الموضوع: الأزمة المالية العالمية وتأثيرها علي أسواق السيارات

الصح ان محدش يشترى زيرو دلوقتى
و الاصح ان محدش يشترى العربيات " الى كلنا عارفنها " المبالغ فى سعرها بدون لازمه و الماركات و الموديلات معروفه لينا كلنا .

الكل يصبر شويه اعتقادى سوق السيارات " الزيرو " هينهار و بشكل هستيرى ... ليه ؟

ناس كتيييييييير جدا مستثمره فى البورصه و خسرت .... ناس كتير بتمشى مع الموجه يلاقى فى ركود و السوق واقف مايشتريش .

على اد ما الموضوع بيمثل كارثه على اد منا فرحان فى الوكلاء الجشعين و مصانع السيارات الى غلت اسعارها بدون داعى لمجرد الجشع ..... خليهم يشربو عربياتهم .

عموما بعيد عن العربيات فعلا العالم داخل فى كارثه اقتصاديه , بالنسبالنا هنا اكتر قطاع حيتأثر قطاع العقارات . لان اسعار المواد الخام انخفضط بشكل كبير " الحديد عالما انخفض سعره تقريبا 50% " و البترول نزل سعره 40 دولار فى شهر واحد بس .
و لسه بكره حنشوف .

اسمحولي يا جماعة اساهم معاكم في المناقشة دي براي...

اعتقد ان الانتعاش الذي عاش فيه سوق السيارات في مصر في الثلاث سنوات الاخيرة اعطى انطباع كاذب لكثير من المستوردين ان السوق المصري سيلتهم اي كمية سيارات يتم استيرادها وبأي مواصفات لانه في زبون، مما دفع هؤلاء المستوردين والتجار للمجازفه بعقد صفقات استيراد لكميات كبيره من السيارات والدليل على ذلك اننا سمعنا ان التوكيلات تجبر التجار على اخذ حصص من السيارات اكبر من مقدرتهم على التسويق او البيع وبالتالي يجد التاجر نفسه في ازمة اما انه يرخص ويحرق السوق او العربيات تصدي في مخازنه لانه مفيش زبون زي من اربع خمس شهور وكمان عشان محتاج سيوله يغطي بيها عمله ومكسبه وتجارته مما سيؤدي لزيادة المعروض وبالتالي انخفاض الاسعار.

ولو في حد بيدخل جمرك السيارات سيلاحظ كمية السيارات اللي نزلت من مراكب والمستوردين من عايزين يخلصوا عليها عشان ميحرقوش السوق بكثرة المعروض وكمان عشان مفيش سيوله يدفعوا بيها الجمارك والرسوم ودي طبعا بتخودها الحكومة كاش وطبعا عمر ما المصنع سيقبل ارجاعها تاني وفي الحاله دي للمحافظة على اسعار العربيات في العالي زي ما هي سيكون الحل الوحيد هو تعطيش السوق وقبول خسائر مؤقته ولكن فادحة وده طبعا مش اسلوب اقتصاد حر، وسيترتب عليه تأخر سوق السيارت المصري عن العالم فيما لا يقل عن سنتين في الاسعار والموديلات.

يعني فيما يخص سوق السيارات اعتقد والله اعلم انه سيواجه ازمات خلال الفترة الجاية ولكن يصعب التنبؤ بنتائجها حاليا لان الناس في حاله ترقب ومحجمة عن الشراء خوفاً من وصول الازمة العالمية الينا في شكل ارتفاع كبير في الاسعار وعدم توفر السيوله.

وبصراحة حل الازمة دي في ايدينا لو يحصل تعقل من الحكومة بتطبيق تخفيضات جديدة على التعريفة الجمركية واللي حتساعد التجار على تخفيض الاسعار بدون تسبب في خسائر وعدم مغالاة اصحاب المستعمل في اسعار سياراتهم للمساعدة على تخفيض سوق الزيرو لانهم كمان حيستفيدوا من تخفيض اسعار الزيرو لما يغيروا .... والله اعلم...

بس خلاص