لاعضاء نادي وادي دجلة

**eslam34** · 11-05-2014 11:16 AM

والله اسوء فرع في وادي دجلة فرع المعادي انا روحته مرة واحدة ومعجبنيش وزحمة جدا وكل الشكاوى بتيجي من الفرع دة لكن فرع التجمع و اكتوبر زي الفل بصراحة انا مفيش عندي اي مشكلة في النادي وشايف انه افضل من نوادي تانية في نفس المستوى اما عن حادث اﻻعتداء على الطفلة مفيش حد ثبت الموضوع دة وبعدين دة مكان عام وﻻزم يكون في توعية للطفل وممكن دة يحصل في اي مكان عام
وربنا يسترها على اوﻻدنا جميعا يارب

**bobbozo4b** · 11-05-2014 01:42 PM

المشاركة الأصلية كتبت بواسطة a.saad

ابعد عنه

طب ليه ؟؟؟
انت عضو فيه وله سامع كلام من اعضاء فيه وله سمعت كلام بس بيتنقل
وكمان ايه اقتراحاتك بنوادى تانيه ؟

المشاركة الأصلية كتبت بواسطة anaslbda

انساه خالص.

طب ليه ؟؟؟
انت عضو فيه وله سامع كلام من اعضاء فيه وله سمعت كلام بس بيتنقل
وكمان ايه اقتراحاتك بنوادى تانيه ؟

المشاركة الأصلية كتبت بواسطة a.saad

المعادى زحمة

الاعضاء بيلموا اى حد على اى حاجة

مش فاهم يعنى ايه ؟؟؟ يعنى المفروض يبقى فى صفوة الناس والباقى يغور فى داهيه

اخر حاجة عرفتها محاولة الاعتداء على طفلة داخل احد الفروع قرب شم النسيم

فعلا اتنشر خبر عن الموضوع بس انت قريت التفاصيل ؟؟يعنى عامل ضعيف النفس
يبقى كل الناس ضعيفة النفس ؟؟؟؟؟؟؟؟

فيه كذا موضوع عنه اتعملوا زمان

باختصار لكل اللى عاوز يشترك
روح الفرع اللى انت هاتروحه باستمرار
فى الاجازات والمناسبات والايام العاديه
لف واتفرج واسال على كل حاجة من اشتراكات العاب واسعار للمأكولات ومشروبات
واتفرج على كمية العماله بتوع النظافة وبتوع الامن
اتفرج على كل حاجة واحكم بنفسك وماتخدش برائ حد
انت اللى هاتدفع وانت اللى هاتشترك وانت اللى هاتقابل كل المواقف

**nomercy22** · 11-05-2014 01:57 PM

انا عايز اشترك في فرع اكتوبر حد يعرف السعر في حدود كام

**eslam34** · 11-05-2014 03:04 PM

المشاركة الأصلية كتبت بواسطة nomercy22

انا عايز اشترك في فرع اكتوبر حد يعرف السعر في حدود كام

السعر تقريبا 75000 بالتقسيط ومفيش حاجة اسمها فرع اكتوبر العضوية بسمحلك بدخول كل الفروع والمنتجعات السياحية

**Ahmed_selmy** · 12-05-2014 03:34 AM

والله انا مشترك من سنه وشايف انه معقول جدا......هو فعلا زحمه فى ايام الاجازات والمناسبات والاعياد زى اى مكان فى مصر واى نادى واى مول بيكون زحمه فى الاوقات دى.
انما فى الاوقات الاخرى بيكون رايق جدا ....لدرجه انى الاسبوع اللى فات روحت علشان انزل انا وبنتى حمام السباحه ....من كتر ما كان الحمام فاضى انا سالتهم هو مش شغال......قالولى لا شغال اتفضل .....وفعلا دخلت و استمتعت جدا ....
بالنسبه للاهتمام بيكون فى امن بيلفوا فى النادى علطول .....وفى مراقبين على حمام السباحه ....واى حد بيعمل حاجه مش مظبوطه بيوقفوة وينبهوا..

**eslam34** · 12-05-2014 03:36 AM

المشاركة الأصلية كتبت بواسطة ahmed_selmy

والله انا مشترك من سنه وشايف انه معقول جدا......هو فعلا زحمه فى ايام الاجازات والمناسبات والاعياد زى اى مكان فى مصر واى نادى واى مول بيكون زحمه فى الاوقات دى.
انما فى الاوقات الاخرى بيكون رايق جدا ....لدرجه انى الاسبوع اللى فات روحت علشان انزل انا وبنتى حمام السباحه ....من كتر ما كان الحمام فاضى انا سالتهم هو مش شغال......قالولى لا شغال اتفضل .....وفعلا دخلت و استمتعت جدا ....
بالنسبه للاهتمام بيكون فى امن بيلفوا فى النادى علطول .....وفى مراقبين على حمام السباحه ....واى حد بيعمل حاجه مش مظبوطه بيوقفوة وينبهوا..

حضرتك بتروح فرع ايه