الموضوع: عايز افاتح بنت بالجواز بس مش عارف ازاي؟؟

انا عايز اقولك حاجة يا باشا بس يا ريت متفهمش كلامى غلط

بداية الموضوع انك تروح تقولها تلبس الحجاب كده هى ممكن تفهم انك من اولها عايز تتحكم فى حياتها .. انا متابع مواضيعك و عارف انك مش كده بس الفكرة نفسها ان انت بتطلب منها تعمل حاجة هى مش مقتنعة بيها من الاول و ديه ممكن تتفهم غلط .. ممكن تتحاول تتكلم مع اهلك تانى لأن الحجاب اه شىء جميل بس مش معنى ان البنت مش محجبة انها مش محترمة و العكس برضه صحيح .. اهم حاجة هى اخلاقها ايه

و بالتوفيق ان شاء الله

المشاركة الأصلية كتبت بواسطة mohab.nabil

انا عايز اقولك حاجة يا باشا بس يا ريت متفهمش كلامى غلط

بداية الموضوع انك تروح تقولها تلبس الحجاب كده هى ممكن تفهم انك من اولها عايز تتحكم فى حياتها .. انا متابع مواضيعك و عارف انك مش كده بس الفكرة نفسها ان انت بتطلب منها تعمل حاجة هى مش مقتنعة بيها من الاول و ديه ممكن تتفهم غلط .. ممكن تتحاول تتكلم مع اهلك تانى لأن الحجاب اه شىء جميل بس مش معنى ان البنت مش محجبة انها مش محترمة و العكس برضه صحيح .. اهم حاجة هى اخلاقها ايه

و بالتوفيق ان شاء الله

شرف ليا يا باشا انك متابع كل مواضيعي ومتشكر جدا على اهتمامك
انا عارف ان طلبي هيكون رخم في الاول على طول كده بس هحاول اجيبها بطريقه لطيفه كرجاء مش تشرط وغر كده هحاول اوضح ليها ظروف اهلي المتدينين وهيا برده لو شرياني لازم تعمل حاحه
و حكايه اني اكلم اهلي دا امر محسوم بالرفض بشده (اذا كان هما رافضين فكره الجواز منها حتى لو اتحجبت فازاي يوافقوا وهيا مش محجبه) انا هضغط على اهلي جامد عشان يوافقوا اني اخطيها بعد ما تتحجب (ومش عايز اتكلم معاهم تاني دلوقتي غير لما أشوف رأيها الاول عشان متعبش نفسي على الفاصي

وشكرا ليك مره تانيه

المشاركة الأصلية كتبت بواسطة eng/ahmed_go

هى برده لو شرياني لازم تعمل حاجه
طيب ازاى و انت اصلا لسه مكلمتهاش و لسه مش عارف هى هتوافق ولا لأ يبقى شرياك ازاى ؟؟؟
و حكايه اني اكلم اهلي دا امر محسوم بالرفض بشده (اذا كان هما رافضين فكره الجواز منها حتى لو اتحجبت فازاي يوافقوا وهيا مش محجبه)
رافضين ليه ؟؟ هل فيه حد تانى عايزينك تتجوزه ؟؟
مش عايز اتكلم معاهم تاني دلوقتي غير لما أشوف رأيها الاول عشان متعبش نفسي على الفاضى
احسن قرار علشان متعملش مشاكل و فالأخر البنت ممكن تقول لأ

