسن حسنى فى الفيلم) :lol: :lol: :lol:

يا ترى الى كتب الكلام دة جنسيته ايه, علشان نعرف نشوف افلامهم يعنى !!

اقتباس:

---

المشاركة الأصلية كتبت بواسطة Abdallah

يا ترى الى كتب الكلام دة جنسيته ايه, علشان نعرف نشوف افلامهم يعنى !!

---

شخص خليجى
هو حاول جدآ يخللى كلامه باللهجه المصرى بس فى كلمتين كشفوه ("حق" كل فيلم)
طبعآ هو كلامه معظمه صح ولكنه كلام حق اريد به باطل وهو السخريه من المصريين

على العموم هما بقالهم 17 سنه بينتجوا أردأ فيلم عربى اسمه "تعالى ياخواجه اقعد عندى واسرقنى واضرب جيرانى"

تم التعديل بواسطتى نظرا للخروج عن النص والادب العام
Abdallah

اقتباس:

---

المشاركة الأصلية كتبت بواسطة Nile Heart

اقتباس:

---

المشاركة الأصلية كتبت بواسطة Abdallah

يا ترى الى كتب الكلام دة جنسيته ايه, علشان نعرف نشوف افلامهم يعنى !!

---

خليجى واطى (غالبأ سعودى)
"

---

:!: :!: :!:

بلاش تعميم , و الخليج و السعودية كمان زيهم زي كل بلاد الله فيها الصالح و الطالح .

تم التعديل للتكرار
Abdallah

بصراحة معجبتنيش طريقة رد حضرتك nile heart معلش اذا انت شايف اى كلام غلط فى الموضوع علق لكن التعميم مش صح !!

اى بلد فى الدنيا فى الصالح و الطالح و تخيل برد حضرتك ان واحد سعودى كتب مصرى واطى حتكون سعيد ؟؟ اذا عامل الناس بما تحب ان يعاملوك

يا جماعة متكبروش الموضوع الموضوع من الاول على سبيل الدعابة و الضحك مش على اساس مين اللى بيعمل افلام احسن و مفيش حد فيه كل الصفات الكويسة و مفيش حد كله صفات وحشة

وماله ....الفيلم المصرى صحيح فيه كده...

برضه بيغيظنى لما الست تجيلها دوخة وتقع من طولها وييجى الدكتور شايل الشنطة وبعدين يخرج من الأوضة ويقول لزوجها "مبروك المدام حامل"!!! أموت وأعرف عرف ازاى ابن المكارة انها حامل من غير تحاليل؟؟؟؟؟ وبعدين طبعا يجرى الزوج لزوجته ويقولها المقولة المشهورة: اوعى تتحركى من مكانك ياحبيبتى!!!!

كمان مشهد الولادة (كريمة مختار) وكل همهم "الميه السخنة"... برضه حد يموتنى بس يقول لى المية السخنة بيعملوا بيها ايه؟؟؟؟ وازاى اللى بتولدها بتطلع ومافيش علي ايدها ولا على هدومها ولا على العيل نقطة دم؟؟؟؟؟؟ دى بتبقى معجنة!!!!

وللا محمد فوزى وهو بيقول لأمه : جهزى لى الحمام يا نينا!!!
سيادته يقصد ايه؟؟؟ تجهز له الصابونة والليفة؟؟؟ وللا تسنتر الطشت فى وسط الحمام وللا ايه بالظبط؟؟؟

وللا مشاهد المعارك بالذات لو ست بتضرب راجل بالابكاس.. بيبقى حاجة مزرية.. تلاقى اللى بينضرب بيمد بوزه ياخد الضربة ويستنى الضربة اللى وراها بفارغ الصبر وهى بتجاهد علشان ماتقعش وهى بتضربه!!!

هروح أقيس الضغط وآجى :evil: :evil: :evil:

الموضوع لطيف لكن بلاش غلط عشان الرد مش حيكون مرضى

عموماً الامر لايعدو هزار او دعابة ظريفة من الكاتب والموضوع ليس له جنسية او خلافة فالنقد مباح فى حدود الادب والذوق وعدم التعدى على حرية الاخرين

[quote="Nile Heart"]

اقتباس:

---

المشاركة الأصلية كتبت بواسطة Abdallah

يا ترى الى كتب الكلام دة جنسيته ايه, علشان نعرف نشوف افلامهم يعنى !!

