-
تسريب كارتيرة الزيت
السلام عليكم
حيا الله أسود الهوندا
أنا عندي مشكلة في تسريب الزيت من كارتيرة الزيت
انا معايا سيفيك 90
العربية بفضل الله بحبها جدا لكن من يوم ما اشتريتها و هي بتنقط زيت من كارتيرة الزيت
غيرت اكثر من جوان و نفس الاشكال
غير الكارتيرة بالكلية و ركبت جوان اصلي ب 150 جنيه و نفس الاشكال
تسريب من ناحية الهلالتين
الان ركبتها من غير سيليكون خالص
فمنعت من الهلالة الي ناحية الكاتينة لكن الهلالة الي ناحية الفتيس لسه بتجيب
و مع السفر بلاقي العربية غرقانة من تحت و الزيت ناقص كتير
انا بصراحة تعبت جدا و مش لاقي حل
أفيدوني يرحمكم الله
-
باشا الموضوع معتمد على انك تعرف سبب التسريب منين بالظبط
و طالما عرفت هيقدر اى ميكانيكى بيفهم و ايده نضيفة انو يمنع التسريب ..
فيه جوان اسمو الفايص فوق الكرتيرة ممكن يكون بيجيب .
و ممكن من كرتيرة زيت الفتيس ..
حاول تروح لميكانيكى ابن حلال يشوفها ..
لو كنت فى المنصورة كنت بعتك لميكانيكى ماشاء الله عليه فنان فنان فنان ..
بس حاول انتا تسأل على ميكانيكى كويس عندك و تروحلو .. و الموضوع له حل اكيد يعنى
-
شوف ياباشا , المفروض تعمل الاتى ولو جابت زيت بعد الطريقة دية يبقى العيب فى البلوكة من تحت
المفروض هتسنفر مكان الجوان كويس جداااااااا , عشان تخلى مافيش اى اثار للجوان القديم او سيليكون موجود عليها
هتجيب الجوان الاصلى وتركبة من غير سيليكون , وتغسل الكارتيرة بمياة مش بجاز , وتابع وشوف الدنيا
لو لقيتها بردة بتنقط زيت , يبقى كدة البلوكة فيها مشكلة , طالما انت بتقول غيرت الكارتيرة بواحدة تانية خاصة بالمحرك بتاعك
-
طيب استاذ سامح انا عندي سؤال في نفس الموضوع لو الكرتيرة مخرومة وملحومة بالمادة اللي هي انبوبتين بس بترشح منها بسيط ايه الصح هل ينفع تتلحم بالحديد نفسه ول ينفع ازاي وفين ومين كويس
-
شوف هية الكارتيرة بتاعة السيتى مابتكونش صاج تقيل , هية بتكون عبارة عن معدن خفيف , عشان لاقدر الله فى حالة الصدمات هية اللى تتأثر ومتأثرش على حاجة فى البلوكة
فاى خبطة فيها , ممكن تتلحم لحام كهرباء وعندك السمكرية بيعملوها بس لازم يفك الكارتيرة , والافضل انك تعملها فى وقت ميعاد تغير الزيت
وتروح الاول عند سمكرى , ويشوف الخبطة والشرخ اللى فى الكارتيرة , ويقولك تتكلف كان وينفع ولا لأ , وبعد كدة تروح لميكانيكى هوندا , وليكن محمد على , ويفكلك الكارتيرة وتروح بيها للسمكرى يعملهالك وترجع تركبها تانى
-
طيب استاذ سامح حضرتك في حد جنب محمد علي كويس ممكن يلحمها وهل موضوع الفك والتركيب ده مضمون يعني لو اتفكت متسربش بعد كده يعني انا شايف الاضمن تتلحم وهي ركبه ولا ايه وكنت عاوز اعرف الطريق لو انا رايح الحرفيين من علي الدائري من اتجاه المعادي انزل نزلت السلام كده صح ولا ايه وفين محمد علي
Content Relevant URLs by
vBSEO 3.6.0 PL2