مشكلة في الباور

**mohamedmortady** · 12-05-2014 01:32 AM

عندى الباور بتاع الدركسيون تقل والطلمبة مش بتقلب روحت لمكانيكى وقالي عيب طلمبة قولتله ماشي وجبت اكتر من 5 طلمبات وغيرتهم والعيب زي ما هو وفي الاخر رجعت لطلمبتى القديمة والمشكل زي ما هي

**SYD** · 12-05-2014 09:52 AM

اكشف علي الاسكترا وخراطيمها وصمامات الزيت فيها (لواكير جمع ﻻكور)

**ehab_mansour** · 12-05-2014 02:21 PM

المشاركة الأصلية كتبت بواسطة syd

اكشف علي الاسكترا وخراطيمها وصمامات الزيت فيها (لواكير جمع ﻻكور)

رد مختصر و مفيد و شامل ... جميل

حضرتك كما قيل تخلي ميكانيكي بيفهم يراجع علي الدورة كلها تكون سالكه و سليمة و الاسكترا سليمه بدون تسريب او تفويت

و ياريت لو تغير الميكانيكي ده لأن ابسط قواعد الصيانه بتقول ان اي دورة ضغط و حركة هيدروليكية مغلقة حصل فيها ضعف في الحركة و غيرت الطلمبة و متحلتش مشكلتها يبقي يا فيها سدد في احد الاماكن عامل ضعف لضغط الطلمبة و مخلية مش واصل كويس او الجزء المقابل لتنفيذ مؤثر الضغط ده (الاسكترا ) فيها مشكلة و مفوته و عايزه تتغير

و بالتوفيق للجميع

**hossamalsadik** · 12-05-2014 08:07 PM

كما سبق من الاصدقاء وذكرو
خلي ميكانيكى بيفهم يراجع على دورة الباور بالكامل من اسكترا لخراطيم
لان طلما غيرت الطرمبه كذا مره والمشكله ماتحلتش يبقى العيب اما فى الاسكترا أو أحد الوصلات معصوره او مسدوده أو منفثه للضغط