ياجماعة فيدونى انا رايح اغير الزيت بس مش عارف اغير بزيت ولف وﻻ زادو وﻻ فى انواع احسن ...
عرض للطباعة
ياجماعة فيدونى انا رايح اغير الزيت بس مش عارف اغير بزيت ولف وﻻ زادو وﻻ فى انواع احسن ...
انصحك بزيت كاسترول ايدج من افضل الزيوت فى العالم عن تجربة لمدة ستة اعوام فى فورد فوكاس ٢٠٠٧ ممتاز بلا منازع
انا افضل زيت زادو عشان انا شايف ان موضوع الترميم ده ممتاز لان العربيات بتتهلك من سواقة بلدنا الجميلة
طيب انا عايزك تجرب زيت وولفر الالماني
انا حطيبت وولف وزادو و ولفر
اكثرهم جودة حتي الان هو وولفر
واما مكنتش وافقت اخد موزع معتمد ليه عدي في الورشة
بقاله في البي ام 11 الف كم
ولسه الكمبيوتر كاتبلة قدامك الفين كم
ومناسب ليك جدا 5-40
سعره 285 جنيه
ومكانا في الحرفين او النزهه الجديدة
لو عايز ابعتهولك في اي مكان وتعمل ايداع بالمبلغ في الاهلي سوستية ممكن
وهاشحنهولك tnt هدية اول مره :-)
ال301 بتاخد 5w-30 يا كريم
5-30 ده مش هينفع في مصر خالص ، الكتالوج بيتهيألى بنسبة 95% مكتوب فيه 5w30 و 5w40
ليه ما ينفعش؟؟
لو الكتالوج كاتب إنه ينفع يبقى أكيد ينفع إن شاء الله.
على العموم... مفيش زيت صالح لجو معين على الإطلاق... لازم نشوف الكتالوج كاتب إيه... لإن ممكن ينفع مع موتور معين .. ومع موتور تاني ما ينفعش.
على العموم... إحنا في السعودية بنحط زيت تخليقي 5w-30... وانت عارف الجو عامل إزاي هناك... وما حدش اشتكى من حاجة.
...
انا غيرت بزيت شيل الترا 5w40 و حاسه حلو ماشاء الله
دماسري احنا جايلنا 5/30 كمان اسبوعين
وانا عربيتي مكتوب 5/30
ال 3 مرات اللي حطيت فيها 5/30 مع اختلاف 3 ماراكات بعد 6 او 7 الاف كم وفي الحر التشتيت الحراري بيبقي زي الزفت
درجة الحرارة مبتزدش لانها لو زادت العربية عندي هاتبطل
لكن السحب زي الطين لو وقفت شوية تهدي ترجع تسحب تاني
ال 5/40 مبيعملش كدة ابدا
3 مرات ب 3 انواع زيوت
ال 5/30 كويس جدا معايا في الشتا
م.برعي دي النقطة اللي انا وانت دايما نختلف فيها
انت بتتكلم من ارقام وانا بتكلم من واقع
انا عارف ان جو السعودية العن
لكن مش عارف ليه كدة
مش انا لوحدي اللي كدة
ناس كتير في جروب البيمر قالو نفس الكلام
مواتير فيات وزميلان فورميلاتور قا نفس الكلام مواتير عادية ومتربنه
ممكن يكون حسب نوع سبيكة الموتور بقي في العربيات الاوربي
مسمعتش الشكوي دي من عربيات اسيوي علي فكرة
التشتيت الحرارى ده يا كريم باشا اللى هو بيأثر على ايه بالظبط وايه احساسه ؟
هل هو اللى لما تبقى ماشى جوة البلد وفي الزحمة تلاقى العربية اخشن من العادة وكأنها مكتومة شوية بعد ما تطلع من الزحمة خصوصا لو معاها اعراض سخونة الاسطوانة ... ..
