مقصات +جنوط+كاوتش+علبة شكمان للنوبيرا الحقوني يا اهل الخبره
بسم الله الرحمن الرحيم
الاول احب ارحب واشكر المنتدى والمشرفين والاعضاء الكرام
انا عضو جديد وان شاء الله نفيد بعض عن العربيات عشان نوصل للاحسن
ندخل فى الحوار
1. نوبيرا 2008 ولما نقول نوبيرا يبقى بنقول جلب المقصات والمقصات
عموما العربيه فيها تخبيط زي الفل التكسير على الطريق او المطبات الي بهدلت العربيه .
2.الكاوتش الي نازل فى العربيه من نوع جوديير وعن تجربه الكاوتش دا ملوش حل بيتخرم بسهوله وموش بيستحمل المطبات الجباره هنا فى مصر واي حاجه تيجي فى سكته بيخدها معاه مسمار - ىنشر حديد- حديد المهم انه يتخرم واروح الحم فيه بس المهم انه دايما بيكون فى الباك تايرز .
3. العومان على السرعات العليه وهنا بعد 100 ك\الساعه مع ان العربيه المفروض انها تكون ثابته موش تخليني حاسس اني راكب بطه .
اول ما جبت العربيه ركبتلها زينون 8000ك ودا فرق معايا كتير بليل وخصوصا فى الطرق الزراعيه الاتجاهين وفرش جلد اسود (لون العربيه جراي اسكاي ) الون دا بجد خطير العربيه بتتحول مع الضوء .
(المهم)
-ايه حل المقصات فى النوبيرا عشان الطقطقه دي تروح هل تغيير المقص كامل وتركيب مقصات اسباني وايه سعر الجلب والمقصات الاسباني ؟؟؟؟
-بالنسبه للعومان قلت اركب جنوط 14 وناس تقلي ركب 15 بس المشكله اني خايف من العفشه الي هى اساسا شكلها متدمره ربنا يستر بس انا قلت كبر الجي وشغل الديديتي وركب يا ولا 14 اتفأجأان الجنوط ممكن تنشرخ او تتكسر وفى الحاله دي يبقى الطقم يتعلق على المرايه الي فى النص وسألت عن الجنوط الايطالي مومو 14 عرفت انها ب1600 فقلت ربنا يكرم واجبها .
-مقاس الكاوتش 195/60/14 ودا طبعا هيوطي العربيه بمعدل 1 سم يعني هى من غير حاجه بتحك يبقى اوطيها اكتر عشان تمشي تزحف زي الفل والله المهم انا عاوز اعرض عشان الثبات بس ارتفاع العربيه هيكون بالمقابل فهل المقاس دا كويس يعني العربيه موش هتحك فى المطبات ولا هنزل اشلها عن كل مطب وظهري ينقسم .؟؟؟؟؟؟؟
- الشداد الشمال ورا مخبوط بس موش اوي يعني موش مأثر على الجله بتاعته بس حاسس انه منفسن من الخبطه دي وبيعوم العربيه من غير ما يقلي فا ياريت الي يعرف سعره كام يقلي عن سعره ؟؟؟؟
-علبة الشكمان مخبوطه فى نفس ذات الخبطه بتاعت الشداد الشمال ورا بس عاوز اغيرها لان شكلها زباله اوي فقلت يا واد ركب علبة شكمان ديفل الي هى بتمشي تعض فى الناس دي اكدي عرفنها عن ن ن ن ن ن المهم سعرها كام وتركبها فك وتربيط بس ولا هيبقى فيها لحام وتحزيم ؟؟؟؟؟؟؟
صيحيح بالنسبه للكاوتش 195/60/14 هيأثر على عداد السرعه ولا ايه وايه رايكم فى الكاوتش البريدجستون انا سمعت انه جامد وبالذات الي هوه h بتاع اقصى سرعه ك/الساعه 210
فيا اهل الخبره ملخص الموضوع عشان انا كدا طولت عليكوا انا عارف بس اعذروني ملخص الموضوع >1.ما هوه ثمن المقصات الاسباني والجلب ثمنها كام وهل فعلا النوبيرا مقصتها وحشه ولازم تتغير عشان الرزعه فى المطبات تختفي ؟؟؟
2. افضل جنوط ايه تستحمل وموش تنكسر او تنشرخ وتكون فى حدود 2000 جم
والكاوتش 195/60/14 دا تمام ولا ايه وهل العداد هيكون مظبوط بعد تركيب الكاوتش العريض دا ولا لا ؟؟؟؟؟
3.سعر الشداد كام ؟
4.سعر علبة الشكمان العاديه وسعر علبة الشكمان الديفل وايه نظام تركبها ؟؟؟؟
5.يا ريت اي مشكله واجهت حد معاه نوبيرا خصوصا فى العفشه يعرفني بيها وبالذات موضوع المقصات دا
فى النهايه اسف لاني طولت وعرضت الموضوع عليكم بس دا لاني قربت اتجنن واهلوس ودهاليز الجمجمه قربت تضلم فا يا ريت المساعده والافاده من خبراتكم ولكم جزيل الشكر .