الموضوع: النصائح الذهبية للوقاية من التثبيت - ان شاء الله

الوقاية خير من العلاج !!


طبعا قدر الله و مل شاء فعل ... محدش يقدر يعترض على ارادة الله عز و جل انما كل ما هناك ان ممكن نأخذ بالاسباب و مش نمنع بس على الاقل نقلل الخسائر


محاولة تركيب طبعا جهاز للتعقب GPS , و فى ناس بتقوللك سيب موبايل ابو 100 جنيه و وصله الكهربا اوفر بس ده اكتشافه سهل
و فى جهاز تانى بيفصل دائره الكهربا


دعاء السفر اول حاجه ثم :



1- عمل صيانه سريعه للسيارة ( كشف على الزيت - الاطارات - الخ....)
2- دراسة الطريق و ان تكون على درايه بكيفية الوصول للمكان المراد الوصول اليه و تفادى الطرق المهجوره
3- اختيار الميغاد المناسب للسفر بين 9 صباحا - 3 ظهرا و لو المده اطول ممكن قضاء اليله فى اى فندق حتى الصباح
4- اختار اقصر طريق و يكون طريق مستقيم
5-الزم الحاره الوسطى عشان ميعرفش يعمل عليك كماشه و عشان ميرميش عليك حاجة من جانب الطريق
6- مسافه كبيره بينك ز بين السياره التى امامك ختى تعطى لنفسك مساحة مناوره
7- حاول تمشى و تكون امامك سيارة اخرى تبعك فى طريق السفر و لو مفيش حاول تمشى ورا عربية عشان لو ظهر السارق امامه تدى نفسك فرص
8- السرعه تكون سرعه متوسطه ختى لا تعطى فرصه للسارق للحاق بك
9- لا يكفى انك تنظر امامك اثناء القياده , لازم تعرف ايه اللى بيدور حواليك و العربيات و البيئه المحيطة بك
10- لا تقف لأى حد على جانب الطريق مهما كان الا لو لجنه شرطه
11- لو حد استفزك للوقوف بالسباب او الخبط لا تقف لأنها فح غالبا
12- غلق جميع الابواب و الشبابيك بالقفل
13- تركيب فاميه او ستائر كبس يخيف السائق لأنه يجهل مل بداخل السياره
14- لو اضطريت للوقوف يكون جمب لجنه شرطة او نقطه بوليس
15- لا تعطى اى معلومات عن الرحله اثناء وجودك فى الرست مثلا
16- فى حاله التثبيت حاول تعطيل السيارة بأى طريقه مثلا بالنزول فى الرمله او الصعود على الرصيف او وجود زر سرى يفصل الكهربا او حتى كسر مفتاح الكونتاكت ( لو متأكد انه حرامى)
17- فى خاله انه خدك معاه لازم تعمل حادثه مفاجه بالعربية و يكون فى منطقه مأهوله و ده يزيد فرصه نجاتك
18- متابعه اخبار الطريق من bey2olak او wasalny
19- فى حاله وجود اسلحه ناريه الاستسلام بهدوء لأن السياره تعوض انما البنى ادم لا
20- فى حاله القياده الليليه تركيب اضاءة قويه و فوانس شبوره و لو قياده صباحيه لب نضاره شمش و يفضل تكون polarized
21- لو معاك سائق اخر يمكن عمل مناوبات قياده لزياده تركيز كل فرد اثناء فتره قيادته


لو فيه اى اضافات يا ريت متبخلوش علينا و ربنا يستر طرقنا و يحمينا من شر الطريق اللهم امين

نصائح مفيدة للغاية.....
ممكن وجود أشياء في العربية تستخدم في الطوارئ مثل اكياس نايلون فيها بويه او زيت مستخدم وممكن بيض لاستخدامه بالقاؤه على زجاج العربية المهاحمة الأمامي لمنع الرؤية وممكن كمان كانز بيسي هيبقى ثقيل الوزن وممكن يكسر له الزجاج