ولما الطريق يفتح وتجري لفترة على 110-120 وترجع تهدى تلاقى الدنيا اختلفت والعربية ناعمة جدا والنقلات الاول والتانى سلسين جدا ، كأن العربية جديدة وتحس انها عايزة تمشى لوحدها
بالظبط
ان سبيكة الموتور تسخن لكن درجه الحرارة مظبوطة
تلاقي العربية ادائها وحش ومبتسحبش كويس رغم انك دايس بنزين علي الخر
وده بيرجع لقدرة الزيت علي تشتيت حرارة الموتور وتبريده في وقت اسرع ودي من تاني اهم وظايف الزيت
كريم باشا... مفيش اختلاف ولا حاجة إن شاء الله
خلينا نحلل الموضوع سنة سنة...
حضرتك عارف إن bmw عاملة مواصفات خاصة بيها... ومش هي لوحدها.. معظم الماركات الأوروبية والأمريكية عاملة لنفسها مواصفات كمان
المشكلة إن مواصفة الـBMW LL-01 بتاعت الزيت - وحسب معلوماتي - مفيهاش تحديد للزوجة المستخدمة... إلا إذا كان ده متحدد في الكتالوج.
الجزئية التانية... هل الزيوت اللي عملت مشكلة مع حضرتك كان مكتوب عليها إنها متوافقة مع مواصفة BMW LL-01 ؟؟
طيب... هي مواصفة الـBMW LL-01 بتقول إيه؟؟
بتقول إن الزيت المستخدم لازم يكون معتمد من BMW،
ويكون تصنيف الـACEA بتاعه A3/B3... يعني لازم تكون لزوجته منخفضة ويستحمل الظروف الشاقة ،
ويكون تصنيف الـAPI بتاعه ما يقلش عن SJ ...
بالإضافة إنه لاااااااازم يكون من النوع الموفر للطاقة (EC-II)
للأسف... ما حددوش لزوجة معينة في المواصفة دي...
بس في المواصفة اللي بعدها BMW LL-04 وضحوا إن اللزوجة اللي تستخدمها هي
SAE 0W-30, 0W-40, 5W-30, 5W-40
رأيي ... لو ما كانش الزيت معتمد من BMW ما تشتريهوش... لإنه أكيد هيبقى ليه آثار سلبية
...
حبيبي الله يكرمك
انا في الكاتالوج عندي ll04
وكل الزيوت اللي حطيبتها كانت ll04
والزيت الوحيد اللي حطيته كان زادو ll01 وبصراحة العربية كانت مش طبيعية معاه ونزلته بعد شوية لانها كانت بترجرج في السلانسية وهي باردة وغالبا ده معناه ان طلمبه الزيت مش قادرة تسحبه كويس وتوصله للموتور
لكن مبحطش اي زيت غير معتمد من بي ام دبليو الموتور ده مفيهوش هزار :-)
يجوز يكون موضوع تشتيت الحرارة في الزيت هو السبب...
بس ممكن بردو تكون طبقة الزيت بتاعت الـ5W-30 مش كافية والتالي بتتولد حرارة أكبر وتخلي السبيكة تتمدد زيادة عن اللزوم.
عالعموم... أنا عارف إن حتة اعتماد الزيت من BMW ما تفوتاكش..
بس عايز أقول للناس بردو إن ممكن جدا تلاقي في شركة واحدة نوع زيت تخليقي معتمد من شركات معينة ونوع تاني معتمد من شركات مختلفة.
خد مثلا 5 أنواع زيت تخليقي من نفس الشركة بنفس اللزوجة... كل واحد معتمد من شركات مختلفة... وفيه منهم أنواع مش متصنف API أساسا
http://www.lubrita.com/uploads/Produ...30_English.pdf
http://www.lubrita.com/uploads/Produ...30_English.pdf
http://www.lubrita.com/uploads/Produ...30_English.pdf
http://www.lubrita.com/uploads/Produ...-30_TDS_En.pdf
http://www.lubrita.com/uploads/Produ...30_English.pdf
مش عارف أنا بتوع البي إم عاملين في الناس كده ليه؟؟؟ :36_2_49[1]:
ماله الياباني والكوري.. زي الفل :C_laugh[1]:
حبيبي والله يا كيمو :orangeabli::orangeabli:
...