الى ملاك a516 اخر سؤال قبل التنفيذ

السلام عليكم

عارف دوشتكم طبعا

بس دخت كتير بما يكفي لدخولى كار الكارات

المهم انا معايا 50 الف بفضل الله وحمده

وطبعا بحب اجيب احدث موديل يقدر المبلغ يجيبه عشان مبعترفش ب موديﻻت 90 و 95 و 99 والكﻻم ده

وبعد لف كتير اقتنعت ب A516 وركبتها و انبهرت بوسعها.. وحسيتها ناعمه جايز عشان اول مرة اركب عربية وكله بالنسبة ليا حرير

المهم وانا بقلب في الاعلانات شفت برضه ال m11 وناس بتشكر فيها بس مبشوفهاش منتشره في اسكندرية زى ال 516

اهم حاجه في العربية قلة اعطالها.. قطع غيار متوفره وسعرها متوسط مش غالية وﻻ رخيصه عادي

بالنسبة للبنزين مش عارف موفره وﻻ ﻻ..

السؤال الاهم. بتهيألي دي افضل اختياراتى صح ؟؟ باقى هصلي استخاره

التكييف بتاعها كويس ؟. لاني كنت راكبها مع صاحبي ولقيته جايب هوا دافى مع انه زبطه علي اقل حاجه.. بس كان بيجيب تراب في الاول بعدين قالى اصل مشغلتوش من زمان

اخر سؤال.. 50 الف يجيبوا موديل كام .. و اعمل حسابى اصرف كام عليها اول ما اجيبها.. و اوديها التوكيل اظبطها وﻻ برا؟

وشكرا جزيلا.. و اخيرا اللي بيبيع يدلنى

كمان ايه الفرق بين الهاى ﻻين و بيز ﻻين في موديﻻت 2010و 2011. افرق بينهم ازاى وايه الاوبشنز المختلفه ؟ والعربية دي ثابته لحد سرعه كام ؟

السلام عليكم

بالنسبة لأستهلاك البنزين معايا فى السفر بتعمل حوالى 240 كيلو فى الصفيحة - قيادة معتدله بدون تكييف ( بسرعة 100 كم/ساعة فى المتوسط )

التكييف هايل - تلاجة بمعنى الكلمة -

واترك باقى الإستفسارات للأخوة الأعضاء

تمنياتى لحضرتك بالتوفيق

عربية جميلة حمالة اسية اوى مع واحد قريبى مفترى بيفرمها و العربية مشاء اللة عليها مبتقولش لا

الف شكر استاذ محمد طايع.. بتهيألي ده معدل استهلاك كويس بالنسبة لى.. بتاخد 90 و 92 صح ؟؟ وﻻ 92 يكون افضل اكتر

شكرا استاذ كوكو وصفي.. فعﻻ العربية دي مظلومه بكلمة صيني بس انا مبيهمنيش الكلام ده.. هل فيها ايموبلايزر ؟؟

وياريت باقى الاستفسارات وشكرا جزيلا

بص يا باشا العربية بسم الله ما شاء الله ولو فكرت ابيعها حيبقى عشان الأوتماتيك بس.لاكن هى زى الفل و التكيف جامد جدا مع العلم انى كنت عايش فى القاهرة بيها لمدة سنتين.فى الثبات لحد 170 زى الفل مفيش الهوا.و الأستحمال روحت بيها لشرم من القاهرة و وقفت مرة واحدة للأستراحة 20 دقيقة.وانا جى خدتها طوالى فى 4.5 ساعة بدون توقف.فهى الحمد لله عربية جميلة.بس العفشة بتاعتها ناشفة شوية.و ال 50 يجيبو موديل 2010 او 2011 حالة كويسة.والهاى لاين بتفرق عن ال ls (جنوت,فوجات,تكيف بكر مش تاتش,كاسيت صغير مش الكاسيت الكبير).وللعلم انا زى ماقولت بفكر ابيع بس متردد قوى عشان العربية بسم الله ما شاء الله مافيش فيها اى مشاكل وواسعة جدا عشان انا من الأحجام الكبيرة.وجميع الكماليات ال تحتاجها او تتخيلها فى عربية.لاكن بس عشان الأوتماتيك و الزحمة المقرفة ال بقينا فيها دلوقتى.لاكن لو ربنا كرمك و اشتريت اهم حاجة الصيانة و الزيوت و الفلاتر فى معادها و السيور و الصيانات فى مكان يكون فاهم و حنصحك بناس كتير اعرفهم و معظمخم شغال فى التوكيل.وقطع غيارها على فكرة رخيصة.وربنا يوفققك

