تقرير عن بي إم دبليو X1 موديل 2014 (e84) بعد 4000 كيلوا.......

**tito32** · 21-05-2014 09:46 AM

انا واثق فى البى ام حتى لو جر امامى

**FrozenFire** · 22-05-2014 05:51 PM

المشاركة الأصلية كتبت بواسطة 2code

اه هي الاكس لاين اعلى في الـground clearance وكويس انه كده بيلائم ظروف طريقك اكتر انا عجبتني حركات الـsport line في فتحة الباب والجنوط كده يعني شوية حركات السبورت بتاعة bmw اللي بتعمل في الـsport line وانها المفروض احسن في الـaerodynamics وتوزيع الهوا وهي برضه اوطى فكل ده اكيد هيعمل شغل احسن فعلشان كده قررت على الـsport line واهي اغلى 4000 مكنتش مشكلة معايا وقتها انا مش كل سنة هشتري bmw فقلت اشتري بالمره !!!!!!!!!!

نرجع بقى للمهم - النور عندك غيرته ولا لسه ؟؟؟ فعلاً انا بحس ان اللمبات ضعيفه وعايزه تقوى شويه

لما تعملها قولي وعرفني ايه اخبارها وايه الفرق بعد ما غيرتها وياريت لو تصور في حته ضلمة النور قبل التغير ونفس المكان بعد التغيير لو عندك جراج ليها يعني هتعرف تعمل مقارنة حلوه بينهم !!! وياسلام لو يدينا رينجات تبقى تمام اوي لان بحب شكل الرينجات في الـbmw

قولي ايه نوع الكاوتشات عندك ومقاسها ؟؟؟؟؟ عايز اعرف هو هو مقاس السبورت ولا لأ ومنزلين ايه نوع الكاوتش عندك ؟؟؟؟ لان انا عملت مشكلة علشان اخد كاوتشات bmw اللي عليها النجمة المصنوعة من bmw !!!!!!!!

اخر حاجة جربت تشغل فيديو على الـidrive ؟؟؟؟؟ الـidrive اللي معانا اللي هو بيشغل الـnavagation ده يستحمل يشغل فيديوهات لكن bmw قفلتها منه علشان عوامل السلامة الاساسية للسيارات عندهم متتشغلش عن الطريق يعني !!!!

رغم اني لو هشغل فيديوهات مش هيبقى ليا انا ده هيبقى للموجودين معايا !!!!!!!

انا جربت بالايفون 4 و 5s بيشتغلوا صوت بس - لكن مجربتش بفلاشة ولا بـcd

بص يا صديقي
اللي مكتوب في الكتالوج بتاع العربية إن الدي في دي ما بيستخدمشي غير لما تكون سرعة العربية أقل من 3 كيلوا. يعني متوقفة تقريبا. جرب كده وهي واقفة.
وبعدين بالموبيل ما بيشغلشي فيديوهات. ده بس بيشغل ملفات الصوت عن طريق البلوتوث.
بصراحة أنا بس مش لاقي وقت أشتري أسطوانة دي في دي وأنزل عليها فيلم وأجربه على العربية خصوصا إني مش محتاج الموضوع ده دلوقتي. يوم جمعة كده حجرب وأقولك.
بالنسبة لفلاشة فبحبس ما تعمقت في الآي دريف هو مش حيقرى من عليها غير ملفات الصوت فقط.

**Samah AbdAllah** · 22-05-2014 06:27 PM

ما شاء الله ربنا يبارك لحضرتك فيها
جميلة ما شاء الله وتقرير حضرتك رائع ووافى
والصور كمان تحفة ما شاء الله

**FrozenFire** · 22-05-2014 07:52 PM

المشاركة الأصلية كتبت بواسطة mohamed_hamdi

ممكن بعد اذنك اعرف موضوع فتح النافيجيشن احتاج وقت قد ايه في القطامية تقريبا و هل كان معاه حاجة تانية و لا هو بس.
شكرا لردك

آسف على التأخر في الرد لسه شايف كلامك حالا

أخد حوالي ساعة ونص وكان هو لوحده من غير حاجة تانية

ماكالفنيش حاجة متهيألي عشان العربية المفروض أستلمها مفتوح.

وأعتقد إني فهمت من المهندس إن تجديد الخرايط بعد كده بينزل ب 100 تقريبا. فأعتقد برضه إن فتح النافيجيشن حيكون في نفس الرينج..

**ashouhdy** · 22-05-2014 08:13 PM

الف مبروك العربية ماشاء الله وخلى بالك عالجنط ... 18 دة صعب قوى

**horas3000** · 23-05-2014 11:49 AM

الف الف مبروك
و ربنا يديك خيرها و يكفيك شرها و شر عيون الناس وبلاوي الطرق
و التقرير اكتر من رائع و منظم و منمق و في الجون من الاخر

و بيني و بينك موضوع الارتفاع ده طلع شيئ اساسي في البلد دي
انا من سكان مدينه نصر و شارع مصطفي النحاس بقالهم اكتر من شهرين بيعدلوا فيه و مبهدلين الدنيا و بقي محتاج دبابه عشان تمشي فيه
و لو هطلع بال 316 بقيت ملزم ب route معين الاقل تضررا من القرف اللي عاملينه مع انه اطول و ازحم بس ما باليد حيله يا اما العربيه هتتبهدل

و انا لولا x1 متورها 2.0 كنت خلصت فيها بس انا طالع مع حفره الاستهلاك في الباجيرو و خصوصا بعد حوارات رفع الدعم دي فمكنتش عايز اخاطر ابدا بعربيه اكتر من 1.6

بالنسبه للزنون انا مركب عندي زنون canbus جايبه من ebay و شغال زي الفل من غير errors خالص
و قلبت السهاري و ال drl كله led ابيض عشان يمشوا معاه
و ادائه احسن طبعا من اللمض الهالوجين بس مش بمستوي الفابريقه و شاكك انه عشان الطقم صيني
عموما انصحك بطقم الاوسرام
عامل حوالي 1400 جنيه و canbus برضه يعني error free و خاماته انظف بكتير من الصيني لانه الماني
انا شويه و ناوي اغير ليه بصراحه
و اي تفاصيل انا تحت امرك