هو الجواز بالعافيه

**talent** · 10-10-2008 01:14 AM

بسم الله الرحمن الرحيم
يا جماعه بما انكم اسرتى التانيه
انا حبيت اعرض عليكم مشكله عندى فى البيت
هى بالبسبه ليه مشكله لكن بالنسبه لناس تانيه حاجه كويسه
انا والدتى مصره انى اخطب مع ان سنى لسه صغير
المهم انا والدتى كلمت والده واحد صاحبى ويمكن زى اخويا على بنتها
و قالتلى انها قالتلها سنه كده و نروح نخطبها رسمى
و صاحبى ده رايح يخطب قريب لما والدتى عرفت
اصرت اكتر
كل ده عادى ممكن اتصرف فيه
المهم بقى ان صاحبى كل شويه يقولى احنا عايزين نخطبلك
و يسالنى انا ناوى اخطب مين
و انا اتوه و اقوله مفيش حد انا مش هخطب الا لما اجيب عربيه
و انا والدى كان وعدنى انه يدينى 50 الف واكمل عليهم و اشترى اوبل فيكترا
يا ريت تنصحونى اعمل ايه
بدن عواطف انا بحب العقلانيه
و شكرا ليكم مقدما

**enashelmy** · 10-10-2008 10:58 AM

هو انت عندك كام سنه اصلا
اتخرجت واشتغلت ولا لسه

**TaoTao** · 10-10-2008 11:12 AM

الزواج مش بالعافية ولا حاجة إن شاء الله، والواحد لما يلاقي بنت الحلال التي يرضى دينها وخلقها المفروض مايفوتش الفرصة دي.
بالعقلانية هناك مثل شعبي حكيم جداً يقول "أولاد الشيبة يتامى" والواحد اليومين دول بيبتدي شعره يشيب من بعد الثلاثين !

بالعواطف .. غاية منى أبويك (وكل الآباء) أن يفرحوا برؤية أحفادهم ويدللوهم ويسعدوا لسعادتك، ده غير إنهم عاوزين يطمئنوا عليك وعلى اختيارك لزوجتك الصالحة إن شاء الله .. فلا تستكثر عليهم هذه الفرحة.

وأخيراً، الزواج سُنة مؤكدة.

**Ramy.Gamal** · 10-10-2008 02:21 PM

المفروض ان الواحد لما يقرر انه مستعد انه يتجوز ويتحمل مسئوليه هو اللى يقرر مش اهله اللى يقرروا وانا انصحك انك تتمسك بموقفك وانت اللى تختار الوقت المناسب مش هما

**KoDaK_Gti** · 10-10-2008 02:38 PM

اهم حاجة يكون فى شقة متوفرة و انك تكون بتشتغل وتقدر على المسؤلية واحلى حاجة الجواز فى السن الصغير يعنى 23 او 24 سنة يبقة كويس
بس انا لسة مجربتش :) ادعيلى
وطالما انك تقدر وشايف ان الانسانة دى كويسة وتشيل اسمك واسم اولادك فى المستقبل ان شاء الله يبقة متفكرش لأنك هتتعب جدا علشان تدور على حد كويس تانى
وفى فترة الخطوبة هتقدر تعرف تفكيرها اكتر
وربنا يصلح حالنا وحالك

**Hossam.Hamdy** · 10-10-2008 02:46 PM

لو عندك شقه ووظيفه كويسه بدخل كويس وتقدر تتحمل مسؤليه توكل على الله و اخطب لان الارتباط اهم من العربيه عشان تعف نفسك ومتغضبش ربك...ولو البنت محترمه و متربيه وكويسه توكل على الله عشان مش من السهل حاليا انك تلاقى بنات كده,اه موجودين بس مش كثير....
والعربيه ان شاء الله تقدر تجيبها برضه...
انما لو انت مش بتفكلر فى الجواز خالص حاليا ده حاجه تانيه.(بس برضه الجواز انا شايف انه اهم من العربيه حاليا)

**Ayman_52** · 10-10-2008 03:09 PM

موضوع الجواز حضرتك اللى لازم تاخد قراره بنفسك لانك هى دى حياتك ...واكيد اهل كل واحد عاوزينه يتجوز على طول

بس انا لومكانك الصراحه الموضوع ده مش هقبله من اوله ...ولازم الموضوع يكون فى دماغك فى الاول ...وتكون البنت متوافقه مع دماغك...دى حياه

وربنا يوفقك

**dr_3eshoo** · 10-10-2008 03:58 PM

بص عن تجربه امك هاتختارلك حاجه كويسه و مش هاترضالك الوحش دول ستات و هارشين بعض
و الجواز زي مشروع بتبنيه لازم تختار شريك كويس يكون محترم و امين و يساعدك على الحياه الحب و كده سوري كلام فارغ الحب بيجي مع العشره الطيبه
رائيي خلصت كليتك شقتك موجوده بتشتغل راااااااااااااجل يحمل مسؤليه يبقى خير البر عاجله
و خد بالك كل شئ قسمه و نصيب

**talent** · 10-10-2008 07:08 PM

انا ملاحظ ان الكل فاكرنى مخلص و سنى كبير
انا يا جماعه عندى 18 سنه
و فى كليه تجاره
و الحمد لله عمرى ما عاكست واحده او كلمت واحده حتى
ده يمكن فى بنات اجرا منى كتير
ده لو واحد صاحبى عاكس واحده و انا ماشى معاه ممكن اضربه
الفكره هما عايزينى اخطب هكون فى تانيه و اتجوز مثلا فى رابعه
او بعد التخرج على طول
و الحمد لله انا ليه محل شركه مع صاحبى ده برده
و والدى مش معارض انى اعمل مشاريع بجوار الدراسه

**mohamed ibiza** · 10-10-2008 07:14 PM

المشاركة الأصلية كتبت بواسطة talent

انا ملاحظ ان الكل فاكرنى مخلص و سنى كبير
انا يا جماعه عندى 18 سنه
و فى كليه تجاره
و الحمد لله عمرى ما عاكست واحده او كلمت واحده حتى
ده يمكن فى بنات اجرا منى كتير
ده لو واحد صاحبى عاكس واحده و انا ماشى معاه ممكن اضربه
الفكره هما عايزينى اخطب هكون فى تانيه و اتجوز مثلا فى رابعه
او بعد التخرج على طول
و الحمد لله انا ليه محل شركه مع صاحبى ده برده
و والدى مش معارض انى اعمل مشاريع بجوار الدراسه

تخطب و انت عندك 18 سنة اعتقد انك هتنجح بالعافية من كتر المكالمات اللي هتجيلك دماغك هتفرقع من كتر الرغي ده لوحده كفاية هيشغلك عن دراستك و كليتك جامد جداااا

الموضوع: هو الجواز بالعافيه

LinkBack

أدوات الموضوع

عرض

هو الجواز بالعافيه - انشر الموضوع فى :

-

-

-

-

-

المواضيع المتشابهه

ادب بالعافيه

هو لية الجواز فى مصر كدة

غيار الفتيس بيجى بالعافيه

الجواز فى مصر

الكلمات الدلالية لهذا الموضوع

المفضلات

المفضلات

ضوابط المشاركة