عندي مشكلة تخص البوابة وحساس الايدل ومش عارف احلها ازاي
السلام عليكم
شباب أنا معايا بومة 2008 سبورت
من فترة كانت العربية مظبوطة وزي الفل
جوز اختي كان معاها اسبراي جنك وقالي هات انضفلك البوابة والحساس قولتلوا ماشي
بعديها الحساس باظ بقي الار بي ام بيخرف (حبه فوق وحبه تحت)
قولت الحمدلله الواحد مبيتعلمش ببلاش لان الاسبراي ده مش بتاع الحساسات اصلا
رحت للميكانيكي بتاعي قالي هنجيب حساس جديد
جاب واحد
ركب شغل ظبط البوابه كله زي الفل وعلي الشعره
3 أيام والحساس بدأ يخرف والعربيه بتوطي جامد لوحدها وبدون مقدمات
رجعتله في الوقت المناسب لان الحساس مات والعربيه مكنتش عاوزه تدور
رجع الحساس وجاب واحد تاني جديد برضك
نفس الموضوع و4 ايام وبدأ يخرف
رجعتله ورجعه وقالي نجيب استيراد اغلي بس أضمن وفعلا
جبنا واحد استيراد وبصراحه كان نضيف قوووووي
ركبناه لالالالالالالالالا حسيت بفرق كبير العربية مظبوطه والار بي ام مظبوط والقرايات كأن العربيه فبريكه والتكييف مظبوط
طبعا انا خليته نضف البوابه حته حته وفكها علشان كله يكون تمام
اسبوع وبدأت اجد أن الار بي ام وطي شويه
رجعتله قالي مسمار البوابه هنعليه شويه ومش هيعمل تاني
وفعلا علاه وظبط
يوم وبدأ يوطي تاني سكت
اسبوع ونزل اكتر
وحاليا العربية وانا ماشي بينزل الار بي ام الي فوق الشرطه التانيه من تحت يعني 7 تقريبا او 6.5 وأوقات علي السلانسية ترفع للوضع الطبيعي وأوقات تفضل منخفضة كده
مش عارف المشكلة فين وايه الي بيخلي الوضع بعد ما يكون كويس يسوأ كده
ياريت لو في حلول مع العلم انا الحساس مش بيعلي ويوطي أو مش بايظ زي الوضع الاول
معلش طولت عليكم