اتجوزت صالونات ولا عن قصة حب؟؟؟

**a_tantawy7** · 10-10-2008 03:43 AM

أحد الأصدقاء فتح موضوع بعنوان"اتجوزت و أنت عندك كام سن؟؟؟" والحقيقة لقيت موضوع مفيد و مهم جدا.
بس أنا بقى في تساؤل تاني بيهمني و أعتقد يهم الكثير من الباحثين عن زوجة المستقبل وهو:
هل حضرتك اتجوزت نتيجة قصة حب ولا صالونات عن طريق الوالدة أو أحد الأقارب أوالمعارف؟؟
وأنهي أفضل على المدى الطويل في رأيك حب ولا صالونات؟

**dr_3eshoo** · 10-10-2008 04:11 PM

الصالوناااااااااااااااااا اات
علشان محدش يرضالك الوحش بس لو بتعرف تختار من بره يبقى خير و بركه

**amir** · 11-10-2008 07:03 PM

الموضوع ده محير لو تم تناوله من منطلق الصالونات و قصص الحب
علشان لو اتفقنا علي انهي طريقه انجح فيهم يبقي حيدنا عن النقطه الفارقه و هي مدي توافق الاتنين سواء اجتماعيا او ماديا او علميا
ده غير الاعجاب و الاحترام المتبادل و توافق الشخصيات
انا مش قادر اصوت لأن الاختيارات اتنين بس
انا عن نفسي حضرت فشل و نجاح كلا الطريقتين
بس يمكن جواز الصالونات بيبقي ليه رهبه شويه علشان الواحد بيبقي خايف من المجهول و بتبقي البنت اول مره يشوفها و كذلك البنت اول مره تشوفه و جهلهم الاتنين ببعض مع الضغط النفسي الواضح في الموضوع ده بيخلي الشباب يخاف من مجرد الاسم
و بالنسبه للجواز عن حب فده برضو فيه نسبه مخاطره ان الواحد لما بيحب بيغفل عن عيوب كتير , و ممكن بعض العيوب دي متكونش مقبوله من طرفه و ده اللي بياخد باله منه بعد الجواز و العشره و بيؤدي لفشل النوع ده

**a_tantawy7** · 12-10-2008 04:15 AM

والله أنا كمان شكلي هاديها صالونات بدل الحب مش موجود لحد دلوقتي

**medo_2060** · 25-10-2008 02:58 PM

والله الاتنين ممكن ينجحوا وممكن يفشلوا بس انا شايف ان كل اللى بيحبوا اليومين دول بعد الجواز بينفصلوا بسرعه مش عارف ليه بس انا رأى الاهم من الاول الاختيار الصح
وشكرا على الموضوع

**ibrahimsaad** · 25-10-2008 03:23 PM

انا شخصيا اول تجربه لى كانت قصه حب جميله جدا عشناها ثم صحينا على الفراق

طبعا لان الحب بيخلى الواحد يشوف بعين واحده وغالبا يتجاهل او يغمض عن العيوب

هذا ناهيك عن ان الحب دائما يكون فى وقت غير مناسب من حيث الامكانيات

وغالبا مايفشل

وكانت النهايه انى اتجوزت ام العيال عن طريق الصالونات وادينا عايشين ومعانا 4 اولاد وكله محصل بعضه تعددت الطرق والموت واحد

فالجواز قدر لامفر منه