استفسار عن بريليانس fsv و جهاز الإنذار ماركة وولف والزمن المتاح لرفع زجاج السياره

**prince9x** · 10-05-2014 01:39 AM

سلام عليكم يا شباب

أرجو أى حد عنده معلومة يفيدنا و ما يمرش على الموضوع و يكسل يكتب

انا معايا عربية بريليانس fsv 2013 كنت جايبها الفئة العادية من غير جهاز انذار و من غير جنوط ... المهم انى رحت التوكيل عشان اركب جهاز انذار و ركبولى جهاز ماركه وولف و كلفنى حوالى 1000 جنيه !

المشكلة اللى مضايقانى :

بعد ما بنزل من العربية و اقفل الكونتاكت لازم خلال 60 ثانيه او 90 ثانيه اقفل الريموت عشان الزجاج يقفل و تشتغل وحدات الرفع .. لكن لو مثلا سبت الزجاج مفتوح لمده 3 دقائق و رحت قافل العربية بالريموت ... اللى يحصل ان السنتر يقفل لوحده ووحدات رفع الزجاج لا تعمل !!!! حاجة تخنق جدا يعنى تنط من العربية و تروح قافلها على طول و لو استنيت شوية كده خلاص راحت فرصتك فى غلق الزجاج و لازم تركب العربية تانى و تحط المفتاح فى الكونتاكت و تفتحه عشان العربية تاخد باور و تعرف تقفل الزجاج !!!

سألت مهندس فى التوكيل قبل كده عن حل للموضوع ده راح قالى هى كده عشان ده نظام أمان !!

أرجو حد يقولى الحل لأن بجد حاسس كده ان وحدات الرفع ليس لها اى لازمة .

منتظر ردكم و حلولكم ... مع خالص الشكر

**Mostafa Hessen** · 10-05-2014 07:14 PM

وحدات الرفع فعلا بتديلك تقريبا 45 ثانيه بعد الخروج من السيارة لغلق العربيه
بعد كده مش حتقفل الزجاج
ومعنديش فكره ده ممكن يتعدل او لأ

**hamshary89** · 18-05-2014 03:15 PM

سلام عليكم
سيدي الفاضل انا برده معايا fav 2013 مانيوال gls وعلي فكره هي بتنزل برده من غير إنذار سنتر فقط ومن غير ريموت برده ورحت برده التوكيل وركبت إنذار هناك بس كانت تكلفته اقل من كده كانت650 فقط وللعلم برده نفس المشكله بتاعت ماكينه الرفع ان بعد ٦٠ ثانيه بتفصل وده علي ما أظن سيستم أمان في العربيه زي ما المهندس قال لحضرتك واعتقد هيكون صعب انك تعدله لأنك هتلعب في كهربا العربيه اعتقد تتأقلم علي الوضع الحالي هو الأفضل

**prince9x** · 19-05-2014 12:43 AM

المشاركة الأصلية كتبت بواسطة hamshary89

سلام عليكم
سيدي الفاضل انا برده معايا fav 2013 مانيوال gls وعلي فكره هي بتنزل برده من غير إنذار سنتر فقط ومن غير ريموت برده ورحت برده التوكيل وركبت إنذار هناك بس كانت تكلفته اقل من كده كانت650 فقط وللعلم برده نفس المشكله بتاعت ماكينه الرفع ان بعد ٦٠ ثانيه بتفصل وده علي ما أظن سيستم أمان في العربيه زي ما المهندس قال لحضرتك واعتقد هيكون صعب انك تعدله لأنك هتلعب في كهربا العربيه اعتقد تتأقلم علي الوضع الحالي هو الأفضل

شكرا لك على الإفاده

وواضح إنه اتنصب عليا من التوكيل فى تمن الإنذار

و فعلا مشكله التايم القليل دى مضطر أتاقلم معاها لغايه لما حد يفيدنا بحل