الموضوع: دخان ابيض من الشكمان

السلام عليكم
من يومين لاحظت ان كان فيه دخان ابيض خفيف طالع من الشكمان.
الدخان لاحظته بعد ما ركنت العربيه قبل ما ابطلها يعنى مش مع اول الدوارة.
انا رحت النهارده للميكانيكى وغيرنا زيت قالى عشان لو الزيت محروق ممكن يعمل الدخان ده.
ولما نزلنا الزيت كان فعلا اسود بس مش مطحن وانا ملاحظ برده ان المية بتقل بس من قبل موضوع الشكمان وهيا مية حنفية مش ميه خضرا.
انا مش عارف ده سببه ايه ولا ايه علاجة ولا ممكن يكون له علاقة بالحاجات اللى عملتها مؤخرا فى العربيه وهيا:
- تغيير طرمبة بنزين وشكمان عشان العربية كانت بتقطع ومخنوقه والشكمان كان بايظ.
- تغيير جوان غطا تكيهات عشان كان بيسرب زيت.

هوا انا ممكن اعرف تكلفة الاصلاح هتكون فى حدود كام وايه تقريبا اللى هيتعمل. مع العلم ان فى ريحة خارجه من الشكمان وتقريبا البنزين غير كامل الاحتراق.