---

خليجى واطى (غالبأ سعودى)
هو حاول جدآ يخللى كلامه باللهجه المصرى بس فى كلمتين كشفوه ("حق" كل فيلم)
طبعآ هو كلامه معظمه صح ولكنه كلام حق اريد به باطل وهو السخريه من المصريين


لا تعليق على هذا التعليق!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
الرجاء من المشرفين و الادمين وضع حد للتعليقات الجارحه لان دى مش اول مره تحصل معايا و قبل كده العضو اللى اسمه zaza تطاول عليا فى الكلام فى منتدى ميتسوبيشى و مفيش حد علق على رده و كل اللى حصل انه تم قفل الموضوع اللى كان عنوانه ( مطلوب مساعده عاجله)

[quote="mada121977"]

اقتباس:

---

المشاركة الأصلية كتبت بواسطة Nile Heart

اقتباس:

---

المشاركة الأصلية كتبت بواسطة Abdallah

يا ترى الى كتب الكلام دة جنسيته ايه, علشان نعرف نشوف افلامهم يعنى !!

---

خليجى واطى (غالبأ سعودى)
هو حاول جدآ يخللى كلامه باللهجه المصرى بس فى كلمتين كشفوه ("حق" كل فيلم)
طبعآ هو كلامه معظمه صح ولكنه كلام حق اريد به باطل وهو السخريه من المصريين


لا تعليق على هذا التعليق!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
الرجاء من المشرفين و الادمين وضع حد للتعليقات الجارحه لان دى مش اول مره تحصل معايا و قبل كده العضو اللى اسمه zaza تطاول عليا فى الكلام فى منتدى ميتسوبيشى و مفيش حد علق على رده و كل اللى حصل انه تم قفل الموضوع اللى كان عنوانه ( مطلوب مساعده عاجله)

---

برجاء مراجعة الموضوع وعدم التسرع فى الاحكام
كل المهاترات لن تجدها، ستجد فقط المفيد، ودا من فترة طويلة

[quote="mada121977"]

اقتباس:

---

المشاركة الأصلية كتبت بواسطة Nile Heart

اقتباس:

---

المشاركة الأصلية كتبت بواسطة Abdallah

يا ترى الى كتب الكلام دة جنسيته ايه, علشان نعرف نشوف افلامهم يعنى !!

---

خليجى واطى (غالبأ سعودى)
هو حاول جدآ يخللى كلامه باللهجه المصرى بس فى كلمتين كشفوه ("حق" كل فيلم)
طبعآ هو كلامه معظمه صح ولكنه كلام حق اريد به باطل وهو السخريه من المصريين


لا تعليق على هذا التعليق!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!
الرجاء من المشرفين و الادمين وضع حد للتعليقات الجارحه لان دى مش اول مره تحصل معايا و قبل كده العضو اللى اسمه zaza تطاول عليا فى الكلام فى منتدى ميتسوبيشى و مفيش حد علق على رده و كل اللى حصل انه تم قفل الموضوع اللى كان عنوانه ( مطلوب مساعده عاجله)

---

يا مادا انا لم اقصدك انت طبعآ!! لآن انا عارف انك ناقل الكلام ده ! انا قصدت اللى قام بتأليفه أصلآ!

وبعدين موضوع التعميم ده يزعل حضراتكوا فى ايه! الا اذا كان فيكوا حد خليجى طبعآ
انا رأييى الشخصى (الشخصى) اللى انا حر فيه , ان اغلب اهل الخليج هم من الجهله الذين هبطت عليهم ثروه من السماء فظهروا بمظهر المتحضر! اما حقيقتهم فتظهر مثلا عندما يجييئوا لمصر فى اجازات. انا حر فى رأييى!!!

وبعدين موضوع التعميم ده يزعل حضراتكوا فى ايه! الا اذا كان فيكوا حد خليجى طبعآ
انا رأييى الشخصى (الشخصى) اللى انا حر فيه , ان اغلب اهل الخليج هم من الجهله الذين هبطت عليهم ثروه من السماء فظهروا بمظهر المتحضر! اما حقيقتهم فتظهر مثلا عندما يجييئوا لمصر فى اجازات. انا حر فى رأييى!!!



بالله عليك القرأن و نزل فى هذا المكان و سيدنا محمد و كل الصحابه و المبشرين بالجنه من اهل هذه المنطقه حتى عمرو بن العاص اللى فتح مصر للاسلام كان من هذا الشعب بعدين موضوع الثروه من السماء ياخى قبل ما يكون موضوع البترول ده خااالص كان كل الناس برضة بتتريق عليهم عشان عايشين فى صحراء و كده و حتى لما اجت نعمه من الله برضة بتتريقوا عليهم و على فكره مش عيب انك تبتدى من حيث انتهى الاخرون

انا مش فاهم موقفك يا تربوا، انت مع ولا ضد؟؟!!!

