الموضوع: تقرير عن بي إم دبليو X1 موديل 2014 (e84) بعد 4000 كيلوا.......

الف مبروك ياباشا ربنا يباركلك فيها

المشاركة الأصلية كتبت بواسطة horas3000

بص يا كبير
خدها مني الدعم هيتشال هيتشال او اسوئها هيتقنن
و كده كده البنزين هيغلي فكل ما العربيه تبقي موفره هيكون احسن
انا قلت اخليني في ال safe side و خلاص

و عموما ارقام الاستهلاك اللي انت بتحكي عليها كويسه قوي
و انا بعربيتي ال 1.6 و تيربو بلعب في الرينج بين 8.5-10.5 لتر/100 كيلو بسبب اسلوب سواقتي طبعا
و ده كده يعتبر قريب ليك بالمتور الاكبر

و بالنسبه للزنون الاوسرام فهما ليهم توكيل هنا
ده الجروب بتاعها علي الفيسبوك

https://www.facebook.com/pages/osram...80151505357740

كلمهم و هيدلك علي اقرب موزع ليك لانهم مش بيبيعوا قطاعي

يا باشا خلاص البنزين هيغلى على الكل عليا انا الـ2000 سي سي وعليك انت الـ1600 سي سي على 4 او 5 سنين هيبقى بسعره الاصلي ومفيش فرق بينك وبين اي عربية تاني حتى لو جبت لادا وهتحط لها بنزين 92 هتاخده بنفس السعر وانا بحط بنزين جنبك !!!!!!!!!!

نرجع لموضوع الزينون - جربته يا شريف ولا لأ ؟ لو لأ طيب حد جربه هنا في المنتدى ؟؟؟؟؟

أظن كريم منير مجربه في عربيته ال e90.

المشاركة الأصلية كتبت بواسطة mohamed_hamdi

يا جماعة ممكن اضافة الزينون للعربية بطريقة أقرب مايكون لشغل المصنع عن طريق:

1- شراء 2 فانوس أصلي جديد بالعدسات من e bay حسب موديل عربيتك طبعا و لازم تكون العدسات في الوصف بتاعه على الموقع بيركب لها لمبة زينون من نوع d2s و دي مختلفة عن كل البي ام الجديد اللي نازل بلمبات d1s

2- شراء كل المكونات الداخلية الخاصة بالفانوسين شاملة الموديول ال 35 وات المخصص ل d2s و اللمبات 4300k d2s و معاهم ال can bus control لمنع ال flickering و dashboard error و أخيرا ال led module control لاضائة الرينجات الليد في الفانوسين الجداد.

3- عمل تعديل في سوكيت الفانوس الجديد نفسه - و ليس ضفيرة العربية مطلقا - بحيث تتوافق الاشارات الواردة من frm module board بحيث تتوافق مع الفانوس الزينون المتركب بدلا من الفانوس الهالوجين الموردة به العربية من المصنع. طبعا دي عايزة كهربائي شاطر او مهندس كهرباء و ممكن تعمل التعديلات في مسار سوكيت الفانوس الزينون بنفسك لو مزاجك رايق باستخدام كاوية لحام نضيفة و أفوميتر و شيكرتون بشكل نضيف و كله مستخبي داخل الفانوس نفسه خلف العدسة.

مش محتاج لكتالوج اشارات الفانوس الواردة من ال frm لأنها واضحة و تشمل ما يلي كمثال لسوكيت الفانوس الهالوجين الشمال فقط على سبيل المثال و هو سوكيت 12 pin كالاتي:

- low beam signal و دي بتكون في سوكيت العربية بلون اصفر في أخضر. سمكه 2.5 مللي
- high beam signal و دي بتكون في سوكيت العربية بلون ابيض في أخضر. سمكه 1.5 مللي
- -ground signal و ده الأرضي الرئيسي لكل الاشارات و لونه في سوكيت العربية بني صريح و سمكه 2.5 مللي و اللون ده شبه اساسي في كل الآلماني تقريبا.
- flashing signal او لمبة الاشارة الجانبية البرتقالي و دي بتكون في سوكيت العربية بلون أزرق في أخضر بسمك 0.75 مللي. دي الوحيدة المشتركة بين الفوانيس الهالوجين و الزينون بدون تعديل.
- backup light signal او اللمبة الصغيرة جدا لزوم الانتظار ليلا 5 وات و دي بتكون في سوكيت العربية بلون رصاصي في بنفسجي و سمكه 0.75 مللي.


