| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 10 1 2 3 4 5 6 ... الأخيرةالأخيرة
النتائج 1 إلى 10 من 96

  1. #1

    الصورة الرمزية FrozenFire

    رقم العضوية : 35276

    تاريخ التسجيل : 12Mar2009

    المشاركات : 510

    النوع : ذكر

    الاقامة : مصر التي في خاطري، مش بتاعة دلوقتي

    السيارة: BMW X1 2014

    السيارة[2]: Honda City 2010

    دراجة بخارية: لا يوجد

    الحالة : FrozenFire غير متواجد حالياً

    افتراضي تقرير عن بي إم دبليو X1 موديل 2014 (e84) بعد 4000 كيلوا....... - Facebook Twitter whatsapp انشر الموضوع فى :

    hasad">



    السلام عليكم ورحمة الله وبركاته
    مبئديا أعرفكم بنفسي
    طبيب أسنان أحمد الفيومي من محافظة المنوفية
    عضو جديد معاكم هنا في قسم البي إم دبليو. نقلت محل إقامتي إلى القسم معاكم بعد ماكنت في قسم الهوندا.
    قبل أي حاجة شكر من القلب لكل واحد هنا في القسم لأن موضوعاتكم كانت وافية في إجابتها عن كل الأسئلة اللي ممكن تخطر على بال أي حد عايز يركب بي إم.
    أخص NOVO و Horas3000 لأنهم كانوا أكتر إتنين إستفدت منهم وأنا بختار الإكس 1

    قبل أي حاجة أنا ما كنتش ناوي أكتب حاجة عن العربية لأني كنت حاسس إني مش حضيف أي حاجة جديدة. ولكن لقيت إن في ناس كتير جدا ما تعرفشي أي حاجة عن الإكس 1 أو إن عندهم معلومات خاطئة نتيجة عدم إنتشارها. فتوكلت على الله وكتبت الموضوع ده اللي أتمنى إنه يكون مفيد للكل وبعتذر مقدما على البساطة الشديدة في تنسيق الموضوع لأني ماليش في التنسيق ووقتي ضيق.

    ده تقييم مبدئي بعد حوالي 4000 كيلوا و3شهور بالعربية وإن شاء الله يكون واضح وبسيط. طبعا الناس اللي معاها وعارفة يعني إيه بي إم ممكن تلاقي الموضوع ده ممل شوية. بس أنا مستفيض فيه عشان اللي عايز يركب بي إم لأول مرة.

    الحكاية باختصار إن كان في صديق ليا عايز يركب E90 وكنت ماشي معاه في الموضوع ده وبعدين رفع شوية لل F30 وبعدين شال الموضوع من دماغه خالص.
    الظاهر بقى إن الموضوع خرج من دماغه و دخل دماغي أنا. هاهاهاهاهاها

    المهم كان الخيار بالنسبة ليا بين السي كلاس وال316 والفولفو إس 60 وكانت الإكس 1 مش على البال.
    السي كلاس بصراحة كانت عيني طالعة عليها وخصوصا الشكل الجديد اللي حينزل في 2015 (واللي يعرفوني يعرفوا إني من عشاق المرسيدس) وبرضه ال 316 شكلها هجومي رائع.والفولفو عربية لا غبار عليها ولكن مش واخدة حقها في مصر. بس كانت العقبة اللي مخلياني متردد جدا فيهم هو إرتفاعهم عن الأرض تقريبا الإرتفاع عن الأرض 14 سم.
    عشان ما أطولشي عليكم وأنا بتفرج على ال 316 شوفت الإكس 1 وعجبني شكلها خصوصا بعد الفيس ليفت ولقيت إرتفاعها راااااائع.



    وتوكلت على الله واشتريتها (في آخر الموضوع حقول ليه أنا فضلتها عن ال 316).

    هو في فئتين: فئتة الإكس لاين ودي عربيتي وفي فئة السبورت لاين
    ويفرق بس في ألوان الفرش الداخلي. لكن مافيش فرق أوبشنز. وأنا كنت مرتاح أكتر للإكس لاين

    أولا شكل العربية من الخارج
    أنا كنت شايل الإكس 1 من الحسابات عشان شكلها اللي ماكانشي عاجبني. بس بعد الفيس ليفت بقى حاجة تانية خااااالص.
    طبعا ملفتة للنظر وخصوصا إنها مش منتشرة وطبعا اللون النبيتي مخليها أجمل.
    الجنط ال18 مدي طابع رياضي للعربية.






