الموضوع: مطلوب رأي الأعضاء الأعزاء....المشكله فين

المشاركة الأصلية كتبت بواسطة hilal

معيدة يصل مرتبها 6000 على الاقل غير الدروس الخصوصية
واضح انها اكتشفت ان مرتبها ضعف مرتبك ، وهو السبب في رايي المتواضع

معيدة اية يافندم اللي مرتبها 6000 جنية ...

انا اخويا مدرس مساعد جراحة مرتبه قبل ما يسافر حوالي 1800 جنية !!!

احمد ربنا انك نجيت من هذا النوع من لاتكير
المادي بحت
انا والدي اتجوز والدتي وكانو مديونين بكل شيء حتي الدهب كان ماجر الدهب مش شاريه
وكل حاجا كان جيبها قسط
ولا نظرت لاي مادة ولا حاجا
وصبرو لحد ما ربنا فتح عليهم
ورغم انها لو عازت اي حاجا هتجيبها الا انها رغم كدا ترضي بالقليل
وهدا النوع من السيدات نادر الحصول عليه
ف اصبر وان شاء الله خيرها في غرها

يا سيدى الفاضل كل شئ قسمه ونصيب....
مفيش حاجه غلط ....انت دخلت البيت من بابه و عملت اللى عليك.....
ولكن ليا بعض التعليقات
اولا : متقللش من قيمة نفسك ....يعنى متبررش ان مرتبك 3000 جنيه وانك حتحاول تزود دخلك وغيره.....دى خططك الشخصيه نفعت يبقى تمام ....لو منفعتش يبقى انت عايش فى حدود مرتبك
ثانيا: مفيش حد يسأل مرتبك كام......انتوا حيكون فى بينكوا التزام ...انت عليك حاجات وهى عليها حاجات ....اللى ليهم انك تلتزم بكلمتك اللى انت قولتها ....انما بتقيض جنيه بتقبض مليون دى بتاعتك انت.....ما دام احتياجتها انا ملتزم بيها قصة المرتب دى بتاعتى انا.
وربنا يوفقك.

عادى جدا
اى حد من حقة يطلب الافضل

انت معندكش مشكله احمد ربنا و مش عايز اكرر كلام الاعضاء

عندى تعليق واحد بس لو حد سألنى مرتبك كام هقوله انت مال...........@#$%^!&*ّ)%......... ولا بلاش احسن اتوقف

سيدى الفاضل انا مع مراتى من 3 سنين متعرفش مرتبى كام
هيا و البيت مسئولين منى خلص الكلام