وعلى فكرة فيها اموبولايزر

اقتباس:

---

المشاركة الأصلية كتبت بواسطة fourseasons

وعلى فكرة فيها اموبولايزر

---

يعنى ايه اموبولايزر

مانع ادارة المحرك بدون المفتاح المشفر

اقتباس:

---

المشاركة الأصلية كتبت بواسطة fourseasons

مانع ادارة المحرك بدون المفتاح المشفر

---

طب التيجو 2010 فيها اموبولايزر

كل الأسبرانزا فيها ما عدا الأنفى

اقتباس:

---

المشاركة الأصلية كتبت بواسطة supertest

الف شكر استاذ محمد طايع.. بتهيألي ده معدل استهلاك كويس بالنسبة لى.. بتاخد 90 و 92 صح ؟؟ وﻻ 92 يكون افضل اكتر

شكرا استاذ كوكو وصفي.. فعﻻ العربية دي مظلومه بكلمة صيني بس انا مبيهمنيش الكلام ده.. هل فيها ايموبلايزر ؟؟

وياريت باقى الاستفسارات وشكرا جزيلا

---

الأستهلاك كويس بالنسبة لمواتير 1600
البنزين 92 فعلا وعامة انا مش بشوف بنزين 90 دلوقتى خالص
ملحوظه كمان عندى ترموستات الكوعة متشال وده بيخلى درجة حرارة الموتور تقل فى السفر عن المعدل الطبيعى وده بيرفع استهلاك البنزين قليلا
اتوقع بعد تركيبه ان الأستهلاك يكون افضل من كده كمان باذن الله

العربية فيها ايموبلايزر فعلا ( مانع تشغيل السيارة بدون المفتاح المشفر )

تقبل تحياتى

بعت لحضرتك رسالة خاصه يا فور سيزون

هي فعلا كعربية بحبها بصراحه. احسن من مثيلاتها من ﻻنوس و فيرنا بمراحل

ربنل يرزقني بواحده صاحبها كان متقي ربنا فيها

بص ياباشا اللي يقوللك صيني
اعرف انه مابيفهمش في كار العربيات
واخره سواق طاره
ال 516 وعربيات اسبرانزا عموما
تضرب اي عربيه علي عينها من العربيات التعبانه اللي ماليه اليلد
لانوس علي لو جان علي قيرنا او حتي نوبيرا
وتفصل منهم عربيتين
بس مفيش اكتر من كده

اهم شى تكشف على العربيه كويس فى التوكيل
او عند مركز متخصص ويعملك بيان بالمطلوب يتصلح فيها ان وجد
والصيانات الدوريه
وهى عربيه جميله فعلا

استاذ هوجان،، من اكتر الناس اللى لها الفضل بعد ربنا من مشاركاته وكلامه واجاباته على اسئلتى اللى خلانى افكر فى العربية دى ، ربنا يكرمه ويجازيه خير

واحسن حاجه هنا الناس بتنصح بضمير ، مش عشان راكب عربية تبقى احسن عربية

وانا شايفها احسن من اللانوس والفيرنا والكلام الفاضى اللى عفا عليه الزمن ده

مش باقى غير نلاقى عربية بقى يا شباب ، الهمة معانا،، انا هدور على حاجه اقل من 60 الف كيلو عداد

بس سؤال لو عربية 2010 او 2011 وعاملة 90000 كيلو،، ده احسن ولا عربية 2008 او 2007 وعاملة 55000 الف كيلو؟؟

وفعلا سألت فى اسعار السوق لقيت موديل 2010 و 2011 حالة ممتازه وعداد قليل بيتباع من 49 لحد 51 الف

اللى يلاقى حاجه يقولى عشان عايز اخلص الموضوع ده خلال اسبوع ربنا يكرم وانا هعمل اعلان طلب،،

لها اعلانات كتير بس سوقها بطيء شوية لأنى بتصل الاعلانات بتقعد 3 اسابيع وشهر واكلمه يقولى موجوده

ثقافة شعب فعلا ، متقلينه فى البيع،، بس انا مش ناوى ابيع عموما ولا قبل 10 سنين ربنا يدينا طولة العمر يارب

اقتباس:

---

المشاركة الأصلية كتبت بواسطة supertest

استاذ هوجان،، من اكتر الناس اللى لها الفضل بعد ربنا من مشاركاته وكلامه واجاباته على اسئلتى اللى خلانى افكر فى العربية دى ، ربنا يكرمه ويجازيه خير

