السلام عليكم ورحمة الله وبركاته
طالب مساعدتكم فى ايه هى الحاجات المطلوبة للأمان لعربيتى لعدم سرقة السيارة
اولاً : انا كنت بركن فى جراج منذ 3 سنوات والجراج انتهى لبناء بيت
ومن ساعتها وانا بركن فى الشارع
انا معايا هيونداى اكسنت
ثانيا : طالب منكم وعن تجربتكم تفيدونى اركب ايه فى السيارة لعدم السرقة لاقدر الله
عايزكم تقولولى كل وسائل الامان وانا اختار
نوع الجهاز
وايه احسن نوع وسعره ومنين اجيبه
كل وسائل الامان
ولو هوك الدريكسيون ايهما احسن
لو تكرمتم
مش عاوز أحبطك أنا عاوزك أول حاجة تفكر فيها هيا تركيب جهاز تحديد المواقع جي بي اس
لان وللاسف حرامية العربيات بقو مهندسين فى شغلتهم
وكمان أجهزة الامان تعتبر وسائل إعاقة للحرامي ليس إلا
وعلى سبيل المثال
((( جهاز انذار محترم وتوصل كلاكس العربية بالجهاز )))
((( مفتاح فصل لمنظومة الحريق ( مفتاح فصل طلمبة البنزين ) )))
مجموعة الكلبشات ((( للكاوتش - الدريكسيون - عصاية الفتيس )))
وكمان اجهزة متطورة بعض الشيئ بتكون موجودة فى العربية فى حالة فتح العربية تديك تنبيه على الموبايل وأشياء من هذا القبيل
معلش كلامي مش مرتب بس حبيت افكر معاك بصوت عالي
اقتباس:
المشاركة الأصلية كتبت بواسطة أحمد جودة
بالعكس كلام حضرتك مفيد ويحترم وبشكرك على الرد والاهتمام احنا بنعمل اللى علينا والباقى على ربنا
هو الستار
انا كنت قريت ان في اجهزة تتبع في شركات المحمول وليها اشتراك شهري عندهم
اقتباس:
المشاركة الأصلية كتبت بواسطة m.elhanafy
هما اتصلوا بى بس اسعارهم غالية
سعر التركيب غالى وكمان اشتراك شهرى
في انذار اسمه سباي 2
وحاليا بدور علي حاجة اعلي
كلب وولف ب 600 جنية واربطة جوه العربية :d
هههههههه يا باشا دولا
هيسرقوا الاثنين كده
هوك الدركسيون مالوش فايدة كبيرة الحرامي ممكن يطفشه بكل سهولة
اعتقد الجي بي اس افضل وسيلة .. عاوز اركب جهاز جي بي اس بس معنديش اي معلومات عنه
انا شايف ان افضل حلين جهاز التتبع وفصل طرمبه البنزين وقفل الدريكسيون بالقفل العادى