لو واحد حجز عربية زيرو من التوكيل المعتمد ..بمبلغ 1000 جنيه بلون معين وقالوله العربية فى المنطقة الحرة .. والاستلام بعد أسبوع
-
لكن لازم تدفع ثمن العربية علشان تخرج من الجمرك والاستلام بالورق يومين بعد الدفع ؟ هو كده طبيعى ولا لأ .؟؟؟
-
أنا شايف ان المفروض الدفع عند الاستلام .ودى مسئولية الوكيل انه يجيبها من المنطقة الحرة.... والواحد يشوف العربية بعينه ويشوف عامله كام كيلو وفيها اى خدش لاقدر الله ولا لأ ؟!؟!؟!
-
ولا أنا غلطان ....
هيه مخدرات ؟!!!! الدفع قبل التسليم !!!
سيبك منهم انت صاحب الفلوس و هما اللى عايزين الفلوس و العربية هاتها من تاجر محترم
-اقتباس:
المشاركة الأصلية كتبت بواسطة gemino
ههه :) والله أنا شايف برضه ان العربية لازم تبقى موجودة .. ياكده يابلاش ...
بص يا أحمد باشا اللي يعمل كدة سوري يعني متآمنلوش
أنا عربيتي حجزتها ب 50000 يعني مبلغ كبير من تمنها.
ويوم ما وصلت الجمرك قعدوا يقولولي مش هنطلعها الا لو دفعت المبلغ كامل..لو مش عايز في زباين تانية عايزة..وكله كلام نصب..المهم دفعنا والنتيجة..عربية مش بنفس اللون ولا المواصفات اللي كانت مطلوبة.
عشان كدة متشتريش عربيات محناجة حجز..لو مضطر للحجز جيب من توكيل محترم -مع ان اللي انا كنت بتعامل معاهم وجيه أباظة توكيل بيجو المعتمد- بس يعني حاول متدفعش الا لما تبقى العربية قدام عينيك.
وربنا يوفقك.
-------------اقتباس:
المشاركة الأصلية كتبت بواسطة Mystique
فعلا ... حكاية انه يجيبوا لون تانى دى .. مش مطمنانى .. شكرا ليك بجد على التنبيه .وكانت غايبة عن بالى ومش متوقع منهم حاجة زى كده ربنا يستر.. .ربنا يباركلك ...
-
خاصة انهم قالوللى اللون مش بينزل كتير .. وبعدين قاللولى فى واحدة فى الجمرك بس .. ولازم تدفع وكده ...ربنا يسهل وحكون حريص لأقصى درجة
-
زى السوق مابيقول
فلوسها على كبوتها
لازم تعاين العربية الاول
فعلا؟اقتباس:
المشاركة الأصلية كتبت بواسطة haima
بس انا لما استلمت العربية من التوكيل كان اصلا مش موجود اللون الاسود و الفرش بيج فاستنيت اسبوعين تقريبا و دفعت حجز 2000 جنيه و عادى استلمت فى المعاد المحدد
هو اللى انا عملته ده كان غلط؟
اصل لو الفكرة انه اعاين العربية طيب ما هى لما تيجي هعاينها و لو فيها خدشة مش وخداها و يرجعو فلوس الحجز .. ولا ايه؟
يا ريت حد يفهمني لو انا اللى عاملته دة غلط
الهوندا كده تدفع الاول وتيجي بعد يومين تستلم طبعا الحجز بيبقى قبلها ب 3 شهور على الاقل
اصل حضرتك كمان بتقول من توكيل معتمد مش معرض مثلا فى اى مكان و انت شاكك في مصداقيته ...يبقي اظن مفهاش قلق لانه توكيل و اكيد خايف على سمعته و كله بقا ماشي بنظام الحجز مقدما بعدين دفع باقي المبلغ عند الاستلام و لما دفعت مقدم الحجز ادانى فاتورة مختومة بالمبلغ اللى دفعته كمقدم حجز
ممكن تدفع للحجز لو من مكان محترم ومعروف لكن كل الثمن لما تعاين وتتطمن وتستلم السيارة وكل اوراقها وربنا يوفقك للى فيه الخير دوما
توتو علي كبوتو
بص انا فى الماتريكس دفعت كاش و استلمت بعديها بإسبوع و فى الهوندا دفعت 30 الف بعدين بتستنى 3 شهور و بعد كده بتدفع باقى تمن العربيه و بتستلمها بعديها بيومين اللى قرفونى فيه ان الورق بتاعها اتأخر و ج بعديها ب 5 ايام ديه التجربه بتاعت سواء مع الفطيم او غبور
الكلام قبل دفع الفلوس حاجة و بعد الدفع حاجة تانية خااااااااااااالص....
دلوقتي بيقولك هتتأخر اسبوع ... تعالى بأة بعد ما تدفع و شوف لو قاللك هتتأخر كمان شهر حتى.... ولا هيكون ليك عنده حاجة
فلوسك معاك يبقا موقفك أقوى... معاهم متزعلش من اللي ممكن يعملوه من مماطلة و تأخير و خلافه...
أنا لما اشتريت برضه مكانش اللون الاسود متوفر من عربيتي دفعت 2000 و جابولي العربية تاني يوم...
بص يا سيدى لو من التوكيل يبقى الخوف اااقل
حاول متدفعش كامل المبلغ طبعا قبل ما تيجى عربيتك
ولو من معرض بره لا متدفعش الا اذا كان ثقه ولو لا
قوله خد دفعه حجز والباقى لما تيجى العربيه عند التسليم
انا دفعت 10.000 دفعه حجز عشان الراجل يجيب لى اللون اللى كنت عاوزه لانه مش موجود عنده
وبعدها باسبوع قعد يزن على باقى الفلوس عملى فيلم هندى
انه اشترى لى اللون اللى عاوزه من معرض تانى صاحبه والمعرض التانى عاوز فلوس العربيه عشان يطلعها من عنده
رحت له ودفعت فلوس العربيه كامله
وكتبت الشخص اللى استلم منى الفلوس ووووووووووووووايصـــال امانه بكامل المبلغ وخدت الايصال ومشيت
وجابولى العربيه واستلمت