دلوقتى لازم تتشجع و تروح تتكلم مع البنت انت عايز حاجه حلال (مش معقول اللى عايز الحلال يتردد و اللى عايز الحرام ماشى مجاهر بالمعصيه فالشارع و فكل مكان !!!)
اولا: قبل ما تكلمها صلى استخاره و اطلب من ربنا ان لو فيها و فزواجك منها خير ليك ربنا ييسرلك ده و يشرح صدرها للحجاب و تقبله و لو مش خير ليك يصرفك عنها و ربنا ان شاء مش هيحرمك من فضله ابدا
ثانيا: الكلام هيكون واضح وقاطع من غير ما تفتح معاها موضوع الحجاب و شوف هتقول ايه قالت موافقه قولها على الحجاب وافقت يبقى الحمد لله بس خلى بالك اوعى توصلها رفض اهلك ليها و انك هتضغط عليهم علشان يوافقوا و انها لازم تلبس الحجاب زى ما بتقول لازم هى كمان تعمل حاجه
و لو وافقت على الأرتباط ومش موافقه على الحجاب خليها تفكر يوم او 2 (رغم انى شايف ان الموضوع مش محتاج تفكير لو بتصلى كانت لبست الحجاب بس مش مشكله ممكن يكون ربنا اذن لها بالهدايه و تكون انت السبب) و لو وافقت مش لازم تروح تقول لأهلك, استنى شويه و بعد كده قولهم
حارب علشان توصل للى انت عايزه اوعى تستلم او تيأس فيه ناس ضيعت و بتضيع حلمهم و امنيتهم بخوفهم و ضعفهم و استسلامهم و فالأخر هم اللى بيندموا بس بيكون وقت الندم فات

ما ينفعش تطلب من واحده حاجه وانتا مافيش بينك وبينها اى حاجه
هى هتعمل كده ليه ؟
اللى بيشترى لازم يكون عارف هو بيشترى ايه
لكن هى ما تعرفكش علشان تسمع كلامك وكلام فى سرها او ممكن تقولهولك فى وشك
ليه هو انا بايره علشان تتحكم فيا ؟
ده تفكير البنات
والله اعلم ممكن بعد ما تخطبها تطلب منها تتحجب وتسمع كلامك او تقولك انا مستنيه لما اتخطب علشان اتحجب
حاول تدخل بنت وسيط بينكم تتكلم افضل ما تروح تتحرج

المشاركة الأصلية كتبت بواسطة svneleven

شارياك ايه؟ هي تعرفك كويس؟ مش ينفع تطلب منها الحجاب من قبل أي حاجة. لازم تعرفك و تقتنع بيك و بعد كده تتحجب عن اقتناع. أنا معاك لازم تتحجب لكن عن اقتناع مش مجرد ارضاء لشخص حتي لو شارياه.

ايوه عارفاني كويس بس برده مقدرش أتأكد اذا كانت معجبه بيا زي ما انا معجب بيها ولا لاء
وحكاية الحجاب معنديش حل تاني بس طبعا بعد ما أشوف رأيها الاول
شكرا لرأي حضرتك

المشاركة الأصلية كتبت بواسطة shiko85

دلوقتى لازم تتشجع و تروح تتكلم مع البنت انت عايز حاجه حلال (مش معقول اللى عايز الحلال يتردد و اللى عايز الحرام ماشى مجاهر بالمعصيه فالشارع و فكل مكان !!!)
اولا: قبل ما تكلمها صلى استخاره و اطلب من ربنا ان لو فيها و فزواجك منها خير ليك ربنا ييسرلك ده و يشرح صدرها للحجاب و تقبله و لو مش خير ليك يصرفك عنها و ربنا ان شاء مش هيحرمك من فضله ابدا
ثانيا: الكلام هيكون واضح وقاطع من غير ما تفتح معاها موضوع الحجاب و شوف هتقول ايه قالت موافقه قولها على الحجاب وافقت يبقى الحمد لله بس خلى بالك اوعى توصلها رفض اهلك ليها و انك هتضغط عليهم علشان يوافقوا و انها لازم تلبس الحجاب زى ما بتقول لازم هى كمان تعمل حاجه
و لو وافقت على الأرتباط ومش موافقه على الحجاب خليها تفكر يوم او 2 (رغم انى شايف ان الموضوع مش محتاج تفكير لو بتصلى كانت لبست الحجاب بس مش مشكله ممكن يكون ربنا اذن لها بالهدايه و تكون انت السبب) و لو وافقت مش لازم تروح تقول لأهلك, استنى شويه و بعد كده قولهم
حارب علشان توصل للى انت عايزه اوعى تستلم او تيأس فيه ناس ضيعت و بتضيع حلمهم و امنيتهم بخوفهم و ضعفهم و استسلامهم و فالأخر هم اللى بيندموا بس بيكون وقت الندم فات

شكرا يا باشا على ردك الجميل وعلى اهتمامك بكل التفاصيل وان شاء الله احكيلكم على اللي هيحصل ان شاء الله