    ثانيا الشكل الداخلي
    هي شبه ال E90 جدا. طابع فخم مصحوب بطابع رياضي تتميز بيه البي إم. وجودة المواد الداخلية بيدل على الإعتناء بكل تفصيل من تفاصيل العربية.



    أداء الموتور
    هو موتور 2000 سي سي
    المندوب في التوكيل قالي إن هو توين تربو ولكني أشك في هذه المعلومة. ومش عارف أتأكد منها إزاي بصراحة. ياريت لو حد يساعدني إني إزاي أعرف.

    الفتيس أوتوماتيك طبعا. وهو على D بيبقى أوتماتيك عادي. بتجيبه شمال يبقى أوتوماتيك سبورت يعني بنقل على أر بي إم عالي ولو حركته لقدام أو لورا بيتحول ويبقى مانيوال.
    أداء العربية مع بنزين 95 أحسن من ال 92. وطبعا صوت الموتور أنعم واهدى مع ال95.

    إحساس العربية على الطريق
    طبعا فرق وزن تحسه فورا عن أي عربية كوري أو ياباني بتركبها. طن ونص. تحس إنك راكب عربية بجد. الجميل بقى إن الموتور مش محسسك بالوزن ده خالص. بيخلي العربية تقوم بكل سلاسة.
    وأكيد مش محتاج أحكي عن الثبات بتاع البي إم.

    أنا سافرت بالعربية لمرسى علم. وهي في أقصى جنوب مصر. تقريبا في نفس مستوى أسوان ولكن على ساحل البحر الأحمر. بعد الغردقة ب400 كيلوا تقريبا. وكانت رحلة أكثر من رائعة.
    وأحب أنتهز الفرصة دي وأدي أحلى تحية للصعايدة وللسواقين الصعايدة اللي فعلا بيحترموا القوانين وبيحترموا الطريق. والله والله والله الأخلاق بتاعة الطريق دي شوفتها برة مصر فقط. وأول مرة أشوفها بالشكل ده والجمال ده في مصر.
    من بعد ما عديت الغردقة ولقيتني سايق جنب ناس قمة في الأدب والإحترام لقوانين المرور. مافيش حد ينقل من حارة لحارة غير لما يدي إشارة. مافيش حد بيجاوز من اليمين. لما يلاقيك جاي وراه بسرعة يديك إشارة يمين ودي معناها جاوز الطريق كويس. ولو إداك إشارة شمال دي معناها ما تجاوزشي الطريق خطر.
    دي كانت أول مرة أشوف حد بيعمل الإشارات دي هنا في مصر. تحية فعلا لكل الصعايدة.
    نرجع للعربية على طريق مرسى علم
    دي صورة للعربية في حتة على جنب الطريق وأعتقد إنها أحلى صورة حتشوفوها للإكس 1 على الإطلاق :)



    طول الطريق ماشي على تقريبا 160 أو 180 وفي ملفات باخدها على 160 وساعات بنزل 140 وفي الملفات الشديدة بنزل ل 120.
    في أجزاء كتيرة من الطريق كانت مناظر طبيعية فوق الوصف وكنت بصور الطريق والمناظر اللي حواليه وأنا ماشي وكنت ساعات بسيب الدريكسيون وبمسك الموبيل بإيدي الإتنين وبصور. ولما رجعت وبتفرج على الصور لقيت إن في صور كنت سايب فيها إيدي وكنت على 150 وماكنتش حاسس بالسرعة دي.




