رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
نرجع مرجوعنا للأوبترا ... ونسيب السبت والكاب في حالهم ... مؤقتا
ده منظر عام لحوض الموتور ..... السمة الغالبة هي التقفيل الدقيق وشياكة التشطيبات
دي بطانة الكبوت من الداخل .....مش بقولكم التقفيل والتجميع شيك
دي صورة من زاوية تانية للموتور والحواشي اللي حوالية ... الكبدة والطحال والامعاء الدقيقة والغليظة .... الخ ...
ودي من الناحية الشمال
ودي من اليمين
دي كانت صور الموتور ...... لكن لسة فيه صور تانية ...... ولسة فيه تقييم ...
كل شيء بأوان .... ابقو معنا
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
بعد ما فحصنا السيارة فحص دقيق بالصور
نأتي الي الأهم وهو التقييم
الأول ح اعمل درجات للتقييم عشان الامور تبقي واضحة
جيد
جيد جدا
ممتاز
رائع
انا طبعا ما حطيتش متوسط وسيئ لأن ما اعتقدش ان سيارة زيرو ومن ماركة محترمة ممكن يكون فيها شيئ يوصف بالسوء ... مش بس الاوبترا لكن جميع الماركات المعروفة والمحترمة ذات التاريخ
نبدأ بالشكل : شكل العربية يتراوح من ممتاز .. الي رائع ... وده بيرجع للنظرة الشخصية وانت عاوز عربية انطباعها اية .. شبابي والا عائلية والا وقورة
العربية مافيهاش بهرجة اكتر من اللازم ..ومافيهاش زوايا حادة كتير ... يعني انسيابية ... بالنسبة لعمري و لطبيعة شغلي فهي مناسبة تماما ... يعني انا عمري 44 سنة .. لازم العربية تكون مناسبة لي .. ما ينفعش اركب جين 2 مثلا ... مش ح تكون لايقة عليه
السيارة من الداخل : ممكن تاخد درجة ممتاز .... زاوية الرؤيا الامامية ممتازة الي رائعة .. وانت قاعد بتكون شايف الدنيا كويس جدا ... الرؤيا الخلفية جيد جدا ... لكن مش محتاج تركب بارك سينسور ...
انا بآخد علي السيارة من الداخل ان الفرش والتابلوة والابواب لونها ثابت في السيارة المانيوال مهما كان لونها الخارجي ... انا عربيتي لونها بيج والفرش رمادي برضه ...
الكابينة مريحة جدا تاخد ممتاز ... اضاءة التابلوه رقيقة جدا ومناسبة ومش متعبة للعين وكل الكماليات في متناول يدك ... ما عدا ازرار تحكم المرايات ... بتكون بعيدة شوية ... لو كانت عند المخدع اللي علي ايدك الشمال مع زراير الزجاج كانت ح تكون احسن
الكماليات ممكن تتقيم بجيد جدا ... مش ممتاز ... ليه ؟؟
المفروض كان فية شوية حاجات تكون موجودة .. لكن عشان يضغطو التكاليف ويقدرو ينزلو السيارة بسعر منافس يظهر انهم طنشوا ...زي اييييه ؟؟؟ مثلا
مافيش تحكم بمستوي الاضاءة في الفوانيس الامامية واقصد الاضاءة لأعلي واسفل مش بشدة الاضاءة
السنتر لوك مالوش زرار خاص به ... يعني لازم تفتح السنتر وتقفله من السقاطة بتاعت باب السائق ودي انا شايف انها حاجة رخمة جدا
ما فيش اي تحكم الكتروني من عجلة القيادة ... مافيش تحكم في الصوت مثلا والا الراديو .. مافيش حاجة تقولك استهلاك البنزين شكله ايه ... مافيش ترموميتر لقياس الحرارة في الداخل والخارج
مافيش كشافات شبورة في المانيوال ... موجودة في الاتوماتك بس
مفيش CD في الكاسيت ... وان كان الكاسيت رائع وفية امكانيات رائعة .. والايريال المدمج في الزجاج الخلفي دة رائع وعاجبني جدا ... مش محتاج الايريال يطلع وينزل ويعطل ويتعب وعاوز ايسانسير ..الخ
التكييف ممكن ياخد من ممتاز الي رائع شأنه شأن التكييفات في الكوري عموما .. هو بكرة مش تاتش لكن أداءه رائع ومخارج الهواء مناسبة جدا ... لكن مافيش مخارج هواء في الكنبة الخلفية .. العربيات الشيك بيكون فيها مخارج هواء بين الكرسيين الاماميين .. عند الطفاية كدة لكن في الفئة بتاعة الاوبترا اعتقد ان ده مش موجود في كل السيارات
لكن اللي جالس ورا بيشعر بالتكييف بيكون متكيف ومش حران ... عموما التكييف زي الفل
عزل الصوت داخل الكابينة ممتاز لكن مش رائع ... ية يعني هي زيها زي منافسيها سواء النيسان او السيراتو او الماتريكس .... مفيش فرق ملحوظ
اجمل ما في الكابيتة هو المساحة دي تاخد اكتر من رائع .. الكابينة واسعة جدا سواء من الامام او الخلف او الشنطة
اماكن التخزين رائعة وكتير وأماكنها مناسبة وخاصة ان التابلوه اللي علي اليمين مكيف .. لو معاك دوا .. انسولين ... حاجة ساقعة .. بيبقي عملي جدا
عموما الكماليات اللي موجودة في العربية بالنسبة لي كافية جدا وانا كنت عارف الكماليات دي قبل الشراء ..