واحسن حاجه هنا الناس بتنصح بضمير ، مش عشان راكب عربية تبقى احسن عربية

وانا شايفها احسن من اللانوس والفيرنا والكلام الفاضى اللى عفا عليه الزمن ده

مش باقى غير نلاقى عربية بقى يا شباب ، الهمة معانا،، انا هدور على حاجه اقل من 60 الف كيلو عداد

بس سؤال لو عربية 2010 او 2011 وعاملة 90000 كيلو،، ده احسن ولا عربية 2008 او 2007 وعاملة 55000 الف كيلو؟؟

وفعلا سألت فى اسعار السوق لقيت موديل 2010 و 2011 حالة ممتازه وعداد قليل بيتباع من 49 لحد 51 الف

اللى يلاقى حاجه يقولى عشان عايز اخلص الموضوع ده خلال اسبوع ربنا يكرم وانا هعمل اعلان طلب،،

لها اعلانات كتير بس سوقها بطيء شوية لأنى بتصل الاعلانات بتقعد 3 اسابيع وشهر واكلمه يقولى موجوده

ثقافة شعب فعلا ، متقلينه فى البيع،، بس انا مش ناوى ابيع عموما ولا قبل 10 سنين ربنا يدينا طولة العمر يارب

---

2010 أو 2011 حتى لو عامله كيلوات أكتر هيا الأفضل لإن الموديل أحدث ... كمان ال 516 كان فيها عيوب بسيطه أول مانزلت وتم تلافي هذه العيوب تماما من أول 2009

عربيتى موديل 2008 ... 62 ألف كيلو .. صيانة منتظمة بالتوكيل .. للبيع عشان هاشتري أى إكس 35 أو سيراتو

اقتباس:

---

المشاركة الأصلية كتبت بواسطة bassemali

2010 أو 2011 حتى لو عامله كيلوات أكتر هيا الأفضل لإن الموديل أحدث ... كمان ال 516 كان فيها عيوب بسيطه أول مانزلت وتم تلافي هذه العيوب تماما من أول 2009

---

يعني لو 2011 او 2012 وعاملة 85 الف او 100 الف كيلو افضل..
وهل العيوب القديمه يمكن تعديلها في الموديلات القديمه بتكلفة عالية وﻻ ﻻ

اقتباس:

---

المشاركة الأصلية كتبت بواسطة fouad ezz

عربيتى موديل 2008 ... 62 ألف كيلو .. صيانة منتظمة بالتوكيل .. للبيع عشان هاشتري أى إكس 35 أو سيراتو

---

ممكن تبعتلي باقى التفاصسل عالخاص.. اللون والحالة ورشة وﻻ فابريكه وفيها رخصة وﻻ ﻻ ؟ ومرور ايه وشكرا جزيلا

لو 2011 أو 2012 وعامله 90 ألف كيلو فما أقل تبقى هيا الأفضل بس ماتوصلش لل 100 ألف كيلو .

اقتباس:

---

المشاركة الأصلية كتبت بواسطة bassemali

لو 2011 أو 2012 وعامله 90 ألف كيلو فما أقل تبقى هيا الأفضل بس ماتوصلش لل 100 ألف كيلو .

---

انا شفت كتير بصراحه وحاجات وحشه

اللى عاجبانى اوى واحده 2010 عاملة 25 الف كيلو كسر زيرو فابريكه برا وجوا ، فيها خبطه فى الباب اليمين ورا تترد عالبارد او تستنى زى ما هى ما تقلقش فى حاجه ولونها فيرانى واخر صيانة كانت ال 20 الف كيلو

والباقى كله بحالة الزيرو،، وفيها رخصة سنتين ،، بس ماسك فى 55 الف

التانية: 2009 عاملة 90 الف كيلو فابريكا برا وجوا وفيها رخصة 9 شهور ، ولونها اسود فيها خرابيش بسيطه فى الباب الشمال ورا،، و اخر صيانة كانت ال 80 الف كيلو ، وده ممكن يخلص على 44 او 45 الف،،

ايهما افضل ؟

ال 2010 هاى لاين ، اللى نازله بالتعديلات الجديده

ممكن رايكم ياجماعه اجيب m11 ولا 516 ايهما افضل في الاعطال وقطع الغيار

يعني افضل موديلات ل516 موديل2009 ومابعدها صح كده؟

افضل الموديلات من منتصف 2010 فما فوق اللي فيها التعديلات الجديده المذكوره في الموضوع

فى رأيي 516 انتشار اعلي واثبتت اعتماديه وقطع غيارها متوفره ورخيصه

افضل الموديلات من منتصف 2010 فما فوق اللي فيها التعديلات الجديده المذكوره في الموضوع

فى رأيي 516 انتشار اعلي واثبتت اعتماديه وقطع غيارها متوفره ورخيصه