    السرعة القصوى وهي محددة إليكترونيا 195.(مش 200 زي ما التوكيل قايل) ولو في منزل توصل معاك ل 210.
    والعربية على 195 الأر بي إم على 4 وربع والريد زون بادئة من عند ال 6 ونص وده معناه إن العربية تجيب أكتر من 195 بكتير ولكن هي محددنها على السرعة دي.
    ودي صورة وأنا على 190 وشوفوا الأر بي إم على كام



    شديت مع عربيات كتير على سرعات عالية بعد ال 140 وطبعا محدش كان بيحط منطق معايا. الوحيد اللي قاوح معايا شوية هو الجيتا. كان بيقى لازق فيا لحد 160 وبعدين ببدأ أسابقه وأفرق عنه حتى وأنا ثابت عند التوب سبيد بتاعتي ماكانشي بيقدر يلحقني. بس لسه ما شدتشي مع بي إم أو مرسيدس.

    على الطرق العادية بقى فالسيارة تتميز بإرتفاعها على الأرض اللي بيخليك تنسى المطبات.
    حتى كان في مطب على الطريق هو مصدر رعب لأي عربية وكنت باخده وأنا إيدي على قلبي بالهوندا ولو كان معايا إتنين في العربية كنت بنزلهم واعدي المطب بالعرض وبعدين يركبوا.
    عديت عليه بالإكس ون ووقفت على المطب يعني العجلتين الأماميتين عدوا المطب ونزلوا على الأرض والعجلتني الخلفيتين لسه ما طلعوش المطب ونزلت أشوف المسافة الفاصلة بين المطب والبودي بتاع العربية ولقيت مسافة حوالي 4سم.
    ما تتخيلوش الراحة النفسية وإنت ماشي وإنت شايل من دماغك حكاية المطبات دي نهائي ولا بتفكر فيها ولا عمال تفكر في المطب وإنت داخل عليه حتاخده من أنهي ناحية وتعرض عليه لانهي ناحية. أو إنك تبقى خارج من البيت وشايل هم 3 مطبات حافظهم وعارف إنك حتتعذب وإنت بتعديهم وحتنزل اللي معاك من العربية.
    من الآخر الحمد لله نسيت المطبات خالص.

    طبعا العربية ناعمة وبتشيل الخشونة بتاعة الطريق والقعدة مريحة وما تحسش بطول الطريق.
    العزل طبعا رائع وما بتسمعشي صوت الموتور وأغلب الأصوات المحيطة بالعربية ما بتسمعهاش.
    حتى لما تعمل كيك دون تشوف الأربي إم بيطلع ومن جوا ما بتسمعشي غير صوت خفيف للموتور.


    الأمان
    Dynamic Stability Control (DSC)
    Dynamic Traction Control (DTC)
    Anti-lock Braking System(ABS)
    Cornering Brake Control (CBC
    6 إير باج

    الكماليات....
    مثبت سرعة ومالتي فانكشن وتحكم صوتي وطارة جلد
    وتكييف ديجيتال وتحكم أوتماتيكي في تجديد الهواء.
    باركينبج سنسورز (بيظهر على الآي درايف بيديك خريطة زي الرادار عن مكان العائق اللي إنت داخل عليه. يعني بتعرف العائق ده فين بالظبط عشان لو إنت مش شايفه وإنت راكب).
    زرار ستارت وريموت و4 آلات رفع للزجاج و4 زجاج كهرباء أوتوماتيك.
    دواسات موكيت
    و رن فلات تايرز.
    وخاصية فلو مي هوم. وتحكم في زاوية إرتفاع الإضاءة الأمامية وكشافات ضباب.
    ووصلة إيه يو إكس ومكان تثبيت للموبيل (سناب إن) تحت مسند الدراع .
    كراسي جلد (مش عارف بقى طبيعي ولا صناعي) بس هو مريح وناعم. تحكم في إرتفاع الكرسي (ولكن مش كهرباء).

    طبعا الزغلول الكبير اللي هو الآي درايف (كل اللي قابلتهم ماكانوش يعرفوا إن الإكس 1 فيها آي درايف). وده عالم تاني خالص ومحتاج موضوع كبير عشان نشرحه وفي أخ فاضل هنا في القسم وهو الأستاذ ahmedzakimordعمل موضوع كامل عنه.






    إستهلاك الوقود في الأول كان حوالي 15 ليتر لكل 100 كيلوا تقريبا. بعد 2000 كيلوا بقوا حوالي 11 أو 10 ليتر لكل 100. والمنتظر إنها تبقى موفرة أكتر بعد ال 10 آلاف
    على فكرة أغلب العربيات ما بينتظمشي إستهلاك الوقود غير بعد ال 10 آلاف.

