طرمبه ولا رشاشات

**mo7a_mo7a** · 12-05-2014 12:47 AM

المشاركة الأصلية كتبت بواسطة mmamdouh

الضغط فى دورة الوقود بيحددة منظم الضغط اللى على مسطرة الرشاشات... الطلمبة ملهاش علاقة

الحالة الوحيدة ان الطلمبة تاثر فى الضغط هى ان الطلمبة تبقى تالفة م ش قادرة توصل بنزين لدورة الوقود و هنا ضغط الوقود بيقل بشدة

راجع اعلانات بيع الطلمبات هتلاقى الطلمبات بتتقسم حسب معدل ضخ ليترات فى الساعة مش بالضغط... طلمبتنا الاصلية بتعمل 255 لتر فى الساعة

mmamdouh

انا اللي اعرفه علي حسب معلوماتي البسيطة ان منظم الضغط وظيفته الحفاظ علي معدل تصريف ثابت منتظم في مدي محدد مش تحديد الضغط
مثلا لو الضغط اللي واصله علي ميقدرش ينزله كله ولو الضغط واطي ميقدرش يرفعه هو بيشتغل في مدي محدد

معدل المرور دي قدرة الطلمبة وبيعبر عن الحد الاقصى ليها وبالتالي لو ركبت طلمبة اكبر بمعدل تصريف اعلي = ضغط اعلي مع ثبات اقطار واطوال انابيب نظام حقن الوقود
ابسط مبادئ الفزياء
وفي الحالة دي حيتم حقن وقود اكثر لان الصببات والرشاشات بتشتغل بالوقت مش بالكمية

خالص تحياتي لك يا باش مهندس محمد
وشكري علي الاهتمام بالرد واثراء المناقشة

**MMamdouh** · 12-05-2014 03:27 PM

هى هى فى الاخر

المنظم بيحافظ على ضغط قدرة 43 PSI داخل دورة الوقود... لو الطلمبة دخلت كمية بنزين اكبر من اللازم الضغط هيرتفع و المنظم هيفتح و يفرغ البنزين الزيادة فا الضغط يرجع تانى الى 43 PSi انما لو الضغط قل نتيجة ضعف الطلمبة المنظم مش هيعرف يعمل حاجة

السؤال اللى هيفصل فى الموضوع... لو انت عايز ترفع الضغط فى دورة البنزين من 43 PSI ألى 50 PSI مثلا... هتغير المنظم ولا هتغير الطلمبة؟؟

الاجابة: هتغير المنظم لان هو اللى بيحدد الضغط الاقصى فى الدورة كام PSI... الطلمبة بتتغير فقط لما تبقى عايز كمية بنزين اكبر و دة بيحثل فى حالة لما تركب تربو مثلا و بتحتاج ضعف كمية البنزين عشان المكنة تشتغل بكفائة

MMamdouh

**mo7a_mo7a** · 12-05-2014 10:19 PM

المشاركة الأصلية كتبت بواسطة ehabahmed0

حضرتك وكمان الاستاذ ممدوح بتتكلمو صح لكن الفرق بينكم هو ان كل واحد بيتكلم عن متغير فيزيائي مختلف
بمعني ان حضرتك بتتكلم عن الضغط وهو بيتكلم عن معدل التدفق(الكميه )
خلاصه القول ان كميه البنزين لو الطرمبه بتدفع بمعدل اكبر او بضغط اكبر ده هايخلي الرشاشات تدخل وقود اكبر لانها بتعتمد علي توقيتات فتح وقفل.
.علشان اثبت صحه النظريه دي رحت للراجل صاحب المحل اللي اشتريت منه الطرمبه (اللي اعتقد انها اكبر من بتاعتي الاصليه) وشرحتله الموضوع والراجل طلع محترم وقالي هاغيرهالك بواحده شبه بتاعتك الاصليه(كنت واخدها معايا في شنطه)
وركبتها وعملت معايره للعوامه وعملت مشوار لمسافه 35 كيلو والمفاجئه ...... استهلكت 3 لتر بس....
لظروف شغلي انا سايب اعربيه في الجراج ومقدرتش اعمل مشاوير كتيره عشان اتأكد من النتائج اللي وصلتلها ....
هابلغكم بتأكيد النتائج في اقرب فرصه ان شاء الله

تمام يا ريس كده صح وان شاء الله العربية تتظبط ومنقدرش نحكم صح الا مع مشاوير اطول علشان الحساب يكون ادق

تحياتي

**mo7a_mo7a** · 12-05-2014 10:24 PM

المشاركة الأصلية كتبت بواسطة MMamdouh

لو انت عايز ترفع الضغط فى دورة البنزين من 43 PSI ألى 50 PSI مثلا... هتغير المنظم ولا هتغير الطلمبة؟؟
الاجابة: هتغير المنظم
MMamdouh

كلام حضرتك صح في حالة واحدة لو الطلمبة بتطلع 50PSI او اعلي في الاساس

المشاركة الأصلية كتبت بواسطة MMamdouh

لطلمبة بتتغير فقط لما تبقى عايز كمية بنزين اكبر و دة بيحثل فى حالة لما تركب تربو مثلا و بتحتاج ضعف كمية البنزين عشان المكنة تشتغل بكفائة
MMamdouh

هو ده اللي انا بقوبه
طلمبة اقوي = معدل تصريف اكبر = ضغط اعلي مع ثبات اقطار واطوال نظام حقن الوقود
= كمية بنزين اكتر مع ثبات الزمن

والتجربة العملية بتاعت العضو الفاضل ehabahmed0 صاحب الموضوع اثبتت ده

خالص شكري علي الاهتمام والتفاعل المثمر

تحياتي