نيجي بعد كدة للموتور
السحب زي الفل ياخد ممتاز
الموتور ياخد ممتاز صوته هادي لكنه مسموع ... يعني صوته لذيذ .. علي رأي سبعاوي .. بيزأر ...مش بيطلب النجدة ...
انا عموما مش متضايق من صوته .. صوته بيعطيك شعور بالقوة والثقة ... لكن الموتور عموما له صوت .... مش صامت زي الياريس او السيريون
لكن من ناحية السحب .... زي الفل
الفرامل برغم انها مش abs لكنها قوية جدا .... تاخد رائع
الفتيس سلس جدا وياخد من ممتاز الي رائع ... المارشدير بجانب الغيار الاول وله سوسته لأعلي بصباعك عشان ما تنقلش غلط
انا عموما مش خبير أوي في المحركات فطبعا ح اسيب الحكم علي فنيات المحرك لمن هم اكتر خبرة مني
نيجي بقي للثبات دي بقي تاخد رائع
السيارة ثابتة الي درجة رائعة علي السرعات وخاصة في الملفات ... انا لما حبيت اجرب الموضوع دة مشيت علي 150 وأخدت ملفات بالسرعة دي في طريق السخنة الجديد .. العربية زي الفل ومغرية للسرعة ... عن لسان واحد صديقي كان راكب مع واحد صاحبه اوبترا وماشي بيها 190 والعربية زي الفل وثابتة وما فيهاش مشاكل ... لكن ان عمري طبعا ما ح امشي بالسرعة الخزعبلية دي
لكن الثبات بيكون في الطرق الممهدة ... اما في المطبات والطرق الوعرة ..... العربية بتتنطط .. لأن العفشة مش ناعمة والعربية عالية وهي طبعا مش معمولة للطرق الوعرة او غير المرصوفة
العفشة بتاعت العربية مش ناعمة اوي زي الكورولا مثلا ..لكن هي تاخد ممتاز مش رائع ودة بسبب ارتفاعها عن الارض ووزن العربية
ارتفاع السيارة عن الارض ممكن ياخد رائع ... بصراحة انا تعمدت آخد بيها مطبات صناعية متعددة وكان في السيارة 5 كبار فوق ال90 كيلو وطفلين منهم واحد شقي جدا ....والتاني كان لابس برنيطة ... ما فيش ولا حكة ... الكلام ده كان في كفر الشيخ والمطبات هناك يظهر ان عليها عروض مجانية ...... كل 3 مطبات معاهم مطب مجاني .......
والنقطة دي بتحقق معادلة صعبة جدا .. هي ان السيارة عالية عن الارض وفي نفس الوقت ثابتة في الملفات وعلي السرعات
الباور بتاع العربية ممتاز وسلس جدااخيرا .................
استهلاك البنزين زي اي عربية 1600
جوه البلد 180 / 200 كم في الصفيحة حسب الاحوال والزحام
علي الطريق بسرعة 90 / 100 بتوصل لأكتر من 300 كم في الصفيحة
علي الطريق بسرعات 120 / 150 بتبقي 200 / 240 كم في الصفيحة
وجميع القياسات دي بالتكييف طبعا
انا حاولت أكون محايد وما أجاملش عربيتي .. وأقول السلبيات قبل الايجابيات وأتمنى اكون وفقت في ذلك
من الآخر
انا مش ندمان علي اني اشتريت العربية دي
لو حد عنده أي استفسار انا تحت امركم
شكرا لجميع الزملاء اللي شرفوني سواء بالمرور او التعليق او التشجيع
لسة في شوية صور للسيارة وهي مرفوعة اثناء الصيانة عشان تشوفوها من تحت ...