الاخ الفاضل قلب النيل

تحية طيبة وبعد
يا اخى العزيز الامر لايعدو وجهة نظر لكلاً منكم ولكن كل ما ارغبة من سعادتكم وما اعرفة عنك بأنك شخص ذو ثقافة عالية ان تتحلى ببعض الصبر ، وحريتك تنتهى عند بداية حرية الاخرين
ومهما اختلفنا فالسعودى اوغيرة لهم التقدير والاحترام واذا اخطأ فيك اى شخص عليك مضاهاة الحجة بالحجة ( وان كنت ارى ان الامر لايعدوا اكثر من دعابة ) وهذا مهما قيل لن ينقص من كرامتنا لاننا والحمد لله اصحاب كرامة وعزة وشموخ ونعتز بذلك كمصريين ، ولن يضيرنا نكتة او كلمات تلقى بدون ادنى وعى ، وعموماً حبك للاخرين او كرهك لهم شىء لا نتدخل فية ولكنى اتوسم فيك الادب والذوق الرفيع فى احترام الاخرين

اقتباس:

---

المشاركة الأصلية كتبت بواسطة Nader

انا مش فاهم موقفك يا تربوا، انت مع ولا ضد؟؟!!!

---

انا لا مع ولا ضد بس الموضوع كان مجرد funny

انا مش مصدق يا جماعة الكلام دا يتكتب فى منتدانا
اولا فيها ايه لما واحد يكتب رأيه فى الفيلم المصرى باسلوب ساخر طيب ما هو اللى قالو الاخ mada121977 كله كلام مظبوط واى حد بيشوف افلام مصرى بيلاقيه يعنى الرجل مش اخترعه من عنده
وانا عن نفسى الموضوع عجبنى جدا (ملحوظة انا مش السعودية او الخليج انا من مصر)

اعتقد ان الموضوع منقول فعلا بس برده دى مش جريمة لا فى حق اللى نقلها ولا اللى كتب الموضوع من الاصل
ثانيا
بصراحة ليه حق يزعل الاستاذ mada121977 معتقدش اى حد يكون مكانه يكون فرحان لما يتقال له الكلام دا
ثالثا
الاستاذ nile heart مستغرب اننا زعلانين من ايه عشان موضوع التعميم الا لو كان حد فينا خليجى
يعنى هوا الواحد مننا لازم يكون ابوه خليجى عشان يزعل ولا ايه
لا طبعا اى بلد فيها وفيها امال لو مكنناش من مصر وعارفين اللى فيها
واحنا اكتر ناس بنزعل لما نسافر برة ونشوف معاملة وحشة من ناس الخليج يبقى المفروض احنا نكون احسن منهم ولا انا غلطان

حاجة اخيرة
الاستاذ نادر انا اكتر واحد معجب باسلوبك فى كتابة ومواضيعك بس بصراحة معجبنيش سؤالك انت مع ولا ضد؟
الواحد يكون مع الحق
يا ريت توضحلى عشان انا اكيد فهمتك غلط

للتوضيح:
هذه التعليقات منقوله من كتاب ساخر للكاتب عمر طاهر عنوانه "شكلها باظت"[color=darkblue][/color]
:)

انتوا قلبتوها خناقه على موضوع انا شايف انه مش مستاهل لأن ده اللى بيحصل عندنا
بس محدش فكر ليه ان ادول الخليج مثلآ ماعندهاش صناعه سينما

امريكا ذات نفسها و هوليود كلها برضه ليها طريقه فى اخراج الأفلام

يعنى مثلآ تلاقى غزو من الفضاء و سابوا الأرض كلها و راحوا امريكا لأ و ايه رايحيين يخطفوا رئيس امريكا او يموتوا و لو خطفوا يبقى هو البطل اللى هينقذ العالم كله لوحده ازاى ماتعرفش
و لو موتوه يبقى مراته هى اللى هتنقذ العالم برضه لوحدها و برضه ماتعرفش ازاى

و دايمآ تلاقى مبدأ البطل الأوحد الوحيد العظيم ( لوحده و بيموت و يضرب 100)
و يتضرب اكتر من رصاصه فى قلبه و برضه عايش
و يتجمع فوقيه 10 اشخاص و يضربوه و مره واحده يتعصب و يقول طحن فيهم
( طيب احنا سبقناهم من زمان بالتفكير ده فى افلامنا المصريه )