    حجم الصالون كبير ويسع 5 براحة تامة. ولكن ما يكونوش طوال. يعني أنا مثلا 185 سم وصعب إن حد بنفس طولي يقعد ورايا. بيبقى مش مرتاح.

    بالنسبة للشطة في أوسع من أغلب الأوف رود. يعني مثلا وأنامسافر شيلت فيها شنطة سفر من الحجم الكبير وشنطة سفر متوسطة وشنطة لاب توب وعدة صيد وحاجات صغيرة كده.

    ماعجبنيش الآتي
    1 كان نفسي في أوبشنز ألاقيها خصوصا إنها مش رخيصة وأغلى من ال316 زي مثلا السقف البانورامي والكراسي الكهرباء.ودول كانوا موجودين في فئة إسمها الهاي لاين ودي ما بقتشي تنزل في الفيس ليفت
    2 كان نفسي بصراحة العزل على السرعات العالية يبقى أحسن من كده. هو أفضل بكتير من عربيات تانية وما بتسمعشي وش غير بعد ال140 أو ال150 وحتى بيبقى وش مش جامد يعني مش يصدعك ولا يضايقك ولكن أنا كان نفسي في صمت تام كإن العربية واقفة وطبعا ده مش موجود غير في الفئة الخامسة أو الإي كلاس وإنت طالع.

    نيجي لأسباب تفضيلي للإكس 1 عن ال316
    في موضوع كبير هنا في القسم إتعمل عن المقارنة بين الإكس 1 وال316
    أنا ححاول ألخصها وطبعا دي من وجهة نظري أنا وأكيد كل واحد ليه رأي مختلف

    الإكس 1 إرتفاع عن الأرض قدره 19 سم. ال316 14سم. والمعلومة دي كانت أول حاجة فكرت فيها لما قررت أغير العربية. الطرق المصرية وبالذات اللي في الأقاليم تعكنن عليك عيشتك وتخليك مش عايز تروح أي مشوار.
    وافتكر كلمة قالها مستر Novoوهي إن الإكس 1 هي أول عربية بي إم يركبها وما يبقاش مرعوب وهو داخل على المطب.
    طبعا الهوندا كانت مضيقاني جدا في موضوع المطبات وخصوصا لو في 3 معايا في العربية. فطبيعي مش حجيب بي إم قلبي يتخلع مع كل مطب.
    وعليه فإن الإكس 1 حتبقى عملية أكتر وحتستخدم كل يوم وفي أي مشوار وفي أي مكان. إنما ال316 كانت حتبقى مركونة في البيت وحتطلع بس في مشاوير معينة وكنت حعاني معاها في المطبات.

    ال316 فعلا فيها الفتيس الجديد والموتور الجديد وتسارع أفضل بيفرق ثانية واحدة من ال0لل100 وتوب سبيد أزيد ب10 كيلوا ولكن أنا ماليش في الجري ولا التسقيط والشد واللذي منه. يعني بدي العربية الD ومابلمسشي الفتيس غير لما آخلص المشوار وأرجعه لل P.
    في ناس تقولك أصل إحساسك مع ال316 وإنت قريب من الأرض أحسن من الإكس 1 وحاجات تانية ماكانتشي مقنعة ليا.
    في كمان نقطة الشكل. إن ال 316 شكل قدامه كمان خمس سنين في حين إن الإكس 1 الشكل الجديد حينزل السنة الجديدة بس برضه ده ماكانشي سبب يخليني أسيب الإكس 1 في رأيي الخاص.

    من الآخر
    الإكس 1 كانت بتلبي لي كل المتطلبات اللي عايزها.
    لكن لو إنت بقى عايز ال316 والفتيس وحتفرق معاك الثانية التسارع وال10 كيلوا توب سبيد ومش حتفرق معاك المطبات ولا الطرق السيئة فيبقى خلاص ال 316 أحسن لك.
    عموما كل واحد وليه ظروفه ورأيه الخاص.

    يارب أكون قدرت أعمل تقرير وافي ومفيد وتحت أمركم في أي سؤال.

