مشكلتين فى السيـــــراتو ... و صيانة ال 5000 كم
صباح الخيـــــــــر :)
امبارح كلمت التوكيل و حجزت معاهم معاد الصيانة اال 5000 ان شاء الله و الحمد لله لحد دلوقتى مفيش اى مشاكل تذكر بس فى حاجتيين مضايقنى و مش عارفة سببهم ايه
اول حاجة الكاوتش عندي بيعمل صوت تكتكة غريبة كدة لما بمشي بالعربية و صوت مستفز جدا و بقيت بقفل ازاز العربية عشان مسمعوش .. كان اتقالى انه ممكن يكون زلط صغير بين النقوش اللى فى الكاوتش بس برده ملقتش زلط اوى يذكر يعني .. او يمكن انا موش شايفة . فهل هو دة السبب ولا ممكن يكون فى حاجة تانية انا معرفهاش؟
تانى حاجة انهاردة و انا بفتح تكييف العربية لقيته مطلع ريحة غريبة هي موش وحشة بس غريبة و بتختفي لما بعلى التكييف اوى بس لما ببقي على الهادى بتفضل الريحة دى موجودة
فلو حد عنده اى معلومة بخصوص المشكلتين دول يا ريت يفيدني و له الاجر و الثواب عند الله:thinking:
فانا لما كلمت خدمة العملاء و حجزت معاد الصيانة ال 5000 كانت قالتلى هتعملى حاجة تانية غير الصيانة قلتلتها لأة صيانة بس .. فهو المفروض كنت اقولها اه عندي مشكلتين فى كذا و كذا ولا عادى مقولش و ابقي اتفاهم مع مهندس الصيانة؟؟