السلام عليكم
عندى مشكله يا جماعه قارفانى وهيا ان فيه بقع بويه او على الأرجح أسمنت على سقف العربيه فكنت بسأل ينفع أرش أسبراى wd40 فوق البقع دى وامسحها وتطلع ؟ ولا ممكن تضر بوية العربيه مع العلم ان السقف كان مرشوش قبل كده مش بوية قبريكه يعنى
عرض للطباعة
السلام عليكم
عندى مشكله يا جماعه قارفانى وهيا ان فيه بقع بويه او على الأرجح أسمنت على سقف العربيه فكنت بسأل ينفع أرش أسبراى wd40 فوق البقع دى وامسحها وتطلع ؟ ولا ممكن تضر بوية العربيه مع العلم ان السقف كان مرشوش قبل كده مش بوية قبريكه يعنى
لو البويه فابريقة ممكن عن تجربة ... لكن لو العربية مرشوشة يبقى بلاش ... والله تعالى اعلى واعلم
طب حضرتك متعرفش أيه أفضل حاجه أشيل بيها البقع دىاقتباس:
المشاركة الأصلية كتبت بواسطة دكتور خالد
هل بنزين مثلا أو تنر ؟
الجاز يا باشا احسن حاجة تنضف البقع دى ... بلل قطنة شوية جاز ونقط على الاماكن اللى عليها البوية و سيبها شوية و بعدين نضفها بمية سخنة واريال .. ان شاء الله تطلعاقتباس:
المشاركة الأصلية كتبت بواسطة a raafat
انا عارف ان الجاز شاحح شوية و مبقاش بيتباع بس هتلاقيه فى البنزينة و عند بتوع غيار الزيت
ممكن تستخدم الـ Wd او التنر بس مش لازم تغرق السقف
حتة قطنة تحط عليها شوية وتمسح براحة
بس استنى حد تاني يدخل يأكد ان مفيش ضرر ان شاء الله
W40 عادي مافيش منه ضرر لي انه جاز علي زيت علي بعض مواد اخري وليس مواد أكلة
انتا رش حتة علي قطنة وبراحة خالص
وبرضة اسئل وماتخدش بي كلامي اوووي
بقولك اية الموضوع بسيط و ابعد عن wd40 و الجاز و التنر لانها كل دى مزيلات
انا عند البيت واحد استورجى الله يعمر بيته كان بيرش ورنيش فا طبعا الهوا خد الورنيش ولازق على عربيتى اه و الله العربية كلها بقة متورنشة زى ما يكون العربية عليها طينة
عاملت اية جيبت لليفة بتاعة المواعين البلاستيك و جيبت كيسين بريل و سخنة المياة و حطيت البريل و رشيت العربية و كل ما المياة تنشف ارش تانى و بعدين بالليفة دعكة دعكة خفيفة شيلت كل القرف اللى كان عليها
ورجعت زى ما كان و بقة زى الفل
بالتوفيق
وربك المستعان
الازازه ديه هتلقيها فى Tottal اللى على اول طريق الاوتوستراد قدام توكيل ميتسوبيشي
http://tgm123.com/wp-content/themes/...easer-32oz.jpg
عن تجربة ... حاجة غير عادية فى إزالة كل ما تتخيله
شكرا يا جماعه على كل الردود الوافيه والنصايح الذهبيه دى
انا ان شاء الله هاخد بكل نصايحكوا وهجرب من الحلول البسيطه للأقوى وهكذا
وربنا يسهل والبقع دى تطلع
لو اسمنت يبقي ماء وصابون فقط
روح الخل
mild acid
فى حاجة أسمها نفط عند الموان بلل قطنة وهاتشيلك البقع دى بس أوعى تخلى النفط ده يلمس البلاستيكات
بشكركوا تانى يا جماعه عالاهتمام والنصايح الغاليه
وانا زى ما قولت هبدأ بالأقتراحات البسيطه ثم الأقوى وهكذا
بس عندى ملاحظه : لما بغسل العربيه فى محطة بنزين بيستخدم ميه وصابون والبقع دى مش بتطلع هل ده عشان عربيتى جيب شيروكى والسقف عالى مش سهل انك تشوفه كله وتطلع البقع دى ؟ بالأضافه انه بيكروت ومش بيدعك بضمير ؟
ولا هيا فعلا لازقه ومش هتطلع بسهوله ؟
ركنت العربية تحت عمارة وهي لسه بتتشطب ونزلت أشتري حاجه ..رجعت لقيت العربية عليها نقط بويه زيتيه من البياض اللي كان بيتعمل في العمارة ..قعدت أزعق للعالم اللي شغاله ولا حد بصلي ولا كأني بقول حاجه ..مرتدش أمد إيدي على البويه اللي نقطت على العربية لغاية ما سألت مختص في الموضوع ده ..واحد بوهيجي عربيات بس عيل صايع في شغلته ..قالي تجيب تنر وتبل فوطه قطن ..تعرق الفوطة بالتنر ..يعني متخليش التنر ييجي على الحديد بتاع العربية مباشرة عشان البويه بتاعة العربية ما تكرمش ..ده بناء على كلام البوهيجي..وبعدين تدعك كده على نقط البويه بالراحه هتلاقيها البقع دي حلت معاك ..وفي ساعتها تقوم ماسح بفوطه ناشفه مكان البقع وقتي كده ..جرب وقولي لإن ده اللي حصل معايا بالنفصيل
جماعه هوه انا لسه مبدأتش فى تنضيفها لانى مش فاضى اليومين دول
بس كان ليا أستفسار دلوقتى البقع والحاجات دى قديمه بقالها سنه تقريبا فى أمل انها تطلع بسهوله ولا كده مسكت وثبتت خلاص ؟ والبقع دى عباره عن أسمنت كان أدلق عليها من عربيه نقل و شوية سوائل كانت بتنزل من النخل والبلح على سقف العربيه لان الجراج اللى بركن فيه مليان نخل وفى وقت معين فى السنه النخل ده بيحوس العربيات