    والسلام ختام

    بعدما طارده الكلب... وأضناه التعب
    وقف القط على الحائط.. مفتول الشنب
    قال للفأرة: أجدادي أسود. قالت الفأرة: هل أنتم عرب؟


  2. #2

    الصورة الرمزية Optiplex

    رقم العضوية : 118828

    تاريخ التسجيل : 08Jan2012

    المشاركات : 523

    النوع : ذكر

    الاقامة : cairo

    السيارة: Corolla 2014

    السيارة[2]: lancer2011

    دراجة بخارية: noo

    الحالة : Optiplex غير متواجد حالياً

    افتراضي -

    مبروووك عالاختيار و ربنا يباركللك فيهاا و يبعد عنها العين

    اذا نجحت فى خداع شخص ما فلا تظن انة غبى و لكنة كان يثق بك


  3. #3

    الصورة الرمزية J A G U A R

    رقم العضوية : 149487

    تاريخ التسجيل : 02Oct2013

    المشاركات : 10,977

    النوع : ذكر

    الاقامة : DAMANHOUR , ALEX

    السيارة: ♥-♥-♥-♥-♥-♥-♥-♥

    السيارة[2]: O---P---T---R---A

    دراجة بخارية: ♥♥♥-._.-♥♥♥

    الحالة : J A G U A R غير متواجد حالياً

    افتراضي -

    تقرير اكثر من رائع وربنا يباركلك فيها ويحفظهالك



  4. #4

    الصورة الرمزية m7nsh

    رقم العضوية : 19375

    تاريخ التسجيل : 18Sep2008

    المشاركات : 1,842

    النوع : ذكر

    الاقامة : Nasr City

    السيارة: كده رضا :)

    السيارة[2]: Opel Vectra 97 1.6 M/T

    دراجة بخارية: nope

    الحالة : m7nsh غير متواجد حالياً

    افتراضي -

    ماشاء الله تقرير محترم جدا و احترافى .. ربنا يبارك لحضرتك فيها ..
    ياريت تقولنا سعرها كام حاليا و سعر الهاى لاين بتاعها ؟

    [caps]Mohamed Badr[/caps]


  5. #5

    الصورة الرمزية banzai

    رقم العضوية : 150353

    تاريخ التسجيل : 21Oct2013

    المشاركات : 548

    النوع : ذكر

    الاقامة : egypt

    السيارة: bugattk

    السيارة[2]: bugatti

    الحالة : banzai غير متواجد حالياً

    افتراضي -

    مبروك يا كبير و عقبال ما التوكيل يجيبها مصر بالمكنه n20b20 ال 245 حصان علشان هيا مع المكنه دى وهميه انا شوفتلها ريفيو امريكانى على يوتيوب عجبنى جدا

    فَاتَّبَعُوا أَمْرَ فِرْعَوْنَ ۖ وَمَا أَمْرُ فِرْعَوْنَ بِرَشِيدٍ يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ ۖ وَبِئْسَ الْوِرْدُ الْمَوْرُودُ


  6. #6

    الصورة الرمزية M7amD_7amDy

    رقم العضوية : 42820

    تاريخ التسجيل : 22Jun2009

    المشاركات : 3,171

    النوع : ذكر

    الاقامة : Damietta

    السيارة: Skoda Octavia A7 2015

    السيارة[2]: Kia Cerato 2010

    دراجة بخارية: no

    الحالة : M7amD_7amDy غير متواجد حالياً

    افتراضي -

    بسم الله ما شاء الله ربنا يباركلك ويديك خيرها ويكفيك شرها

    تقرير ممتاز جداا عاشت ايديك

    [sor2]http://www10.0zz0.com/2011/02/23/13/799582098.gif[/sor2]
    ورايــــــا


  7. #7

    الصورة الرمزية Anxs111

    رقم العضوية : 26692

    تاريخ التسجيل : 02Dec2008

    المشاركات : 846

    النوع : ذكر

    الاقامة : Canada

    السيارة: BMW X3 2009 3.0i

    السيارة[2]: 99 Passat 1.8T

    دراجة بخارية: none...

