ساعدوني في حساب استهلاك العربية للبنزين

**Mohamedmaree91** · 11-05-2014 10:31 PM

المشاركة الأصلية كتبت بواسطة abdalaha

محمد هوندا 01062009997 كلمه وقوله انا من طرف عبدالله الي معاه اللانوس النبيتي وزبط معاه ميعاد وان شاء الله عتدعيلي شاب زي الفل وحافظ الدايو يحميع انواعها صم

استاذعبد الله بعد اذنك انا هكلمه واقله ان انا من طرفك

**Abo Yasso** · 12-05-2014 01:57 PM

المشاركة الأصلية كتبت بواسطة mahmoud.s

يا جماعة افيدونا اكرمكم الله انا اول امبارح مفول قبل ما اروح البيت و رحت امبارح من المريوطية هرم للحرفيين و رجعت فولت العربية اخدت 14 لتر الصراحه انا معرفش من عندى للحرفيين كام كيلو فى حدود ال 45كيلو الفرده او يزيد علشان اعرف معدل الاستهلاك بس اخويا قاللى كدة كتير يا ريت اللى بعرف المسافه كام كيلو و شايف ان كدة كتير يفيدنى

**MMamdouh** · 12-05-2014 03:22 PM

المشاركة الأصلية كتبت بواسطة abdalaha

يعني ايه الكلام ده ياباشا

يعنى ببساطة معدل الاستهلاك اللى حسبتة جوة البلد ملوش اى 30 لزمة

حساب الاستهلاك لازم تثبت جميع المتغيرات فى الطريق اللى بتمشى علية... يعنى تبقى ماشى بسرعة 90 و ثابت عليها و انت حاطت خامس و مش مشغل تكييف ولا حاطت احمال فى العربية و تعمل مش اقل من 50 كيلو بالشروط دى بعد كدة نتكلم فى استهلاك بنزين

انما تمشى جوة البلد و تنقل اولانى تانى 7 الاف مرة و تقف فى 500 اشارة مرة دقيقة و مرة نص ساعة و تقف و تمشى و تقف و تمشى و بعد ساعتين سواقة تلاقى نفسك ماشى 20 كيلو فقط... لازم يطلع معدل الاستهلاك رايح فى 60 داهية

MMamdouh