الموضوع: عفشة الفيرنا

المشاركة الأصلية كتبت بواسطة mshmshm3

احنا مع بعض ماتقلقش
بالنسبة للجنوط الحديد انا عندي جنط الفابريكة و نفس المشكلة
اغسل العربية من تحت كويس و زي ما العضو الفاضل قال بلاش بالجاز عشان بيأثر علي الجلب و كذلك بلاش التشحيم بال wd-40 علي اي جلب او كاوتش
في شحم ابيض زي ما العضو الفاضل قال و في شحم للعفشة بيتباع في البنزينة و ربط عفشة كويس عن اي حد
بالنسبة للنيتروجين اي محل يكون باين انه كويس مع ان دلوقتي مابقتش تفرق
انا بملي نيتروجين من بريدجستون عمارات العبور و بظبط زوايا هناك و بريط عفشة
الجنط عندك 13 ولا 14 ولا 15

انا معاي فيرنا 2012 غالبا 13

المشاركة الأصلية كتبت بواسطة kayyali

شكرا يا استاذ تميم، العربية مش بتعوم مني و مفيش صوت خبط تحت العربية فعلا، طيب يعني هي مشكلة كاوتش؟ لو عايز اجيب جنوط اجيب ايه علشان العربية تبقي ناعمة، ولا اسئل مين كويس في الكاوتش انا محتاج اغير ولا لا؟ . انا اخري في الجري ١٤٠ ده علي طريق السخنة مثلا، فانا مبجريش تقريبا.

شوف هو الكاوتش بيتحسب على اساس الكاوتش عامل كام كيلو وفي نفس الوقت بقاله اد ايه وملمس السطح بتاعه ايه يعنى النقشه سليمه ولا مسحت !!
لو الكاوتش عدى ال50 الف كيلو يبقى الافضل تغيره
بس انت عربيتك موديل 2012 والمديل ده نزل بكاوتش يوكهاما ياباني وده كاوتش ناعم ورائع
تغيير الجنط مش هياثر على حاجة ولو عاوز تجيب جنط لازم يبقى 13 حفاظا على العفشه والعربيه وانا مش شايف اي لازمة لتغيير الجنط

شكرا جدااا يا استاذ تميم