مشكلة في شقة قانون قديم

**eng.salama93** · 11-05-2014 08:27 PM

المشاركة الأصلية كتبت بواسطة omar11112010

وليه يعني يا ريس حرام عليا
دا اسلوب في الكلام برضوا عموما هرد عليك
اولا ردك من منظور ان حضرتك صاحب بيت وعشان تبقي عارف حاجة احنا واخدين الشقة دي طوب احمر يعني انا عاوز اخد تمن التشطيب بتاعي مش اكتر دي حاجة الحاجة التانية احنا ربنا لا كرمنا ولا حاجة انا ابويا وامي ع المعاش وهيعزلوا لظروف خاصة
ثالثا صاحب البيت لو انا سبتها من غير فلوس هل هيديها لحد من غير فلوس ولا هيقوله الشقة سيراميك وبياض وغاز وياخد تمن التشطيب دا غير انه مش هيراعي ظروف حد وهيطلب الايجار اللي هو عاوزه
كل اللي انا عاوزه تمن تشطيب شقة كانت طوب احمر وبعدين الايجار ساعتها كان غالي وهو كان مبسوط يعني اتمتع بخيرها لما الدنيا كانت رخيصة دلوقتي عاوز اخد حق التشطيب غلط ولا صح

واخدها ع الطوب الأحمر من كام سنة .. بقالكو كام سنة قاعدين فيها
هو العمر دا كله فرق الإيجارات ميعملش تمن التشطيب ميت مره !
حسبي الله و نعم الوكيل ف امثالكم

**الاستاذ** · 11-05-2014 09:04 PM

اى عصبية وخلاص
الراجل بيقول عايز حق التشطيب ويسيب الشقةةةة
وطالما كله قلك حرام يبقى خليك فى الحلال و عزل واقفل الشقة وخليها كدة

**أحمد كمال** · 11-05-2014 09:51 PM

المشاركة الأصلية كتبت بواسطة omar11112010

ثالثا صاحب البيت لو انا سبتها من غير فلوس هل هيديها لحد من غير فلوس ولا هيقوله الشقة سيراميك وبياض وغاز وياخد تمن التشطيب دا غير انه مش هيراعي ظروف حد وهيطلب الايجار اللي هو عاوزه
كل اللي انا عاوزه تمن تشطيب شقة كانت طوب احمر وبعدين الايجار ساعتها كان غالي وهو كان مبسوط يعني اتمتع بخيرها لما الدنيا كانت رخيصة دلوقتي عاوز اخد حق التشطيب غلط ولا صح

حق التشطيب مش من حقك ...... اللي تعرف تخلعه اخلعه ......

و بعدين اياكش يبيعها ب 100 مليون جنيه ملكه و هو حر فيه حضرتك هتشاركه في ملكه

حسبي الله و نعم الوكيل في الايجار القديم و في اللي بدعه ...... ايجار غير شرعي و حرام و اغتصاب حقوق كمان

**أحمد كمال** · 11-05-2014 09:53 PM

المشاركة الأصلية كتبت بواسطة omar11112010

وبعدين الناس اللي بتنادي اني اسيب الشقة ببلاش هل لو هو ساكن ايجار قديم وشطبها هيسيبها من غير ما ياخد مليم
ياريت الناس تحط نفسها في نفس موقف الاخرين عشان ترد بطريقة صحيحة وبعدين دا صاحب ملك وانا واخد شقة عنده يعني هو كدا كدا اغني مني يبقي انا اللي غلطان

اغنى منك افقر منك اغنى رجل في العالم انت مالك ؟؟؟؟؟

يعني لو انت اغنى مني اسرقك و اقول ايه يعني اما اسرق منه 100 جنيه هو اغنى مني

**أحمد كمال** · 11-05-2014 09:54 PM

المشاركة الأصلية كتبت بواسطة الاستاذ

اى عصبية وخلاص
الراجل بيقول عايز حق التشطيب ويسيب الشقةةةة
وطالما كله قلك حرام يبقى خليك فى الحلال و عزل واقفل الشقة وخليها كدة

الايجار الغير محدد المدة اصلا حرام ....... يعني ما ينفعش استاجر منك شقة الى ما شاء الله ...... المفروض العقد يحدد بمدة سنة اتنين 5 10 اي حاجة و يجدد برضا الطرفين

فبرضه عزل و اقفلها و خليها دي حرام

**أحمد كمال** · 11-05-2014 09:56 PM

المشاركة الأصلية كتبت بواسطة eng.salama93

واخدها ع الطوب الأحمر من كام سنة .. بقالكو كام سنة قاعدين فيها
هو العمر دا كله فرق الإيجارات ميعملش تمن التشطيف ميت مره !
حسبي الله و نعم الوكيل ف امثالكم

+1

و اضافة على كلامك هو اصلا التشطيب اللي انت ذاللنا بيه ده بقى سعره كام بعد السنين دي كلها؟؟؟؟؟؟ مش فيه اهلاك برضه ؟؟؟؟؟

على كده لو اجرت عربية شهرين و رحت غسلتها في النص هاطالب شركة الايجار بتمن الغسيل مثلا؟

**M R. Z E C O** · 11-05-2014 10:02 PM

لو ربنا مديلك بحيث انك تقدر تمشي والفلوس الهيديهالك مش هتفرق يبقى سمحوا فيهم واغتبرها صدقة ..طب تعمل ايه فالبياخد محل على المحارة ..ويشطبوا ويجهزوا والمحل يخسر وميجبش ايجاره ويطر يسيبة بالخساير دي كلها من غير ولا مليم ..انما لو الفلوس دي ضرورية للغاية بالنسبلكو ..فحاول تخفف وتقبل بالحد الادنى او تقبل بالهو عرضو عن طيب خاطر

**hugan** · 11-05-2014 11:23 PM

قانون ظالم
نتاج فكر عبد الناصر الشيوعي
اصحاب بيوت اتظلموا
لما الشقه تتورث للابناء
والمستاجر عنده بديل ومش هاين عليه يرجع الحق لاصحابه
عندي في الشارع ناس محترمه جدا ربنا اكرمهم ببيوت ملك ليهم بعد الايجار
وتركو الشقق لصاحب البيت بدون ولا مليم

-

الموضوع: مشكلة في شقة قانون قديم

LinkBack

أدوات الموضوع

عرض

-

-

-

-

-

-

المواضيع المتشابهه

شقة ايجار قانون قديم

محل للتأجير قانون قديم فى شبرا

مطلوب شقة ايجار قانون قديم

مطلوب شقه قانون قديم

مطلوب شقة قانون قديم مصر الجديدة

الكلمات الدلالية لهذا الموضوع

المفضلات

المفضلات

ضوابط المشاركة