يتبقى فقط أربع أسلاك كمان خاصة بموتور تعديل مستوى الاضائة للفانوس الهالوجين رأسيا و ده طبعا بيتم مانيوال في السيارات باضائة هالوجين او اوتوماتيكيا في السيارات اللي نازلة زينون اصلي من المصنع. ال 4 اسلاك دول بيتم اضافتهم لسوكيت الفانوس الزينون الجديد و يتوصلوا للموتور الموجود داخل الفانوس الزينون الخاص بتعديل الارتفاع بمنتهى السهولة.

التعديلات دي سهلة مش صعبة و بتتجرب الأول اشارة اشارة بمحول جهد 12 فولت خارجي للتأكد من عمل كل اشارة على حدة شاملة النور الرئيسي و ملف النور العالي تحت العدسة و الاشارات الجانبية و أخيرا الرينجات و كل ده للاطمئنان قبل توصيل سوكيت العربية نفسها الى سوكيت الفانوس و التجربة مباشرة قبل تركيب الفانوس نفسه بالعربية.

احنا كده مقربناش لضفيرة العربية نهائي و كمان مفيش خوف على ال frm module لان اللمبات الهالوجين اساسا 55 وات واطي و عالي في حين ان الزينون المستخدم 35 وات يعني أمبير أقل طبعا و حتى النور العالي 55 وات بيستبدل بملف العدسة و ده حوالي 5 وات يعني مفيش مقارنة. لمبات الاشارات الجانبية هي نفسها مشتركة بين الهالوجين و الزينون و نفس المسار كمان في كلا الفانوسين و مفيش فيه اي تعديل.

4- الصعوبات الجانبية للموضوع ده 3 حاجات:

-أولا انه لازم تتأكد ان ال frm module الموجود في عربيتك هو آخر انتاج و هو frm 3. التأكد من ده بيكون من موقع realoem.com و منه باستخدام ال vin الخاص بعربيتك - اول 7 ارقام فقط من اليمين - بيتم الدخول لمكونات عربيتك كما هي موردة من المصنع تماما و منه عن طريق قسم ال control modules بتحدد موديل ال frm الخاص بعربيتك.

ثانيا: نتيجة لالغاء النور العالي high beam و التحول الى نظام العدسات في الفوانيس الزينون الجديدة فلازم هينتج error من كنترول العربية لأنه مش شايف اللمبات الهالوجين ال 55 وات اللي كانت موجودة في الفوانيس الهالوجين الأصلية. الغاء ال errors دي للفانوسين طبعا بيكون عن طريق عمل تكويد coding بجهاز خارجي لالغاء كل ال errors الموجودة و لكن بدون تكويد العربية كزينون.

ثالثا: تشغيل الرينجات في الفوانيس الجديدة بيكون باشارة مباشرة من ال backup lights و الأرضي مباشرة الى الموديول الخاص بالرينجات بحيث تعمل الرينجات فقط مع اضائة ال backup lights.
لو عايز تشغل الرينجات كضوء نهاري شديد مع تشغيل العربية ثم التحول لاضائة خفيفة ليلا كما هو الحال في المنظومة الأصلية للعربية فلازم استخدام ليد موديول اضافي موصل على بطارية السيارة مباشرة مع سلك منه موصل ب backup lights و الخرج منه الى كونترول الرينجات كما سبق و اوضحت.

الكلام ده عن تجربة شخصية في عربيتي و من فضل الله يعمل بكفائة جيدة جدا و ان كان متبقي فقط التكويد بالجهاز لالغاء 2 errors الخاصة بال high beam.

لأي استفسار تحت الأمر و المنتدى المحترم ده علمنا ان الكل بيفيد الكل و ان كنت عارف ان شريف هيسيب ده كله و يسألني أعمل ايه بالفانوسين الهالوجين الأصليين بتوع العربية.

خالص الاحترام للجميع.

طبعا شكرا علي المجهود اللي حضرتك عامله لكتابة الموضوع لكن انا الصراحة قفلت من الموضوع و شكلي هتراجع.