ايه تانى؟؟؟؟؟؟؟؟؟؟؟

افلام الحركه ( طبعى مش جاكى شان ) اى حد غيره
واحد صينى يدخل على مدرسه كونغ فو مليانه بكل تلاميذها و يدخل المعلم تقطيع فيهم و لوحده و كمان بيبقى لابس بدله سهره و ماعهوش ولا سلاح بس بيطحنهم و مابينوزل نقطه ده

ألا بقى الأفلام الهندى

مش هطول عليكوا بس اطلقوا لتفكيركوا العنان و انتوا هتكتشفوا اننا احسن من اى حد على الأقل يمكن نكون واقعيين شويه و بلاش الأنفعالات اللى بتقلل من شاننا

على فكره علشان كل الكلام اللى قولته ده انا بتفرج على افلام كوميدى

نفسي في مرة نكلم في موضوعواحد بس من غيرما يقلب بخناق .http://smiles.bdr130.net/smiles/18/1...703a1d6029.gif
يا جماعه
أولا :- الأخ مادا أخطأ عندما لم يذكر أن الكلام منقول واعتقد إن تعليق نيل عليه إنه يقصده هو .
ثانيا :- كلمة خليجيhttp://smiles.bdr130.net/smiles/1/36000000.gif واطي لغويا لا تحمل الإهانة لكل الخليجين بل تعني واحد خليجي واطي وليس الكل ، فهو هنا إيجاز بالحذف .
ثالثا :- الموضوع فكاهي فليه قلب كده ؟؟؟http://smiles.bdr130.net/smiles/8/60...994115531b.gif
رابعا :- كان لي الشرفأن أعيش في اللمملكة العربية السعودية ( أطهر أرض ) لمدة 15 سنة كاملة منها سنوات الدراسة كلها واكتشفت أنهم قليل منهم جدا ناس واعيه وفاهمة والسواد الأعظم لا يكن أي احترام لأي إنسان آخر بل كل وجهة نظره إنك جئت لبلده لتأخذ من ماله .http://smiles.bdr130.net/smiles/33/1...b2233c4228.gif
خامسا :- مش هما دول اللي هايزعلونا من بعض صلوا على النبي .http://smiles.bdr130.net/smiles/10/36_17_5[1].gif

اللهم صلى على النبى

اولآ انا بالفعل لم اقصد Mada ولكن قصدت الكاتب الآصلى (وانا قلت كده فى ردى السابق)

ثانيآ, اللى ضايقنى فى الكلام انه مكتوب باللهجه المصرى ولكن كلمه واحده فيه (حق) تؤكد ان كاتبه خليجى وهو ما يجعلك تشعر بمحاوله السخريه الفعليه مننا كمصريين (والا لكاذا كل هذا الجهد لكتابته بالعاميه المصريه)؟

ثالثا, الأخ اسلام اهو جاب لكم الخلاصه, واللى عاشر الناس دول هو اللى يعرف حقيقتهم

حصل خير
ان شاء الله مفيش خناق والاستاذ مادا مش يفهم غلط
وانا مكونش فهمت غلط

خليجي اه، وطي لا. هو بس دمه خفيف حبتين أكتر من اللازم وإن كان عنده بعض الحق فيما قال عن السذاجة في بعض الأفلام المصرية. على العموم ياسيدي احنا بنقبل الهزار مادام من غير قلة أدب. بس الخلايجة ممكن يقبلوا الهزار بتاعنا :?: :?: :?: :!: :!: :!:

سأخالف عادتى هنا ولن اشن اى حملات شعواء على اخواننا الخليجيين

لكن انا هنا بصدد ايضاح وجهة نظر ما

هى ان السخرية المتبادلة بين الناطقين بالعربية عبر البحر الأحمر سببها الدائم فرضيه-اراها بعيدة الى حد ما عن الواقع- كامنة فى عقول الناطقين بالعربية على جهتى البحر الأحمر هى انهم اهل ثقافة واحدة عبر جهتى البحر الاحمر ، وباالتالى يحلو لكل من الفريقين السخرية بما يراه مخالفا لثقافته من سلوك اهل الفريق الآخر معتقدا انه مخالف لطبيعة الأمور

