العربية استهلكت حوالي 39 لتر في 386 كيلو داخل القاهرة مع تشغيل التكييف بعض الاحيان ... كده ايه الاخبار خصوصا اني لسة مغير طقم رشاشات وطرمبة بتزين فهل الاستهلاك كده تمام ولا ايه
عرض للطباعة
العربية استهلكت حوالي 39 لتر في 386 كيلو داخل القاهرة مع تشغيل التكييف بعض الاحيان ... كده ايه الاخبار خصوصا اني لسة مغير طقم رشاشات وطرمبة بتزين فهل الاستهلاك كده تمام ولا ايه
كده تقريبا متوسط الأستهلاك 10 لتر لكل 100 كم و ده يعتبر استهلاك معقول جدا داخل المدينه
قبل تغيير طقم رشاشات وطرمبة البنزين كان الأستهلاك كام ؟؟
لا كان الاستهلاك كتير كنت كل يوم ونص بخط ب 25 جنيه وحاسس بفرق كبير بعد التغيير
بالنسبه للانوس اعتقد كويس لان زميلى معاة موديل 2005 بيعمل معدل قرب كده فى القاهرة والزحمة وكوبرى اكتوبر حوالى 170 : 180 فى الصفيحة
ما شاء الله
معدّل ممتاز
سؤال علي بالي معني كده الواحد لما يسافر الساحل الشمالي فوق ال 300 كيلو الاستهلاك مبيبقاش بنفس الدرجة دي خالص ؟؟؟؟؟؟؟
لا خالص
الأستهلاك يبقى اقل فحدود 6 او 7 لتر لكل 100 كم بس بشرط السرعه متزدش عن الــ 100 كم/ساعه و كل ما تزود السرعه عن كده الأستهلاك هيزيد
فيه عوامل تانيه ليها تأثير على الأستهلاك
1- مقاومه الهواء (ماشى مع اتجاه الهواء ولا عكسه)
2- حموله العربيه (اجمالى الوزن )
3- التكييف
4- وقت السفر
ممتاز ماشاء الله
يا جماعة افيدونا اكرمكم الله انا اول امبارح مفول قبل ما اروح البيت و رحت امبارح من المريوطية هرم للحرفيين و رجعت فولت العربية اخدت 14 لتر الصراحه انا معرفش من عندى للحرفيين كام كيلو علشان اعرف معدل الاستهلاك بس اخويا قاللى كدة كتير يا ريت اللى بعرف المسافه كام كيلو و شايف ان كدة كتير يفيدنى