الموضوع: مساعده ضرورية من اصحاب الفيرنا

المشاركة الأصلية كتبت بواسطة waleed_zayan

لو سمحتم العربيه دى معروضه عليا وعاوز اعرف سعرها ، فيرنا سماوي موديل ٢٠٠٨ أوتوماتيك ، عداد ٣٥ الف كيلو ، فابريكه بالكامل من الإكصدام للإكصدام، سقفها لونه مكلح بسيط من الشمس ، صاحبها طالب ٦٠ الف جنيه ، ايه رأيكم ؟؟ وايه اللى المفروض أخلى بالى منه لو هشتريها ؟؟ مع جزيل الشكر

سعر معقول بس قارن بين سعرها و الأسعار على كونتاكت مثلا زياده فالأطمئنان
اهم حاجه تكشف على العربيه كويس فبنزينه او مركز صيانه او لو عندك ميكانيكى امين و تكشف على الماتور و الفتيس و المفروض ان العربيه مش مستعمله كتير فا الصالون لازم يكون بحاله ممتازه و اتأكد ان العربيه اصلا اوتوماتيك مش مانيوال و مقلوبه اوتوماتيك
تتأكد ان التكييف شغال (لو قالك محتاج شحن خليه يشحنه الأول علشان لو فيه مشكله فالكمبريسور)

المشاركة الأصلية كتبت بواسطة Waleed_zayan

هو صاحبها بيقول انه مسافر معظم الوقت ومركونه مش بتستخدم ، واعرف ازاى ان الفتيس الأوتوماتيك اصلى بتاعها ومش مانيوال ومقلوبه أوتوماتيك ؟؟

عادى ممكن فعلا يكون بيسافر على العموم من حالة العربيه و الصالون خصوصا هيبنان اذا كان فيه لعب فالعداد ولا لأ لو الفرش متبهدل و الفتيس و الدريكسيون و مكان زراير الزجاج ممسوحه و الكراسى هابطه يبقى فيه نصب
تعرف ازاى انها اوتوماتيك اصلا مش مانيوال مش عارف بس انا مره رحت اشوف عربيه فيرنا اوتوماتيك و صاحبها قالى فابريكا جوه و بره
رحت بصيت عليها لاقيتها رشه بره بالكامل رغم ان لونها اسود و كنا بالليل و مكان النور فيه ضعيف شويه بس الحمد لله عرفت انا و اللى معايا انها رشه - كابوت و شنطه و سقف و اجزاء تانيه - بسهوله جدا لان الجزء المرشوش بيكون انعم من الفابريكا المهم
فتحنا الكابوت علشان نبص على الماتور و لا كنا شايفين حاجه و نور الموبايل مش ظاهر حاجه قلنا مش مشكله خدت المفتاح علشان ادور العربيه لقيت الفرش متبهدل جدا جدا جدا من جوه و العربيه المفروض مش ماشيه كتير قلت ماشى فرش الأبواب مخلع و مفكك خالص و الجزء بتاع مفاتيح الزجاج ممسوح خالص و ببص على المرايات علشان اشوفها شغاله ولا بايظه لاقيتها بدراع مش كهرباء رغم ان الأوتوماتيك فيها مرايات كهرباء قلت ماشى نزلت ابص على لمبة الأستوب مش موجوده قلت للى معايا دى عربيه مانيوال gl و مقلوبه اوتوماتيك
فضلنا نقلب فالعربيه شويه و سألنا صاحبها قال لا هى اوتوماتيك و كان طالب فيها زياده عن سعر السوق حوالى 5000 جنيه و مصمم انها فابريكا لما جه الميكانيكى و خلتيه يبص عليها قالى فعلا هى مانيوال و مقلوبه
سألنا تانى صاحب العربيه قال لا هى اصلا اوتوماتيك, قلت للميكانيكى يعمل انه بيتفاهم معاه فالسعر وسط الكلام قال للميكانيكى انه عارف انها كانت مانيوال و هو اللى قلبها اوتو و كان عايز الميكانيكى يقنعنى بيها و قاله انه هينزل 1000 جنيه من سعرها وانه هيظبطه لو البيعه مشيت
طبعا الميكانيكى قالى ياللا نمشى دى عربيه ملعوب فيها و خساره فيها الفلوس (انا اعرف الميكانيكى من سنين و هو امين جدا جدا)
اهم حاجه تاخد معاك ميكانيكى امين و تكشف كويس على العربيه
روح شوف العربيه فالنهار و قلب فالعربيه كويس جدا و شوف الصيانات اتعملت فين و اخر صيانه امتى و ربنا يسترها معاك

لو فعلا 2008 و 35.000 كم و فابريكا و اوتو
سعر معقووووول جدا

المشاركة الأصلية كتبت بواسطة waleed_zayan

بعد الفحص الدقيق ، العربيه فعلا فابريكه بره وجوه ، وعداد 35 الف كيلو مش ملعوب فيه ، كبس موتور 96 ٪ ، لكن اللون الخارجى كالح جداً فى بعض الأماكن فى السقف والكبوت والشنطه ، العربيه كانت مركونه فى الشمس لفترة طوييييله ، يعنى هتترش ، طبعا ده هينزل من سعر العربيه ، افيدونااااااااا انا احترت

العربيه اتوماتيك فعلا ؟؟
96% ممتاز جدا
اتأكدت من حالة الصالون ؟؟
مش لازم تترش ممكن تلزق عليها لزق بنفس اللون و مش هيبان خالص