الى كل ملاك السيراتو من 2009الى 2013
السلام عليكم
عندى سؤال يا جماعة بصراحة نفسى اسأله من ساعة ما انضممت الى المنتدى وهو ليه فى قسم الكيا مفيش رابطة لملاك السيراتو من 2009الى 2013 يعنى مثلا هنا فى قسم الكيا فى رابطة لملاك السيفيا ورابطة للبرايد وفى اى قسم تانى برده اشوف رابطة مثلا للالنترا ورابطة للفيرنا ورابطة حتى للاكسيل والاكسنت :question2: احنا بقا ليه مش عندنا رابطة نتنقاش فيها باستمرار مع بعض ونبقى كلنا عارفين بعض ونحدد يوم حتى لو مرة كل كذا شهر نتقابل ونبقى عارفين بعض فى الواقع ونقدر نساعد بعض على قد ما نقدر عشان محدش يستغلنا .
وفى حاجة كمان انا مثلا من فترة قرأت ان فى عضو فى قسم الكيا راح لعضو تانى من نفس القسم كانت عربيته عطلانة راحله بمكانيكى والكلام ده كان بالليل ومسبوش لحد ما العربية اتصلحت كل ده ومكنوش يعرفوا بعض غير عن طريق المنتدى قمة الذوق والتعاون عايزين نكون مع بعض كدة
يا جماعة ياريت بجد تفكروا فى الموضوع ده لانى انا شايف انه هيكون مفيد جدا لكل الناس اللى معاها العربية دى وانا اسف جدا انى بتكلم باللغة العامية بسس انا بصراحة لما بكون بكتب موضوع ما بكتبه زى ما يكون قاعد بكلم حد قدامى واسف جدا جدا على الاطالة ومستنى ردودكم.