ياريت حد يدلني على مكان رشاشات bmw m40 تتجاب منين في اسكندرية
يعني من عند مين في صلاح الدين وسعرها كام
عرض للطباعة
ياريت حد يدلني على مكان رشاشات bmw m40 تتجاب منين في اسكندرية
يعني من عند مين في صلاح الدين وسعرها كام
أيمن الديب فى الفراهده جنب مقام ابو الدردار مباشرة ب 200 بس تاخدهم على التجربة و هو بيعملهم بقلم ماركر اوعى تمسحه و انت بتنظفهم ببنزين قبل التركيب
و تكشف عليهم على جهاز الترا سونيك موجود فى اخ خالد ابن الوليد اخر شارع يمين قبل ما تحصل البحر هناك هيدلوك
طبعا المسافة مابينهم طويله جدا لكن انا لما اشتريت الديب ادانى احسن سعر و مفيش غير جهاز التراسونيك عند الدكتور اسامه، فيه واحد فى فلمنج بس انا مستريحتلوش و المشكله ان اول طقم جبته طلع بايظ و رجعته تخيل بقى المشوار رايح جاى مرتين اخدت اليوم من الساعه 1 لحد 11 بليل
باشا الراجل ده الرشاشات اللى عنده تلفانه وعاوز يبيع وخلاص
انا كنت حعمل معاه مشكله
المفروض اصلا الرشاشات تاخودها تركبها عندك تشتغل مش ادفع ٢٠٠ جنيه واروح انضفهم كمان
الاستيراد لو سليم يبقى اخده من موتوره لموتورى يشتغل لكن اللى عنده ده خلع مش استيراد على فكره
جايز ساعهةما انا روحتله كان اللى عنده كله بايظ وممكن يجيب شغل تانى نضيف لكن طالما هو عاوز يبيع وخلاص ويبيع الحاجه وهو عارف انها بايظه يبقى ميستاهلش الواحد يتعامل معاه
طيب فيه حد غير أيمن الديب
انا لما رحتله تانى مره ابدلهم لقيته عمال ينقيلى من جردل شكله من ظريف مليان رشاشات مختلفه فوق بعض قعد ابص حواليا فى المكان لقيت مسطره على الجنب كده قولتله انا عايز ديه ادهالى و هو مختوق كده بس الحمدلله لما كشفت عليها على الجهاز كانو تمام و محتاجوش تنظيف خالص و ركبتهم سحب تمام و ناعم
الاستعمال كده، انت و رزقك
متابع
انا رايح باذن الله
عموما بتوع البى ام ماليين البلد خدو وقتكو و اسألو كويس المهم اى طقم تاخده ييبقى عالتجربه و طالما انت حتكشف عليهم على جهاز الترا سونيك يبقى يبقى صعب حد يضحك عليك لان الجهاز بيبين كل حاجه
اييييييوه هو الجردل ده بقى مليان مرتجع
اول مره طلعهم من على مسطره بس مش زى بتوع البى ام اللى شوفتهم هنا فى المنتدى المهم اخدتهم ومشيت ولما روحت بدقق فيهم لقيت فيه زى فيبرات كده جوه سن الرشاش واحده مكسوره والتانيه مش موجوده رجعتله طلعلى بقى من الجردل ده المرتجع والبايظ روحت للمكانبكى اخد ٣٠جتيه وركبهم وطلعو ٢ بايظين رجعتله تاااانى وقولتله لومعندكش حاجه شغاله ادينى الفلوس راح مدينى الفلوس هو عارف ان اللى عنده تعبانين بس بيديك تجرب يمكن مترجعش بيهم
انا حبيت بس انقل تجربتى معاه عشان اللى يروح يبقى عارف موضوع الجردل ومياخودش منه هههههههههه
بس كويس انك قولت على بتاع خالد ابن الوليد ده اتا لسه مجبتش رشاشات ولو جبت حبقى اروح اجربهم عنده
شكرا يا باشا
انت عارف انا لما قالى حغيرهم و طلع فوق كنت محرج فى الاول اطلع وراه و بعدين لما افتكرت ان المشوار اللى مش حيقل عن 3 ساعات لو طلعلوا بايظين تانى قلت مبدهاش و قمت طالع وراه و لقيته عمال يقلب فى الجردل اياه قعدت ادور لحد ملاقيت مجموه مساطر كان فيه كذا واحده ناقصه و او رشاش مكسور المهم لقيت واحده متشاله تحت كده بعنايه قمت مترازل عليه و مطلعها من تحت الحاجه و قولتله انا حاخد ديه اتخنق منى بس ادهالى و طلعت الحمدلله تمام انا كمان كنت مهتم اجيب طقم من على مسطره عشان اضمن انه بتاع بعضه و عشان اضمن انه مش مرتجع و الحمدلله ربنا وفقنى و طلع ماشاء الله عليهم
انا برضه اتحرجت اطلع وراه بس شوفته من تحت بيقلب فى الجردل ومكنتش عاوز اخدهم وقولتله دول مرتجع بس قعد يقوللى جرب ولو فيهم حاجه بتوعى عشان كده اول لما رجعتله فولتله ادينى الفلوس لو معندكش حاجه شغاله
الخلاصه انه بيطلع البايظين اللى عنده ب 200 جنيه والكويسين السلام بيشيلهم لزباين البى ام يطلعهم ب 400 و 500
انت ورزقك فى المستعمل