لكن حل المعضلة يمكن فى ان نستوعب اننا اهل ثقافات مختلفة ، فليست وحدة اللغة الرسمية(لاحظ معى ان اللغة المنطقوة ليست واحدة ولغة شرق البحر الأحمر المنطوقة غير مفهومة فى غربه ولولا الإنتاج الإعلامى لأهل غرب البحر الأحمر لما كانت لغة اهله لتكون مفهومة فى الشرق) اقول ان وحدة اللغة الرسمية الغير مستعملة فى الحوار اليومى ووحدة ديانة الغالبية لا تعنى ابدا وحدة الثقافة، حتى مع المحاولات المستميتة للشرق الغنى لفرض ثقافتة على الغرب الفقير، فالإنجليز والأمريكيون يتكلمون الإنجليزية ويدين غالبيتهم بالبروتستانتية ومع ذلك فثقافة هؤلاء المتشبثة ببقايا التحفظ القديم تختلف عن ثقافة أولئك المنفتحة، و بالعكس نجد ان الهنود الذين يدين غالبيتهم بالهنودسية ويتحدثون الهندية يتشاركون فى معظم مفردات ثقافتهم مع الباكستانيين المسلمين المتحدثين بالأوردية، لأنهم نتاج موروث ثقافى واحد حتى لو اختلف واقعهم الحاضر

وبالتالى بمقارنة المفردات الثقافية لأهل الخليج والناشئة من واقعهم الجغرافى والأيديولوجى والتاريخى والإقتصادى والثقافى نجد انها تختلف تماما مع المفردات المصرية التى بدورها تختلف مع المفردات المغاربية ، وعلى ذلك فإن سخرية كل فريق من مفردات ثقافة الفريق الآخر لا يعدو ان يكون قصور فى استيعاب الآخر والتعايش مع الإختلاف الثقافى، وهونوع من ضيق ألأفق نعانى منه فى كل مفردات حياتنا يبدأ بالتنكيت على اهل الأفكار المغايرة وينتهى بالإرهاب والتصفية الجسدية لكل مخالف.

عندما نتعلم استيعاب فكرة الأختلاف، وعندما نتعلم ان الحياه يمكن ان تسير دون محاولات مستميتة لأثبات الأفضلية على الأخرين ، وعندما نتعلم استيعاب ثقافة الاخرين طالما انها لا تؤثر علينا بالسلب ، وعندما نستوعب فكرة اننا يمكن ان نعيش دون محاولة فرض افكارنا بالقوة على الآخرين باعتبار انها هى الصح المطلق ولا صحيح غيره ،عندئذ سوف تكون لدينا فرصة لفهم مفردات تحضر العالم من حولنا واللحاق بركب المتحضرين

اقتباس:

---

انا رأييى الشخصى (الشخصى) اللى انا حر فيه

---

حرية حضرتك تقف عند حرية الأخرين و تقف عند أيذاء شخص أو جنس أو شعب بالكلام أو الفعل

اقتباس:

---

برضه بيغيظنى لما الست تجيلها دوخة وتقع من طولها وييجى الدكتور شايل الشنطة وبعدين يخرج من الأوضة ويقول لزوجها "مبروك المدام حامل"!!! أموت وأعرف عرف ازاى ابن المكارة انها حامل من غير تحاليل؟؟؟؟؟

---

هو بيسمع صوت دقه قلب تانية مع دقة قلب الأم التحليل دي للتأكد فقط

^^^ علميا الدوخه فى اول 3 شهور و فى اول 3 شهور مبيكنش جسم الجنين اتكون


والله ده اخر ما اتذكره من فصل التكاثر فى كتاب الاحياء :D

الحقيقة بتوجع، اة هو الكلام دة صحيح بس الغرض منة %#ّ!ّّ+*^%^^$ :evil:

أيه يا جماعه أنتوا سخنتوا على بعض أوى كده ليه الموضوع عادى يعنى مش مستاهل و انا مش شايف انه بيتعدى كونه هزار و على فكره لو أى حد فيكوا بيهزر مع واحد صاحبه و جت سيرة أفلامنا ( الأفلام المصريه ) و اتريقوا عليها مش هيحصل أى حاجه بالعكس هيفضلوا يضحكوا و يفتكروا أسامى الأفلام الى فيها الكلام ده بيتقال و كل ما يفتكروا اسم فيلم هيفضلوا يضحكوا و الموضوع هيعدى عادى يبقى تحاسبوا نفسكوا قبل ما تحاسبوا الغير مصريين و بعدين لو مضايقين أوى كده يبقى لازم تعرفوا حاجه إن الكلام اللى اتقال على الأفلام المصريه لو مش حقيقى مكنتوش إتضايقتوا أصلا ... يا ريت نكبر دماغنا شويه لأن الحياة أبسط من كده بكتير

يا جماعة انا كنت في السعودية واخد الثانوية من هناك.
الصراحة شفت الوحش منهم وشفت الحلو.
لكن كلمة حق معظمهم مش بيحبوا المصريين ومفكرين مفيش حد زيهم.
لكن زي ما قولت فيهم الحلو اللي يتحط علي الجرح يطيب بس مش كتير اوي .
وفي النهاية اقول كلنا اخوة في الله. :P