    الحالة : Anxs111 غير متواجد حالياً

    افتراضي -

    تقرير جميل جدا جدا ....ربنا يباركلك في العربية ...ما شاء الله اللون جميل كمان ...
    أأكد علي نقطة أنا سوقت العربيتين علي فكرة ...
    إل x1 امتع في سواقتها .. الإتزان بتاعها مزبوط أكتر من إل 316 ...
    إل 316 اللي نازلة مصر هي اللي توين تربو ، بينما إل x1 موتور عادي من غير تربو ...


  8. #8

    الصورة الرمزية Mostafa Hessen

    رقم العضوية : 8099

    تاريخ التسجيل : 28Mar2008

    المشاركات : 3,699

    النوع : ذكر

    الاقامة : Cairo

    السيارة: ربنا يكرم

    السيارة[2]: FRV 2009

    دراجة بخارية: لا

    الحالة : Mostafa Hessen غير متواجد حالياً

    افتراضي -

    مبروووك عالاختيار و ربنا يباركللك فيهاا و يبعد عنها العين
    بجد استمتعت جدا بالتقييم
    وربنا يكرم وااقدر فى يوم اشتريها
    وده بسبب كلامك
    تقبل تحياتى


    meshmesh78 سابقا


  9. #9

    الصورة الرمزية mohamed_hamdi

    رقم العضوية : 13105

    تاريخ التسجيل : 17Jun2008

    المشاركات : 442

    النوع : ذكر

    الاقامة : القاهرة

    السيارة: اوبل استرا سيدان

    السيارة[2]: BMW X3 2012

    دراجة بخارية: لا

    الحالة : mohamed_hamdi غير متواجد حالياً

    افتراضي -

    الف مبروك يا زعيم انضمامك للبيمرز في مصر و ربنا يعطيك خيرها و يكفي عنك شرها. احلى حاجة عجبتني في تقريرك الرائع هو ان اي مشتري لسيارة لازم يشوف احتياجاته ايه من العربية الاول و يشتري على ضوء الاحتياجات دي زي موضوع المطبات الرهيب ده. اهم حاجة انك تكون مقتنع باختيارك جدا علشان متفقدش الاستمتاع بالعربية بعد كده و لولا اختلاف الاذواق لبارت السلع.
    حاول بعد فترة تضيف بعض الكماليات زي الزينون هايفرق مع العربية جدا.
    ربنا يبارك لك و يحفظك.

    الوسطية و الاعتدال في كل الأمور هما جوهر الدين الاسلامي،
    وافعل ماشئت فكما تدين تدان .


  10. #10

    الصورة الرمزية kokowasfy

    رقم العضوية : 132066

    تاريخ التسجيل : 08Dec2012

    المشاركات : 2,022

    النوع : ذكر

    الاقامة : الجيزة

    السيارة: لانسر بومة 2008

    السيارة[2]: مرسيدس

    الحالة : kokowasfy غير متواجد حالياً

    افتراضي -

    hasad">

    بسم الله ما شاء الله ربنا يباركلك ويديك خيرها ويكفيك شرها



 
صفحة 1 من 10 1 2 3 4 5 6 ... الأخيرةالأخيرة

المواضيع المتشابهه

  1. بي ام دبليو تكشف رسمياً عن فئة Individual من X5 2014
    بواسطة Samah AbdAllah في المنتدى أخبار السيارات في مصر والعالم
    مشاركات: 4
    آخر مشاركة: 16-09-2013, 05:33 PM
  2. رسميا بي ام دبليو تكشف عن x5 2014 الجديدة كليا
    بواسطة Mohamed.Ramah في المنتدى أخبار السيارات في مصر والعالم
    مشاركات: 13
    آخر مشاركة: 13-07-2013, 01:48 PM
  3. بي إم دبليو تكشف عن الفئة الخامسة 2014 بتحديثات جديدة
    بواسطة احمدعبدالعزيز في المنتدى أخبار السيارات في مصر والعالم
    مشاركات: 0
    آخر مشاركة: 22-05-2013, 12:47 PM
  4. تسعير بيجو 406 موديل 2004 عاملة 4000 كيلو بس!!!!!
    بواسطة mrbond88 في المنتدى بيــــجو
    مشاركات: 17
    آخر مشاركة: 11-01-2010, 01:28 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2