المشاركة الأصلية كتبت بواسطة mo7a_mo7a
واحدة واحدة يا جماعة
مين قال ان الطرمبة ملهاش دعوة باستهلاك البنزين؟؟
الطرمبة بتضغط البنزين ايوه لكن مش اي ضغط وخلاص
كل عربية وكل موتور له مستوى ضغط محدد
فلو مثلا لانوس مضبوطة بطرمبة 33-38 psi وجبتلها طرمبة اقوي بتضغط علي 40-45 حيحصل ان كمية البنزين اللي بتخرج من الرشاشات حتكون اعلي بكتير
لان الرشاشات بتفتح لمدة زمتية محددة وبالتالي مع الضغط الاعلي تخرج بنزين اكتر
زي ما حضرتك تفتح الحنفية لمة دقيقة نص فتحة وترجع تفتحها لمدة دقيقة بردو علي الاخر تفتكر في اي من الحالتين حينزلك ماء اكثر؟؟
وممكن الطرمبة دي تكون محلولة من عربية 2000 سي سي مثلا ومتصممة تصرف اعلي من المواتير الصغيرة
كلامي ده مبينفيش احتمالية عيب الرشاشات بس لو الرشاشات معيوبة كان زمانك اشتكيت منها قبل كده
طب الحل
اول طريقة تعرف بيها ان كان حقن الوقود زيادة عن اللزوم انك تلاحظ رائحة بنزين قوية او دخنة خفيفة لونها غامق من الشكمان حتي لو العربية سخنة في الحالة دي تبقي الطرمبة
تحياتي