بعد لف كتير في المنتديات و صفحات الفيس بوك قررت ان شاء الله اشترى التيجو
فايه رايكم احسن مكان اجيبها منه ان شاء الله وايه افضل لون فيها ؟ وهل انا اتسرعت في القرار ولا لا ؟
عرض للطباعة
بعد لف كتير في المنتديات و صفحات الفيس بوك قررت ان شاء الله اشترى التيجو
فايه رايكم احسن مكان اجيبها منه ان شاء الله وايه افضل لون فيها ؟ وهل انا اتسرعت في القرار ولا لا ؟
بالنسبة للون فقط : الاسود ملك الالوان بالاخص فى التيجو
وربنا يوفقك فى الصالح
الشكل الجديد نازل بجوده محترمه جدا
وتعديل للموتور والفرن والبوابه ودواسه البنزين
الشيء الاهم انك تكون مقتنع بالعربيه
وماعندكش عقده الصيني
وانها زي كل العربيات بتتصلح وتروح للمكيانيكي
وبتغير لها قطع غيار
لكنها كعربيه قويه ومتينه وعاليه وشنطتها واسعه
وتكييف اكثر من ممتاز
اللون
بلاش الاسود ماينفعش في مصر نهائي
بيتوسخ بسرعه وحراره الشمس مضاعفه معاه
رائي خليك في الفضي او الفيراني
ربنا يوفقك بس ان عن نفسي بكرره اي حاجه صيني مجرد رائ
تجربة موفقة ان شاء الله .. بضم صوتي لهوجان في حاجتين
الاولي : الاسبيرانزا عربية ممتازة ما شاء الله بالنسبة لفلوسها و بالمقارنة مع فئات تانية في نفس المستوي .. عضم ناشف .. ثبات عالي .. سحب ممتاز و تكيف جيد جدا ماشاء الله
التانية : بلاش اللون الاسود لانك هتتعب جدا في نضافتها.. خصوصا ان الجو عندنا جميل زي ما انت عارف :stink[1]:
عربية جميلة وموفق في الشراء باذن الله
ربنا يوفقك ، انا سبقتك
انصحك بالتالى
عندك سمير ريان و اباظة اوتو تريد ( فاصل كويس فى الأتنين )
بالنسبة للون اللى عاجبنى لما جيت اشتريها كان الفيرانى بس العربية القديمة اللى كانت معايا كانت فيرانى فجبت اللون النبيتى, اللون الكحلى حلو و عندك فى لون بنى جديد منزلينه بردو كويس.
القرار اللى اخدته بالنسبه على قد تمنها ف ده كويس لكن لو معاك أوبشن انك تجيب عربية اعلى جييب اكيد كل حاجه و ليها تمنها.
نسيت اقولك .. ابعد عن الأسود و الفضى اللونين دول مينفعوش فى مصر الا فى العربيات التقيله للأختلاف نوع الدهان
عربيه جميله وربنك يوفقك
انصحك باللون الفيراني جميل جدا عليها