الموضوع: حيره التنين ف اختيار كاوتش السنين :(

السلام عليكم يا رجالتنا العظام
ان شاء الله ناوى اغير الكاوتش اللى راكب عندى ف كورولا 2008 لان اللى فيها فردتين قدام نوعهم solazo !!!!!!!!!!!!!!!!!!!!!!! والخلفى nexen !!!!!!!!!!!!!!!! شغل عك اخر حاجة م الاخر الاتنين اللى قدام سبور نقشتها واللى ورا ملهمش نقشه تقريبا :(((

المهم انا عايز اجيب طقم كاوتش ولا افقه فيه اي شىء بصراحه فلم اجد افضل من خبرائنا
المطلوب من الكاوتش لان دة اهم حاجة
1- بهدوووووووووووووووووووووو وء مش عايز صوت بجد ونعومه خصوصا فى الطرق المشرشره اللى مليانه زلط صغير دى وحاجة تقرف
2-تماسك عالى ف الفرمله
3-سرعات ولو انى مش بتاع جرى عموما

الميزانيه : حد اقصى 700 للاسف وعلشان كدة خرجت التورانزا من حساباتى لان الفردة فى مقاسى 16-55-205 معديه ال 800 دة غير انى كنت مركب التورانزا ف الجين2 بتاعتى وليه عليه ملاخظات

بعض اللى شفته سريعا وعرفت اسعاره
كونتنتال كونتاكت 5 دى لقتها ب 700 بالظبط الفردة وعلى كلامه المانى
الفردة شكلها محترم
جنابها طريه اوى
معنديش فكره عن صوتها بس التراكشن بتاعها aa واكيد مش حسأل البياع لان اى حاجة بقوله عليها بيقولى ( اوماااااااااااااااااااااا اااااااااال )

هانكوك كورى ب 600 ومش متحمسلها او شكل الفرده وتقفيلها عادى جدا ومتحسش انها جديده او مخدومه وبردة انا ابيض انتوا ادرى انا بقول وخلاص :)

جود يير المانى ب 770 :( وبيقولى طريه جدا ولو انى اشك ان الجود يير المفروض ان صوته عالى ؟؟؟ بس قلت اسالكوا

دى تقريبا الانواع اللى موجوده عندى ف الزقازيق عليها القيمه شوية الباقى كله ماركات مبهمه

ممكن اسافر اجيبها من مصر لو استدعى الامر

مستنى ردودكوا وشاكرين مقدما

عايز اكتر من اقتراح مش تلاقوا كومنتين وتجروا :)

كونتنتال كونتاكت 5
افضلهم
رغم عدم اقتناعى بكل ترشيحاتك

لكن انت محكوم بميزانية وده غلط كبير

لان الكاوتش اهم جاجه ولو هتستلف له

هات الدانلوب اليابانى مكنش يبقى اللاسا

المشاركة الأصلية كتبت بواسطة carrier

كونتنتال كونتاكت 5
افضلهم
رغم عدم اقتناعى بكل ترشيحاتك

لكن انت محكوم بميزانية وده غلط كبير

لان الكاوتش اهم جاجه ولو هتستلف له

هات الدانلوب اليابانى مكنش يبقى اللاسا

مش فكره ميزانيه بس . انا مستخصر ادفع اكتر من 700 جنيه ف فرده بصراحه ف طرقنا الجميله دى
على فكرة التورانزا كانت عندى ف الحين2
ومش الواااو اللى معظم الناس هنا بتقوله عليها
يعنى الفكرة ان الاسعار غاليه زياده جدا عن قيمه المنتج والسبب ف دة احنا للاسف
عموما انا مرشحتش
انا قلت اللى لقيتهم عندى فى الزقازيق
لو الدانلوب احسن
ياريت تكتبلى اسم الموديل
ومكان توكيله او احسن موزع معتمد ليه وانا انزل اجيبه على طول
متشكر جدا لحضرتك
تحياتى

ملحوظه : مفيش دانلوب يابانى فى مقاسى كلمت الوكيل بنفسى
الدانلوب اللى موجود فى المقاس بتاعى المانى واندونيسي

المشاركة الأصلية كتبت بواسطة mido_soliman

ملحوظه : مفيش دانلوب يابانى فى مقاسى كلمت الوكيل بنفسى
الدانلوب اللى موجود فى المقاس بتاعى المانى واندونيسي

خليك فى كونتنتال كونتاكت 5 خصوصا ان سعرها حلو اوى

وطالما الدانلوب اليابانى لمقاسك مش متوفر

المشاركة الأصلية كتبت بواسطة carrier

خليك فى كونتنتال كونتاكت 5 خصوصا ان سعرها حلو اوى

وطالما الدانلوب اليابانى لمقاسك مش متوفر

طب ما تقولى مخاوفك من الكونتيننتال برده !!
ودورت على الكومهو ايكستا من كلام الناس الحلو عليها هنا مش لاقيها برده

المشاركة الأصلية كتبت بواسطة mido_soliman

طب ما تقولى مخاوفك من الكونتيننتال برده !! لأ انا مجربتش غير الدانلوب اليابانى وارتحت جدا معاه
ودورت على الكومهو ايكستا بلاش الكومهو لانها ملك البلالين

بعد معاناه مع ماركات مشهورة ولا اسوء فى تنوع سوء الآداء

ولانى بمشى مسافات بركب تكييفات فى اماكن بعيدة لقيت
الجوديير وريتنى الويل
الكومهو وانا رايح الغردقة عملت فى مطب بلونه مع اول خروجة
البريللى كان نوعا احسن السيئيين

اللاسا كانت عملاقه وسلسة جدا بس بعت العربية الكورولا وافتقدتهم

شوف الموقع ده قبل ما تختار
كل علامات الإطارات على موقع rezulteo و هو الدليل الإطارات ومقارنها.

الكونتننتال كنت جايبها نفس المقاس ب 860 ازاي بقت ب 700 بس !!!

ومفكرتش ليه في اليوكوهاما دي فردة طرية اوي واكيد مواصفاتها حلوة من ناحية التراكشن وكدة