إيه أفضل أنواع مراوح الحائط والستاند ؟

**أبو آسر** · 10-05-2014 06:52 PM

السلام عليكم
مع دخول الصيف وارتفاع فواتير الكهرباء إلى الضعف لازم نشوف حل بدل تشغيل التكييف علطول لأن اللي عنده تكييف دلوقتي يعتبر من الأغنياء ! والفاتورة بدل ما كانت بتجيلي 250 جنيه ممكن تيجي 500 أو أكتر فقلت أجيب مراوح تطري شوية لما يكون الجو مش حر أوي وأهو نوفر شوية في الكهرباء
والسؤال إيه أفضل الأنواع لو عايز أجيب مروحة بتتركب على الحيطة (مش السقف) وواحدة تانية تكون ستاند
أنا عندي ماكسيل سيئة جدا وندمت إني اشتريتها وعندي توشيبا ستاند شايفها كويسة لحد دلوقتي بس ياريت لو في أنواع تانية أحسن حد يفيدنا
وشكرا

**طارق _عبد السلام** · 10-05-2014 07:26 PM

بعد تجارب اكتر من نوع سقف وحائط وعندى فى الشغل المراوح اساسى

فيه مراوح كبيره 28 و 30 بوصه جبت منها الصينى ومنها فريش مصرى

منها الحائطى ومنها ستاند المروحه الفريش الكبيره دى من الاخر اعصاااااااااااار بجد بس عيبها انها صوت الريش مع الهواء عالى بالذات مع اقصى سرعه بس اعصار مش مروحه ههههههههه

**drcobra** · 10-05-2014 08:33 PM

انا بحب الفريش

**أبو آسر** · 10-05-2014 08:36 PM

أنا التوشيبا اللي عندي صوتها تقريبا مش بتسمعه حتى لو بتلف مش عارف ليه عند حضرتك فيها مشكلة
أما فريش فمش عارف ليه مش ببلع منتجاتها وبحس انها رديئة واسم على الفاضي عاملة زي كريازي كده !