والسلام عليكم ورحمة الله وبركاته
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
تقييم اكثر من ممتاز واكدلى ان العربيه د محترمه بلذات بلنسبه للمساحات الداخليه بتاعتها
ربنا يباركللك فيها :)
ومتنسانيش بسندوتش ملوخيه!!!!
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 18805
تاريخ التسجيل : 13Sep2008
المشاركات : 1,967
الحالة :
ya basha enta tenawar.....el mafrood kol wahed fe NM yehot el sowar 3ala el Photobucket, flickr, google picasa, mesh el sites ely heya ay kalam.....
sowar gamda akher haga.....
رقم العضوية : 3971
تاريخ التسجيل : 05Jan2008
المشاركات : 1,914
النوع : ذكر
الاقامة : Giza-Egypt
السيارة: 4G93T
السيارة[2]: Mitsubishi Lancer GSR CK1A
دراجة بخارية: n/a
الحالة :
شكل الغطا بتاع الموتور (valve cover ) دايما بيدينى الأيحاء انة ستة سلندر.
شكرا على الموضوع و الصور :).
VTEC: All of the lag...none of the BOOST l
رقم العضوية : 1682
تاريخ التسجيل : 05Aug2007
المشاركات : 4,064
النوع : ذكر
الاقامة : القاهرة
السيارة: .
السيارة[2]: .
دراجة بخارية: .
الحالة :
موضوع رائع شكلا وموضوعا يا استاذ أحمد ، وربنا يبارك لك فيها ويديك خيرها ويكفيك شرها.
ويا ريت الموضوع ده يكون قدوة يحتذى بها في كل المنتديات والماركات التانية علشان كل واحد بيفكر يجيب عربية يلاقي صورها بالكامل من بره وجوه ورأي اللي اشتراها وتقييمه لها
رقم العضوية : 6461
تاريخ التسجيل : 26Feb2008
المشاركات : 4,573
النوع : ذكر
الاقامة : Nasr City
السيارة: الحمد لله
السيارة[2]: Verna
دراجة بخارية: لا يوجد
الحالة :
مجهود رائع رائع بجد العربيه عجبتنى بعد ماكنت من اشد المعارضين ليها
سبحان الله و بحمده سبحان الله العظيم
رقم العضوية : 3914
تاريخ التسجيل : 31Dec2007
المشاركات : 9,343
النوع : ذكر
الاقامة : العباسية المنطقة .... مش المستشفى
السيارة: فيرنا 2007
السيارة[2]: سيراتو 2011
دراجة بخارية: مش وش ذلك ههههه
الحالة :
زملائي الاعزاء ..... شكرا .....( مع تحيات بابا عبده )
......
دي مجموعة صور للسارة من اسفل اثناء صيانة ال 5000 في منصور م نصر ش الطيران
للأسف السيارة كانت لسة ما اتغسلتش ف ح تلاقوها مش نظيفة شوية نت تحت ....لأن الغسيل بيبقى آخر خطوة في الصيانة
كان فيه بعض الزملاء معتقدين ان الاوبترا فيها فرامل ABS اعتقد انكم كده شوفتو العجل والفرامل .... مافيش ABS في الاوبترا
وكده تكون دي آخر مجموعة من الصور حاليا ولو فيه جديد ح انزله ان شاء الرحمن
لو فيه اي استفسار انا جاهز
السلام عليكم
يظن الناس بي خيرا وإني ... لأشقى الناس إن لم ترض عني
ومالي حيــلة إلا رجــائي ... وعفوك إن عفوت وحسن ظني
محاسب / احمد ابراهيم
رقم العضوية : 18805
تاريخ التسجيل : 13Sep2008
المشاركات : 1,967
الحالة :
aif.....with all due respect.....you can get ABS and Airbags in the Optra if you pay an extra 6,000 LE on top of the price of
the car which is 97,000 LE
I just ordered my friend an Optra and he paid the extra 6,000 LE and got Airbags (2) and ABS in the Optra from Mansour......
You can call 16424 and verify and they will tell you the exact thing!
so in the future, if anyone wants to buy an Optra for an extra 6,000 LE you can get ABS and Airbags....
المفضلات